السلام عليكم ورحمة الله وبركاته
بس حبيت اشارك معاكم في تجربتي
اولا عشان البنات اللي يعانون من السمنة ومايدرون ان السبب هو مشكلة صحية
مهو بس كثر الاكل
وثانيا عشان تدعون لي ان شاء الله ربي يرزقني بالذرية الصالحة
وكلمن يتمنى الذرية يارب
وساامحوني اذا كنت طولت في القصة بس ابي اذكر كل التفاصيل اللي ممكن تساعد وحدة ممكن يكون
عندها نفس مشكلتي عشان اتحلها
لان العمليات مب اهي دايما الحل لمشكلة السمنة
طبعا انا فاهمة ان في حالات تحتاج تدخل جراحي
بس انا كنت من الناس اللي كنت مصرة على العملية قبل ما افهم حالتي
والحمد الله ان ربي نور طريقي وتعلمت الحل الجذري لهالمشكلة
انا من يوم ماتخرجت من الثنوية وطوال سنين الجامعة امتن واضعف
طبعا اضعف بعد رجيم قاسي كنت احرم نفسي فيه من كل شي
وطبعا بعدها ارجع اكل وامتن
واستغرب ياربي ليش امتن مع اني ما كنت اكل ذاك الزود
كلمن اقولي يا بنت الحلال انتي
من وين لج كل هالمتن وانتي مب لهناك تاكلين
المهم ظليت بالغباء اللي انا فيه عبالي ان جسمي جذي بس قابل للمتن
لين ما ربي كتبلي الخطوبة و الزواج
وطبعا في ظل زحمة الحياة الجديدة تنسين سالفة الرجيم وانتفخت مثل البالون
وطبعا ما حملت
رحت للطبيبة النسائية وانصدمت صدمة عمري
ان عندي تكيس المبايض عشان جذي دورتي ملخبطة
عطتني على طول الكلوكوفاج اللي ذبحني من اول يوم
كرهته هديته كله وقلت
عني ما ضعفت وهديت عمري سنة كاملة في احباط كامل
اولا كنت حاسة اني انسانة فاشلة لاني ما قدرت احمل
وثانيا اني صرت حوت وزنه مليون كيلو
وثالثا ماقمت اطلع ولا ابي احد اشوفني مع ريلي وهو ضعيف وانا دبة
استغفر الله صادني اكتآب حتي الانتحار قمت افكر فيه
المهم رفيجتي في الدوام اللي حدها كلوز معاي
كانت تسآلني عن حالتي النفسية ليش جذي
وشارت علي على دكتورة تغذية
؛ معروفة عندنا في البحرين
بس مادري اذا مسموح لي اقول اسمها ولا لا!!
اول ما قعدت معاها حسيت انها طبيبة نفسية
قلت لها عن حياتي ودوامي واحساسي واحباطاتي
وقلت لها اني اكل لين اتضايق
مثل ماقلت لكم انا كان عبالي ان الغلط مني
اسآلتني انتي اشكثر تاكلين على الغدى مثلا
اربع كواب رز اربع سندويتشات
استغربت هالكمية هاذي كلها وبعدين قلت لها ان عندي تكيس مبايض
قالت لي الحين ا فهمت حالتج
بكل بساطة تكيس مبايض يعني
insulin resistance
يعني جسمي من كثر ما يفرز انسولين صار مب نافع معاي ولا يآدي دوره
فالجسم ما يحرق الاكل ويخزن كل شي
طبعا الشرح اللي قالته مطول ومعقد شوي بس انا ابي اختصر
سويت فحص دم وطبعا السكر كان عاالي جدا
وتذكرت كلام الطبيبة النسائية
اذا ما حطيتلي حد لهالمشكلة بصيدني سكري ، الشعر بيزيد و حب الشباب بيشوهني اكثر
وممكن لا سمح الله ما اوصل حتى للخمسين لان تكيس المبايض ممكن يسبب سرطان الرحم
حسيت اني بمفترق طرق
يااما احط حل جذري او استمر بحياة بؤس وفشل ومرض
اخترت اني اعيش الحياة اللي اتمناها حتى لو
بشوية تعب في البداية
وطبعا لازم مع صديقي الجديد الكلوكوفاج
ضبطتلي الدكتورة اكلي
السكر و الطحين الابيض نسيته
الكربوهيدات بالريوق و الغدى بس كوب واحد و العشي بروتين بس
الفواكه بالبداية قطعتين باليوم لانه فيه سكر
واكيد المقليات و الاكل الدسم لا
والسلطات طبعا احط فيهم حرتي
مع درسنج خفيف
شريت تريدميل وحطيته جدام التلفزيون
وقمت امشي عليه كل يوم
ابتديت اب 20 دقيقة
لحد ما وصلت ل 45 دقيقة مرتين باليوم
ومع ان النزول كان بطئ نوعا ما
بس
ماكان يرجع الوزن وكنت مرتاحه
لاني ماكنت حارمة نفسي من طباخ البيت العادي
ترة اكلنا يا خليجيين والله صحي وشحلاته
طبعا اذا ماكانت الوالدة اتحب الدهن الزايد
المهم بعد سبعة اشهر
نزلت 27 كيلو
ابتداءا من اليوم
باقيلي 6 كيلو على وزني المثالي
طبعا ما ودي اجذب عليكم واقولكم ان حياتي تغيرت
وصرت يا ارض انهدي ماعليكي قدي
لانني بصراحة ماشوف فرق في المنظرة مادري ليش
علي قولة اختي الظاهر عمية
مع اني حاسة بفرق شاسع في مقاسات ملابسي
وكلمن اشوفني يسآلني شمسوية
واقولهم مامسوية شي والله
كان عندي مشكلة هرمونية لول
ونا صاجة مب حاسة اني سويت شي اللهم الا قمت اكل اكل صحي وقمت اسوي رياضة
يعني اول كنت احرم نفسي اكثر بس الحمدالله الكلوكوفاج واايد نفعني
وبنات اذا فيكم وحدة تحتاجه ترة مسوين نوعية جديدة وايد نفعتني
من غير كل الاعراض الجانبية من عزكم الله لوعة واسهال
اسمه
Glukophage XR
لاتاخذونه من غير وصفة طبية طبعا مايحتاج اقولكم
وسامحوني على التطويل
ويارب اكون نفعت ولو وحدة فيكم
يا بنات قبل ما تجربون في عمركم رجيمات النت اللي تخرب عملية الايض اللي عندكم
وتعوبلون بعمركم بادوية و بعمليات
فحصوا تابعوا مع اطباء التغذية
ولين شفتو دباديب يا رشيقات
لا تحتقرونهم على طول وتقولون عليهم انهم متان من شراهتهم
ترة في وايد امراض تسبب السمنة
وادعولي بالذرية الصالحة
انا ولكل وحدة تتمنى يارب
وسلامتكم يا حلوين!
بس حبيت اشارك معاكم في تجربتي
اولا عشان البنات اللي يعانون من السمنة ومايدرون ان السبب هو مشكلة صحية
مهو بس كثر الاكل
وثانيا عشان تدعون لي ان شاء الله ربي يرزقني بالذرية الصالحة
وكلمن يتمنى الذرية يارب
وساامحوني اذا كنت طولت في القصة بس ابي اذكر كل التفاصيل اللي ممكن تساعد وحدة ممكن يكون
عندها نفس مشكلتي عشان اتحلها
لان العمليات مب اهي دايما الحل لمشكلة السمنة
طبعا انا فاهمة ان في حالات تحتاج تدخل جراحي
بس انا كنت من الناس اللي كنت مصرة على العملية قبل ما افهم حالتي
والحمد الله ان ربي نور طريقي وتعلمت الحل الجذري لهالمشكلة
انا من يوم ماتخرجت من الثنوية وطوال سنين الجامعة امتن واضعف
طبعا اضعف بعد رجيم قاسي كنت احرم نفسي فيه من كل شي
وطبعا بعدها ارجع اكل وامتن
واستغرب ياربي ليش امتن مع اني ما كنت اكل ذاك الزود
كلمن اقولي يا بنت الحلال انتي
من وين لج كل هالمتن وانتي مب لهناك تاكلين
المهم ظليت بالغباء اللي انا فيه عبالي ان جسمي جذي بس قابل للمتن
لين ما ربي كتبلي الخطوبة و الزواج
وطبعا في ظل زحمة الحياة الجديدة تنسين سالفة الرجيم وانتفخت مثل البالون
وطبعا ما حملت
رحت للطبيبة النسائية وانصدمت صدمة عمري
ان عندي تكيس المبايض عشان جذي دورتي ملخبطة
عطتني على طول الكلوكوفاج اللي ذبحني من اول يوم
كرهته هديته كله وقلت
عني ما ضعفت وهديت عمري سنة كاملة في احباط كامل
اولا كنت حاسة اني انسانة فاشلة لاني ما قدرت احمل
وثانيا اني صرت حوت وزنه مليون كيلو
وثالثا ماقمت اطلع ولا ابي احد اشوفني مع ريلي وهو ضعيف وانا دبة
استغفر الله صادني اكتآب حتي الانتحار قمت افكر فيه
المهم رفيجتي في الدوام اللي حدها كلوز معاي
كانت تسآلني عن حالتي النفسية ليش جذي
وشارت علي على دكتورة تغذية
؛ معروفة عندنا في البحرين
بس مادري اذا مسموح لي اقول اسمها ولا لا!!
اول ما قعدت معاها حسيت انها طبيبة نفسية
قلت لها عن حياتي ودوامي واحساسي واحباطاتي
وقلت لها اني اكل لين اتضايق
مثل ماقلت لكم انا كان عبالي ان الغلط مني
اسآلتني انتي اشكثر تاكلين على الغدى مثلا
اربع كواب رز اربع سندويتشات
استغربت هالكمية هاذي كلها وبعدين قلت لها ان عندي تكيس مبايض
قالت لي الحين ا فهمت حالتج
بكل بساطة تكيس مبايض يعني
insulin resistance
يعني جسمي من كثر ما يفرز انسولين صار مب نافع معاي ولا يآدي دوره
فالجسم ما يحرق الاكل ويخزن كل شي
طبعا الشرح اللي قالته مطول ومعقد شوي بس انا ابي اختصر
سويت فحص دم وطبعا السكر كان عاالي جدا
وتذكرت كلام الطبيبة النسائية
اذا ما حطيتلي حد لهالمشكلة بصيدني سكري ، الشعر بيزيد و حب الشباب بيشوهني اكثر
وممكن لا سمح الله ما اوصل حتى للخمسين لان تكيس المبايض ممكن يسبب سرطان الرحم
حسيت اني بمفترق طرق
يااما احط حل جذري او استمر بحياة بؤس وفشل ومرض
اخترت اني اعيش الحياة اللي اتمناها حتى لو
بشوية تعب في البداية
وطبعا لازم مع صديقي الجديد الكلوكوفاج
ضبطتلي الدكتورة اكلي
السكر و الطحين الابيض نسيته
الكربوهيدات بالريوق و الغدى بس كوب واحد و العشي بروتين بس
الفواكه بالبداية قطعتين باليوم لانه فيه سكر
واكيد المقليات و الاكل الدسم لا
والسلطات طبعا احط فيهم حرتي
مع درسنج خفيف
شريت تريدميل وحطيته جدام التلفزيون
وقمت امشي عليه كل يوم
ابتديت اب 20 دقيقة
لحد ما وصلت ل 45 دقيقة مرتين باليوم
ومع ان النزول كان بطئ نوعا ما
بس
ماكان يرجع الوزن وكنت مرتاحه
لاني ماكنت حارمة نفسي من طباخ البيت العادي
ترة اكلنا يا خليجيين والله صحي وشحلاته
طبعا اذا ماكانت الوالدة اتحب الدهن الزايد
المهم بعد سبعة اشهر
نزلت 27 كيلو
ابتداءا من اليوم
باقيلي 6 كيلو على وزني المثالي
طبعا ما ودي اجذب عليكم واقولكم ان حياتي تغيرت
وصرت يا ارض انهدي ماعليكي قدي
لانني بصراحة ماشوف فرق في المنظرة مادري ليش
علي قولة اختي الظاهر عمية
مع اني حاسة بفرق شاسع في مقاسات ملابسي
وكلمن اشوفني يسآلني شمسوية
واقولهم مامسوية شي والله
كان عندي مشكلة هرمونية لول
ونا صاجة مب حاسة اني سويت شي اللهم الا قمت اكل اكل صحي وقمت اسوي رياضة
يعني اول كنت احرم نفسي اكثر بس الحمدالله الكلوكوفاج واايد نفعني
وبنات اذا فيكم وحدة تحتاجه ترة مسوين نوعية جديدة وايد نفعتني
من غير كل الاعراض الجانبية من عزكم الله لوعة واسهال
اسمه
Glukophage XR
لاتاخذونه من غير وصفة طبية طبعا مايحتاج اقولكم
وسامحوني على التطويل
ويارب اكون نفعت ولو وحدة فيكم
يا بنات قبل ما تجربون في عمركم رجيمات النت اللي تخرب عملية الايض اللي عندكم
وتعوبلون بعمركم بادوية و بعمليات
فحصوا تابعوا مع اطباء التغذية
ولين شفتو دباديب يا رشيقات
لا تحتقرونهم على طول وتقولون عليهم انهم متان من شراهتهم
ترة في وايد امراض تسبب السمنة
وادعولي بالذرية الصالحة
انا ولكل وحدة تتمنى يارب
وسلامتكم يا حلوين!
