شلون نثبت سجادة الصلاة على ارضية سيراميك ؟

[ناعمة]

السلام عليكم ورحمة الله وبركاته

جزاكم الله خير خواتي

داري ارضيتها سيراميك . و لما اصلي على سجادة الصلاة ( نوعها اسفنج من داخل عشان ارضية السيراميك تعور راسي لما اسجد فا الاسفنج يخفف ) فا شلون اثبت هالسجادة على ارضية السيراميك ؟ .

لأنها صايرة شوي سميكة و اسفنج من داخل فا تتحرك وانا اتحرك بالصلاة ! .

تكفون ساعدوني ، تأذيت كل ساع و انا اصلي اعدل السجادة !!

ساعدوني ، و ان شاء الله يكون في ميزان حسناتكم

 

[ضوى العيون]

في شي مثل تلزقين فيه على السراميك ومايرخب بس يثبته مثل لزاق او استخدمي لزاق العادي للي يكون للخامات

 

[ناعمة]

اختي ضوى العيون ، يزاج الله خير ، وين احصله ؟

 

[softlady]

اختي حطي اي ثقل صغير يس ما يكون مجسم على شكل

على طرف السياده

 

[الاسطورية]

انا اقول حطيلج قطعه زوليه صغيره كديكور بالغرفه ووقت الصلا فرشي السياده وصلي عليها

 

[لوكريسيا]

مثل ما قالتلج الاسطورية

انا حاليا جذي اسوي .. و في اي مكان اصلي فيه تكون ارضيته سيراميك او رخام احط السيادة على قطعة الزل و أصلي

 

[ناعمة]

الله خوش فكرة . جزاااااااااااااااااكم الله جنة الفردووووووووووس خواتي

 

[رفرف]

في قطع مقصصة عند بو100 كل الألوان مانعة للانزلاق (خوش ترجمة) تستعملينها لكل شي ومنها تحت السيادة او قطع الزل أو للأرفف علشان ماتزلق منها اغراض روحي شوفيها عند كل محلات بو100 تكون جنها فلين خفيف ومخرمة

 

[supermarket]

كنت بقولج نفس رفرف

مانعة انزلاق السجادات وتلقينهم بعد بشكل ثاني


مشخلين مثل الشبك تحطينهم باطراف السيادة

 

[د.شريفة]

كنت بقول نفس رفرف شفته عند دايسو

 

[CuTiE PiE]

انا ماخذه هذى للسجاده الى بصالتى من جد عجيبه وتثبت السجاده وماتتحرك اسمها
Rug Pad
اتوقع تلقينها بمحل السجاد لانى انا بامريكا فماعرف محلات الكويت.......

[/IMG]

 

[*كويتيه يونيك*]

مشكورين على الافكار الحلوه_03ba: