شلون كان يومكم المدرسي الاول

[ام دودو المزيونه]

رحت الساعة 8 الا ربع وعجيبه الناظرة داشه معاي العاده تتأخر وسلمت علي ربعي وقعدنا سوالف للساعة 1 يالله طلعونا بس طول الوقت واحنا نتحلطم متي الطلعه والوكيله مو راضيه تعلمنا
والحمدالله وحده جزاها الله الف خير يايبه قهوه وشاي وفطاير ما قصرت الفاطرين تريقوا
بس مدرستنا امنظفينها وصابغين الطوف والحمدالله الغرفة نظيفه تلق والتكييف شغال

 

[حيوته]

انا داومت الساعة 7:30 وسلمت على الكل ونطرنا مديرتنا اليديدة ولا يات وصارت الساعه 10 نزلوا نشرة إن الدوام 7:30 إلى 1:10 والجو عندنا خيييييييييييييسة الوحدات خربانة وتنقط ماي والغرف وصصصصصصخة قلت حق زميلتي نروح نييب ريوق وماي كلمت المديرة المساعدة كتبتنا استئذان رسمي من اول يووووووووووووووووم
وطبعا تفاجئنا عندنا نقص مدرسات نصابنا 15 وفينا حمل والي تتعالج والي عيوز بالله ان غابوا منو بياخذ مكانهم ؟؟؟؟
سنة يديدة ان شاءالله بنلاقي الخير فيها p

 

[mo3lema2007]

يحلوكم مداومين الساعه 7 ونص

انا صحيت الساعه 9 ووصلت المدرسه الساعه 11

بسرعه طار اليوم الدراسي الاول لووووول

 

[مشغوله و محتاسه]

يحلوكم مداومين الساعه 7 ونص

انا صحيت الساعه 9 ووصلت المدرسه الساعه 11

بسرعه طار اليوم الدراسي الاول لووووول

ههههههههه بدعتي !!



لا انا رحت 8 الا شوي ... و قعدت مع البنات لاني منتقله ... فأبي اشوووفهم و الحق عالسوالف لوول

كان حررر اول شي بس عقب ضبطو التكييف ..


وكل عام وانتو بخير :edbf4317b9:

 

[Katkota_46]

داومت الساعه 9 ونص طبعا الله لا يوريج المدرسه كلها عمال كانوا اكثر من المدرسات:eh_s(13):

رمل وصاخه... مادري شقول مو حاسبين لنا حساب لانه تعودوا يخلونا نداوم قبل الطالبات علشان نكرف وانظف الغبار والوصخ ( شفت بعيني مره مدرسات ماسكين المساحات والهوز ):O_SHH_:

ومن كثر ما المدرسه فيها شغل ورمل وكل شي وصخ حتى قسمنا ما قدرنا نروح له بسبة الرمل

والله مادري شقول .... من اول يوم جذي

ويع صج وييييييييع التربية ومدارسها:eh_s(13)::eh_s(13)::eh_s(13)::eh_s(13):

 

[miss_avocado]

واي صج انه يوم حلو بس الله لايبارك بالسهر ذبحني رحت مواصله بغيت اموت جان انسدح على الغنفة واخذ غفوة ههههههه
بس بشكل عام وناسه و التحبيط من المدرسات الكبار ماله والي كله وحده تحسب متى تستقيل
اقوله كنت مداومه كلي شوق للمدرسة بس طفيتو شوقي ؟؟
بس الحلو ماشاء المدرسه نظيفه و التكييف يهبل بارد و الفراشات كلهم موجودات الحمدلله

 

[ام غرور]

رد : شلون كان يومكم المدرسي الاول

اسكتي لا تذكريني حر وغبار وزهقه حده
وانا طووول اليوم نايمه على المكتب
احس ماله داعي دوامنا اليوم

 

[عذوق]

ووووييييييييييييع لي الحين مو مستوعبه اني داااومت وان خلاص بنبدي سنه جديده وااااااااااي


مااالي خلق لي الحين على جو رمضااااان اهئ اهئ يا حلو رمضاااااان

 

[حرم يوسف بيك]

رد : شلون كان يومكم المدرسي الاول

انا داومت الساعه 8 والغرفه نظيفه وكل وحده قالت قصة حياتها وانا قمت اطق روس فيني النوم رايحه نايمه بس ساعتين وطلعونا. وحده توقعت يطلعونا مبجر بس مامنهم فايده وهالسنه اشكثر حمل ماشاالله وشكثر بنات ابلات عندنا بسنه اولى والناظره ماجتمعت فينا اليوم تنطر اتخلص التنقلات وبعدين اتجمعنا وفتحنا صفوف زياده بس واصحاب البيوت صافطين في مظلاتنا الله يهداهم بس عبالهم المظلات ابلاش

 

[سوسه كويتية]

انا رحت دورة المعلماااات الجدد مع اني صرت قديمة وبعد ما خلصت رحت المدرسة سلمت على المدسات والاداريااااات وبس

 

[*أم*خالد*]

انا داومت 8 وربع والوكيله قطت علي كلام انه الدوام 7 ونص

يحظكم انتو بس تنظفون مكتبكم وتقعدووون
احنا قعد نرتب الصف

 

[سـعـاد]

داومت 7 ونص

قعدنا نجهر للدور الثاني .. لان الابتدائي باجر الدور الثاني

ولما وصل البريد .. رحت شيكت ما لقيت ورقة نقلي

قلت لهم بروج المنطقة .. الساعة 11 لكني رديت البيت

وووو بس

 

[فاطمة المطيري]

مرحبااا جميعا انا داومت الساعه ٨ والله لايوريكم مدرسه جديده والمكاتب والاثاث محذف بغرفه تحت ومافي كهربا وحر ومجمعينا بالاستراحه عند غرفه الحارس ولا رضا احد يفيدنا هل اباشر في المدرسه والا اروح للدوره الجدد بس باجر بروح للدوره اشوف اسمي موجود والا لا ونسيت اقول طلعونا الساعه ١ ضبط

 

[مزيـانه]

انا داومت الساعه 9

قدمت استقالتي و رحت المختبر مع بنات قسمي لأن تكييف غرفتنا خربان

و بس .. سولفت شوي .. و تالي مسكت رواية و قعدت أقرى فيها .. أحسن لي من الحش و الحجي الفاضي

طلعونا الساعه 1:30 بالضبط .. لا قبل و لا عقب .. يحليلهم ما صدقوا يطولون الدوام الظاهر

كل عام و انتوا بخير

 

[أمل المنصوري]

رد : شلون كان يومكم المدرسي الاول

الله يعينكم بالعافية
احنا دوامنا يوم الاحد 19-9 إن شاء الله

 

[سلطانة القحطاني]

رد : شلون كان يومكم المدرسي الاول

انا منقوولة
رحت حول التسع
وقدعت اتمشى واسلم ع اللي داخل وطالع خخخخخخخخخخ
طلعنا 11 ونص

 

[محاسن الزين]

رد : شلون كان يومكم المدرسي الاول

والله داومت الساعة 8 وياليت اني ماداومت سمعنا خبر وفاة معلمة الله يرحمها ادعولها يا بنات بالرحمه الوحدة ما تدري اشراح يصيرها الله يرحمها كانت راجعه من مصر بالسيارة هي وزوجها وعيالها وصار لهم حادث بطريق تبوك ولا ندري اشصار علي زوجها واعيالها والله رديت البيت متضايقة الله يرحمها

قال تعالي( ولاتعلم نفس ماذاتكسب غدا ولا تعلم نفس باي ارض تموت)

 

[قـوت القـلوب]

رد : شلون كان يومكم المدرسي الاول

والله انا واصلت لين الصبح داومت تسع الا ثلث اليوم بسرعه طار كان خفيف الحمدلله

 

[ساندريلا]

اليوم داومت ساعه 9 سلمت على الكل بعد ربع ساعه ايت لنا نشره ان الدوام من باجر من 7ونص الى 1 ونص اشدعوا
وبعد نص ساعه من الدوام رن التيلفون ارف تأرفه والا يقولون ان اناظره مسويه اجتماع لرئيسات الاقسام عفييييييه خلق سالله صباح الخييير مو خلونا نستانس حتى يوم واحد وطبعا طلعتنا بالوحده
اشوه اني بفتـــــــــــــــــــــــــــــــــــــــــــــــــــــــــــــــــــــــــــــك منها استغفرالله

 

[عاشقه مفلسه]

داااااااااااومت الساااعه ثمان ونص


خوش دوام سهر جوع حش بمسلسلاات رمضاااان



ويييييييييين السنع مالنا خلق