شلون كانت نظرت البنات العزوبيات لج من عايلتج لمن ملجتي؟حسيتي بالغيره منهم؟ فزو فيج!

[جدايل]

بنااااات والله نصيب وربج كاتبه
تاخر ولا تقدم
الغيره موجوده بس مو حسد اعوذبالله
يعني انا اعرف وبنات وربي بتموت بس تعرس
وحتي لما ملجت مادرينا الا بعد اسبوع شدعوه ماخذا الامير وليام
والحين لما نشوفها وربي تقول شلج بالزواج قطيعه خاااايس
خلج عزوبيه عند اهلج ابرك لاتزوجين وتسرين نفسي (امنتكم بالله هذا كلام ينقال)
واسمعو شتقول اووف انا تعبانه مايوديني مايسفرني مايعطيني
وتغيب ونسال عنها قالو مسافر اوروبا وحده تقرب لها تقول مخليها يادهينه
ليش شدعوه هالقلوب السوده ويقولون العزابيه يحسدون
اوكي انا احتر بس مو احسد واتمني زوال النعمه وربي حرام

 

[آم رإكان]

ههههههههههههه و الله ضحكني هالموضوع
ذكرني فيما مضى

يامعوده في اوادم زين مانجلطت لما ملجت بس الحافظ الله

 

[موكا لاتيه]

حتا بالزواج فيه حسد وغيره

 

[Reem-fashion]

لووول ترى كلها زواج (ستر) ..

 

[الجمال العربي]

انتوا زين حركات عيون وسوالف انا محد رفع من قرايبنا السماعه وقال مبروك حتى

ولا منو خذت شوف القهر اللهم لافيجاتي وجيرانا قاموا فيني بملجتي اما قرايبنا ماجابوا طاريي حتى ودهم ماتزوج


اجفنا شرهم

 

[شربـــات لـــوز]

بفهم شغله وحده ليش تتضايق الوحده لما تسمع خبر زواج
بالعكس المفروض تفرح عشان ربي يفرح قلبهااا
والمفرووووض بنات كل وحده مو متزوجه تشوف عروس بدخلتها تستغفر ربهااا
وان شاءالله كل وحده وبييها نصيبها

 

[شربـــات لـــوز]

والحمدلله ياربي ماعندنا هالسوالف

 

[برونزيه كرز]

بصراحه اناماعندي هذي تغار مني وهسوالف ..

بسس صج عاديي الله يوفق كل وحده مومتزوجه ويلازقها ..

والغيررره تهون من الحقد لان الحقد مشكله والله يكفينا شر لعيون ..

 

[خجل~]

انا انخطبت وماعلمت احد ليين ملجت عاد الكل درا


انا ملجت عمري 17 وهو 23 هههههه

يعني اغلب بنات العايله ما انخطبوا حزتها

-


طبعاً قالوا ماخذها وهو مايبيها ولا يحبها
وطلعوا اشاعات انه خاطب فلانه ورفضته واخذني انا هههه

وقالوا هي ملجت بالغصب ماخذوا رايها


الناس كفئ الله شررهم ~

بس عسئ نارهم تاكل حطبهم 

 

[حلم ميت]

الزواج نصيب ورزق من الله الي عطاج قادر ان يحرمج في اي لحظة
الحين كل البنات يتزوجون طال الزمن او قصر وسبحان الله اخر وحده تتزوج يكون نصيبها احسن واحد
طيب يمكن حتى انتوا اقاربكم او صديقاتكم فكروا فيكم نفس التفكير
ماادري ليش فوبيا العين منتشرة عند الحريم صج العين حق بس ماتوصل لدرجة الوسواس والشك
بالعكس الكل فرح لي وبارك لي وماشفت منهم مغثة
صج ابتليت بلقافة مب طبيعية من البعض :eh_s(2):
بس الحمد لله مافيه حقد او حسد
احسنوا الظن بالناس علشان ترتاحون نفسيا

 

[دلوعة الكويت90]

بنات انا بصراحه انخطبت وايد بس مايصير في نصيب ومره من هالمرات انخطبت وخلاص وافقت وعجبني وعجبته جان مثل الغبيه اقول حق رفيجاتي انشالله عرسي قريب تقدملي واحد وجذي وحده منهم رفعت حواجبها حيييييل بطريقه وماقالت مبروك والثانيه حسيت الغيره بعيونها معنها متزوجه بس ريلها اي شي ومتعبها والله يابنات اني اول مارديت من الجامعه ولاامي تقولي ترى ابوج رفض الولد !!!!!!!!!! وتخيلوا سالت عنه انا بطريقتي مدحوووووه حيل وقالوا مايطوف صلاة بس ابوي يقول سأل عنه قالوله مو زين وانا سائله وحده تعرف واحد من ربعهم حدي انقهرت لمن ابوي رفضه قلت اشكره من عيون البنات الحين حرررررررررررمت اقول وماراح اتحجى لين املج وخلاص عيون البنات ماترحم والله

 

[بنك بااستا]

عيون وحده اطلب من الرب انه يهديها وحده خاطبها واحد من جم 4 شهور ومارد لها يعني نبي بنتكم هالحجي من اربع اسنين كنت كل ماقولها واحد خطبني انفصل بعدها مسحت رقمها وهسترت من قلب هلكتني بجتني الللحين ماتدري عني رااحه بال اموري ماشيه زي الفل

 

[غلآ |~]

آنــآ عمـتي مآ صدقت أني ملجت قبل بنتهـآ ! مآ أدري ليش جذي !
و الله إن أول مآ ملجت و هي تدق على آمـي ليش توهـآ صغيــره و من هالكلآم ! آنـآ ملجت عمري 17 ,,
و الله العظيـم إن بنتهـآ ملجت ورآي بجم شهر ,, و لآ بعد ! شرطوآ إن عرس بنتهـآ يتم قبلي !
مــآاا أدري ليش جذي ؟! الله يهديـهـآأ و يشغلهآ بنفسهآ إن شـآءالله و يكفيـنـآ شر عيونهآ !

 

[!! دلوعته !!]

اااااااااااااااااااااااااااااااب

 

[دانة_ دبي]

انا ما فكرت بالعين و الحسد و هاي الامور يعني عيب علي اقول بيحسدوني ع زواج ؟؟

عزمت كل اللي يعزون علي في خطوبتي و قلت لهم تعدلوا تسنعوا
في منهم حضروا و استانسوا معاي <<
و في منهم مع حضورهم ساعدوني في بعض التجهيزات <<
في منهم ما حضروا مع اعتذارهم بالسبب <<
و في منهم كلووز معاي ولا حضروا ولا قالوا سوري و في نفس اليوم تتمشى في المول <<<



المهم انا استانست و اهلي فرحوا لي و الحمد الله

انا تزوجت ع كبر و كل بنات هلي تزوجوا ع 18
و خذوا شباب صغار ع عمرهم يعني اللي دارس و اللي بعده يدرس و اللي بعده يبني حياته
و الحمد الله رب العالمين الله عطاني ع قد نيتي
تزوجت بشخص و ارتحت راحة الحمد الله
و قالوا من وين طلع زوجها هذا غازلته ولا عشقته وهو دكتور و خذته تقليدي بحت
و الحمد الله مرتاحة ببيتي بعيالي يزوجي و الباب مصكر علينا
وهم ما حضروا عرسي و خطوبتي
مو مشكلة ما بقول حسد و غيره بس بقول براحتهم
والله حضرت خطوبتهم زواجهم ولادتهم كل شي وهذا اللي حصلته حتى كلمة اسفة او السموحه ما حصلت منهم

يعني انا على الكوشة وما اشوف بنات عمي بنات خالي البعض منهم مو كلهم و كلوز معاهم اطلع اروح معاهم
تخيلوا يعني الدمعة بتنزل من عيني حتى تفشلت الكل يسأل عن فلانه و علانه وينهم ؟
بس بعدها قلت كفاية علي اللي حضروا عشاني

 

[نــجــود]

بنات شوي شوي على صاحبه الموضوع شفيكم عليها
أهي أكتبت الموضوع وقالت شلون نظرات بعض البنات وفي بنات نفس حالها وكتبوا مواقفهم
وفي بنات ماصار معاهم شي ولاحد فز فيهم كل وحده ونوعيه البنات أذا فيهم غيره أوحسد أواللي يفرحون ويستانسون لهم {أصابع أيدينكم مو سوا}
أهي أكتبت الموضوع موقصدها أنها تجرح البنات اللي ماتزوجوا
والله يوفق الكل إن شاءالله​

 

[عسى الله يهديني]

حياكم الله بنات نورتو الموضوع

واقسم بالله عسى الله مايوفقني اذا كنت قاريه رد من الردود الخايسه الي تنتقدني لأن صج انتو الي انا كاتبه فييهم الموضوع صج بينتو على حقيقتكم

خو يياتردون رد مثل الاوادم او طلعو من الموضوع والله مو ميته على ردكم وماحركتو فيني شعره مسساكين صج




انا كتبت موضوع من واقع تجربتي واكبر دليل ان ثلاث ارباع الردود معاي والباقي مايهموني


برب

 

[قرة عيونه]

مو سالفة متزوجه او مو متزوجه

الحسد والغيره موجود ببعض البنات على اي شي مو شرط بس موضوع الزواج

يعني ع حسب شخصية البنت نفسها تلاقينها تحسد ع اي شيء !!!

سواء سفر سواء دراسه او زواج او جمال او اي شي الحين حتى اللي تسوق سياره عادي يحسدونها !؟!

انا انتقد الموضوع بنقطه انكم ركزتوا ع الزواج بس ترا الزواج مو الجنه

اما بسالفة الغيره والحسد فهذي بلا شك معاج فيها لانها اصلا مذكوره بالقران

واستغفر الله الحين شكثر في ناس مرضا يعانون منها

وكلن يرا الناس بعين طبعه يعني هالشخصيه اذا هي تزوجت تقطع رفيجاتها ليشش !! لان ببالها انهم راح يحسدونها

واذا صار العكس ووحده من رفيجاتها تزوجت هي تقطعها وتحقد عليها !!

اللي بوصله انها مو سالفة بنت او متزوجه

المشكله بالشخصيه الحسوده اللي بس هامها الناس شسووا وماسووا وتقارن بنفسها

بالاخير ماقول الا القناعه كنز لا يفنى ( :

 

[^^ ǺГฬα]

15- سيتم اغلاق المواضيع بعد انتهاء الهدف منها - والمواضيع التي تاخذ حقها بالنقاش ايضا .

يغلق

​