شلون كانت نظرت البنات العزوبيات لج من عايلتج لمن ملجتي؟حسيتي بالغيره منهم؟ فزو فيج!

[نبض شرياني]

حلو موضوعج

ثانكس

 

[bobo lover]

سبحان الله
انا انصدمت من ناس قريبين حيل مني!! اللي تتطنز على اهله واهي ما تعرفهم خير شر! واللي تقارن بيني وبينه وتقول انتي جامعيه ماخذه واحد شهادته ثنوي؟؟ واهي نفسها ما عندها شهادة وبنتها زوجها متوسط!!! واللي تقول انتي ما تروحين اعراس وشلون تزوجتي!! صج حسد اعوذ بالله حتى والله اتذكر مرت علي فترة كرهت سيرته وتمنيت اني ما تزوجت بسبتهم حسبي الله عليهم.
الله يكافينا شر عيونهم ويجعل كيدهم بنحرهم. مادري ليش الحسد اذا انتوا الله منعم عليكم بكل شي؟

 

[بـآربيـآ]

اي نظرتهم لي شفقه لاني بتزوج وبدش سجن واهما عايشين حياتهم خصوصا ان اناا صغيرره

 

[مريومه النزغه]

انا يوم ملجت بنت عمتي الله ياخذها تبجي بجي عمتي تصرخ من قمه راسها بعدين فصخت الملجه ماقدرت اتقبل الريال بالمره استانسوووو لمن فصخت الملجه حده اشوف الفرحه بعيونهم اخر شي بنت عمتي تزوجت وانا للحين انطر نصيبي مااحسدها بس تنقهرين يوم يتشمتون فيج ناس وبضيقتج واخر شي يصير كل اللي تبيه الله يرزقني بالريال اللي يستاهلني

 

[بنفسج ..~]

زين والي تملج او تتزوج وتشوف نفسها عالعالم وتقاطع البنات مره وحد هذي شيقولون عنها

أيوووووووووه ها سؤالي بعد :eh_s(1):
كل رفايجي من تزوجوا سحبوا علي سيفوووون
مع ان اوقف معاهم بعرسهم وأعطيهم هدايا قيمة عشان قدرهم عندي
وألحين بتزوج
وصراحه ما صار لهن قيمة عندي لآنهن قطعني بدون سبب بس عالأقل خل يردون الهدية :krkrkr:

​

 

[what's up]

قبل لا الكل وحده تتزوج كأنت أعزوبية اكيد لما وحده من عمرها او اصغر منها تتزوج تحس بالنقص حتى لو بينها و بين و روحها بس بنعس الوقت تتمنى لهلانسانه التوفيق و السعاده و الخير ... انا كان يصير فيني جذي و أقول رب رزقهم ما ينساني و صج في بنات كبري و اصغر مني تزوجو استانس لهم بس اتحسر على عمري اقول ان شاء الله الله يرزقني مثل ما رزقهم و ألحمد الله الله رزقني بس لحد يستعيل و الامر كله نصيب

 

[صمـ الـوداع ــت]

اقري ع نفسج وحصني نفسج بالاذكار الصباحيه والمسائيه

لاتنسين سوره الاخلاص والمعوذتين وآيه الكرسي والفاتحه ورا صلاه الفجر ووراه صلاه المغرب

وربي يشافيج ياقلبي

إن شاءالله ياقلبي وتسلمين عالنصيحة :eh_s(7):​

 

[!الجادل الصعب!]

لا م حسيت بالشي هذا م كنت صغيره عمري ٢٣ فعادي احس


بس كان في حقد من الناس الي كانوا يبوني ورفضتهم

 

[راقية بذوقها]

انا اللي شفته الكل فرحلي عمتي بنات عمتي خلاتي خالات امي وبناتهم وعيالهم الحمدلله حيل فرحولي مع ملجت من بعد صعوبه واني اتعالج من العين بس ماعمري شكيت باحد حاسدني لان لازم اصفي النيه الواحد مايدري بالقلوب والحمدلله تشافيت وملجت صار لي اربع شهور الحين ربي لك الحمد مع اني فرحتي ناقصه بدون جدتي وابوي الله يرحمهم بس شفت الفرحه بعيون الكل

 

[Laidy n3ooma]

واااي بنات انصدمت منكم !!!!

يعني انا عزابيه وبالعكس اقعد اكتب بطاقات الدعوه مع البنات واجهز وياهم واذا شفت اشياء حلوه بالسوق لهم اقولهم!!!

ليش اغار مو شررط عزابيه اغار اذا بنت عمي انخطبت يعني الحياه مو زواج بس

عندي جامعتي لاهيه فيها ... اهلييي .. بنات عمي العزابيات الباقي .. سفراتي

يعني عندنا اللي تتزوج تروح عليها وايييد مغامرات وضحك وسهر مع البناااات


شيلو عنكم نظرة ان العزابيه بنفس العمرر تحتررر

هو صج في بس مو الكل


والله يبعد عنكم العين والحسسسسد

 

[e7sas 5a9]

بالعكس فديتهممم وايد استانسوا لي
وهمن ينصحوني باشيا كثيررره وبينت لي طيبتهم

الله لا يفرقنا عن بعضنا

وانا مع اللي فوق فعلاً الحياة مو زواج وبس


وبالتوفيق لنا جميعا واللي مو متزوجات الله يرزقهم بالزوج الصالح

 

[nadra]

ابيييه يا هالموضوع انا بس بس خطبه رقصت بعرس وكذا وشكثر سالوا عني وخطبوني حوالي 4 بس طبعا كلهم امي رفضتهم لان انا ان شاءالله راح اكون لواحد من يصيرلي من عايلتي بس بعيد شوي ابييه لاتشوفونعم خالتي دقت عليها وحده وخالتي هذي حيل كبيره المرا دقت عليها بتاخذ ارقامنا وعنوانا وجذي عاد تقولها لا لا البنت صغيره البنت تدرس البنت توها اهيا شكو وهمن وحده تشتغل مع وحده تصيرلنا بالدوام عاد تقولها الي تصيرلنا لا البنت شوي متينه والبنت للحين تدرس والبنت طويله يمكن تكون اطول من ولدكم زين انتي شكووو ابيه مو من صجهم وهمن اقرب وحده تصيرلي من العايله يوم قلتلها ان انخطبت وجذي جان تقول لا قلت والله قالت ماشاءالله واحنا للحين قاعدين واهيا اصغر مني ابييه توقعت يستانسون يباركون مافي بالمرا استغفرالله ولا بعد مرت عمي تمشي وتطلع عيوب اهيا ماتحب امي لان امي احسن منها بشكثر اشياا من شغل وفلوس وسفرات واهيه غيوره ميته قهر تمشي واطلع سوالف واكثر من وحده قاللتلنا ان فلانه تتحجى فيكم بس الي خاطبيني من الي يصيرولي بعيد شوي وعارفينا وعارفين اخلاقي وامي عدل فعشان جذي تقدموا وبس , والله هالدنيا بهالايام مادري شلون صايره كل شي متناقض الصصح غلط والغلط صح ماقول الا الله يعينا ويهدي الي حوالينا

 

[ملاكـــ]

واااي بنات انصدمت منكم !!!!

يعني انا عزابيه وبالعكس اقعد اكتب بطاقات الدعوه مع البنات واجهز وياهم واذا شفت اشياء حلوه بالسوق لهم اقولهم!!!

ليش اغار مو شررط عزابيه اغار اذا بنت عمي انخطبت يعني الحياه مو زواج بس

عندي جامعتي لاهيه فيها ... اهلييي .. بنات عمي العزابيات الباقي .. سفراتي

يعني عندنا اللي تتزوج تروح عليها وايييد مغامرات وضحك وسهر مع البناااات


شيلو عنكم نظرة ان العزابيه بنفس العمرر تحتررر

هو صج في بس مو الكل


والله يبعد عنكم العين والحسسسسد

معاكي 100% كلامك صح
والله بدون مبالغه صديقتي تملكت لي يومكم هذا وانا اعلمها بالتجهيز لانها اكبر وحده وانا
خواتي متزوجات اكبر مني واسالهم واعلمها قسم بالله يابنات حسيت اني فرحانهولها
بس انصدمت قامت تجفل مني << يعني تصد مني
وانا اراسلها شوفي المكان الفلاني وكذا من باب الصداقه وبالعكس احس اجهز لنفسي مولصديقتي واستعبط عليها وادز لها دخلات عروس بدون موسيقئ يلا تدربي وبالكليه نتستعبط علئ بعض اقولها الكورس الجاي نبي نمشي بهالممر وبطنك سابقك
بس اصدمتني تغيرت لدرجه ققلت خلاص يمكن تبي خصوصيه بتجهيزها وبشغلها
واحاول التمس العذر لها لكن اكتشفت انها خايفه علئ نفسها اني حاسدتها
والله يابنات اني افرح لما يتملكون صديقاتي وبنات عايلتنا
بعد ملكه اختي اللي اكبر من طبعا سوينا حفله صغنونه وجو الكل نظرات عماتي غريبه عجبيبه لها
وانا خواتي نسوي جو يعني عادي الوضع نسلك حالنا مهما كان هذولي اهلنا
بعدها بفتره تملكت بنت عمتي وبنت عمتي ثانيه ماشاء الله تبارك الرحمن
والله والله انا استعباط وضحك وباركنا لهم يعني ماحسينا بالتفرقه نفس ماسوا عماتي باختي
عاد وحده من عماتي اللي تملكت بنتها اصغر مني
ويطرون عرس وتقول فلانه وفلان صغار وتزوجوا
قالت ياويلي علئ بنت اخوي عنست وانا عمري ماتجاوز ال 20
19 عمري اصددمتني قلت كل شي قسمه ونصيب وتوني صغيره
والله يا بنات اصدمتني ماتوقعتها كذا وهم كانوا زايرينا وكملت ضيافه وعادي الامر طبيعيي
طوفت الكلام لللي قالته لانه مهما كان بتظل عمتي من لحمي ودمي
والرزق بايد رب العالمين
سسوري طولت بس حبيت اذكر تجربتي
عسسئ ربي يحمي الجميع من الحسد والعين ولاتنسون العين مذكورة بالقران
لكن الله الحافظ سبحانه

 

[ملاكـــ]

سسسوري نسيت اشكر صاحبه
الموضوع تشكرات خيتوو
وموضوعك حلوو يخلي الواحد يفضفض
يسسلمووو

 

[أنوثهـ حتى الثمالهـ]

للاسف اي حسيت مع اني مو اول وحده تتزوج بالعكس انا اللي بعمري من عايلتنا عندهم اثنين وثلاث بس كلتهم قلوبهم خاصه اللي كنت رافضه عيالهم او اخوانهم من عايلتنا حسيت الكل يبي يعرف كل شي عن زوجي من اخذت وليش اخذته وشاللي بينا الله يعين بس
بنات الدوام مايدرون ولا ابيهم يدرون الحين مع انهم حاسين
الدنيا تخوف وانا اخاف من عيون الناس كافي ان لي سنين اتعالج من العين الواحد تعب يبي الراحه.

 

[Huda alotaibi]

ههههههههههههههههههههه لكل اللي تملجت لمعلوماتج ياقلبي ترا الزواج مو وصول للقمه
الزواج انج انتقلتي من غرفتج الى بيتج فقط شاللي تغير
والعزوبيه اللي باعتقادج تغار بالعكس تراها فرحانه لانها single

وكلن يدور سعادته امتع لحظات العمر هي لحظات العزوبيه حيث الfree time
في كل وقت بس يمكن االبعض من الممتزوجات لان تعتقد ان الغيره من ،،،،،، للاسف ترا راح تتعبين لان سعادتج مممممبينه في امرواحد وهو الزواج وتحديدا الرجل ابحثي عن ذاتك من بين لويه الزواج مسكينه اللي دور سعادتها عند رجل
تحياتي ،،،،،،،،،،،،،،،

 

[Huda alotaibi]

كلنا مسلمين ونؤدي فرائضنا وممع ذلك تقول انا محسوده ؟؟

الوازع الدين وحده كفيل للتقرب لله ونبذ الافكار الهامشيه

 

[Bloom]

الحمدلله
الكل استانس لي وماعندنا هالشي

 

[عـــروس خـــالد]

انا مشكلتي غريبه
اللي غارواواستنفروا
هم المتزوجات !!

 

[أنوثهـ حتى الثمالهـ]

احنا ما تكلمنا عن البنات العزوبيات وانا حددت بكلامي هالشي رجاء.لا احد يتحسس ويقولنا كلام ماقلناه بعدين اللي تقول مافي حسد ضحكتني الا فيه حسد و غيره وسحر و كل مرض و بلا والكل عايش و شايف هالشي الله يحمينا بس