شلون كانت نظرت البنات العزوبيات لج من عايلتج لمن ملجتي؟حسيتي بالغيره منهم؟ فزو فيج!

[الحــور]

من زين الزواج عاد 

 

[مناير احمد]

الله يهديكم جميع ويوفق جميع بنات المسلمين للخير ويرزقهم الازواج الصالحين

 

[قلبي محمد]

الله يكفيكم شر العيون و الحساد يااارب
انا من رايي ان الوحده ما تقول حق اي احد من اهلها الا لما تملج
لان الوحده ما تدري شنو اللي بنفس كل بنت
هذا رايي الشخصي
وادعولي اني اتزوج الانسان اللي اتمناه و يسخر اهله لنا و نملج عن قريب
آمييييييييين رب العالمين

 

[FOZQ8]

انا الكل فرحلي والكل غير ساينه بالواتس يباركولي مو اقل من اسبوعين وفي ناس كملوا الشهر من رفيجات وجناين وخواتي وبناتهم الحمدالله يارب ماحسيت بأحد محتر الله معطيني اهل شايفين خير ويحبون الخير وتلفون البيت ماسكت كل شوي وحده تبارك وامي تقولي كلمي فلانه وام فلان وانا والله ماعرفهم بس معارف امي الله يطول بعمرها
بس ارجع واقول الوحده لا اطالع منو بارك ومنو محتر ليش أعل روحي اصلا مو فاضيه وعلى شنو يحسدون ياكثر اللي يتزوجون ماهو انجاز عظيم

 

[دلع الدواسر]

عادي صراحه شعورهم

 

[mrs_ntfa]

ليش الموضوع ماله داعي ؟
انا كنت عبالي اول انه اللي تقول جذي يكون فيها نقص
بس يوم صارتلي شخصيا عرفت انه صج البنات بينهم غيره و حسد
صج اني ستوعبت متأخر لانه انا كلللش ماااااا كنت احط في بالي سالفت الغيره و الحسد
بس يوم صارت السالفه
من الصدمه قلت حق ريلي و ابوي و امي
قالو كلهم نفس الجمله
غييييييييره بنات
يعني ما اتوقع له داعي التمصخر
اللي عندها حجي خل تقوله و اللي بتطنز انصحها تسكت احسنلها
لا تقولين انجاز اللي تتزوج
بس صج البنات الحين فوق النص قاعدين عند اهلهم
انا ما اتشمت بس كل وحده ودها بالاستقرار و الحب
و الدليل الحكومه شكثر بتدفع في سبيل انهم يتزوجزون

 

[floragucci]

زين والي تملج او تتزوج وتشوف نفسها عالعالم وتقاطع البنات مره وحد هذي شيقولون عنها

 

[عسى الله يهديني]

ثانكس ع التفاعل

قوتشي ياكثر هالاشكال بس شنو السبب ماني عارفه هههههه باجر لاتهاوشت مع رجلها مردها لهلهاا

 

[ضنـآني الشوق]

عجبتني بعض الردود ههههههههههههه
:**

 

[عسل سل]

يرجى تسكير هالمضوع الي ماله معنى :$

 

[هيبة ملك]

اللي مستغرب ين. ان فيه. حسد. وغيره. !!!بلا فيه وياما بيوت خربتها العيون والحسد والناس أجناس فيهم من يفرح. ويبارك وفيهم. من. يحقد.والزواج قسمة ونصيب وشي لابد منه لكل. بنت.احنا بنتكلم. عن فئة محدده. اللي ما تذكر ربها وهذي موجودة.يمكن. انت مامريتي فيه. لكن غيرج. مر وعانا من. هالشي.وكثير بنات تتغير علي بعض بسبة النصيب وهم بنات تتغير وتتكبروتشوف نفسها،،اللي. عانا. من. هالفئة نقوله الله يعينه وما عليه من. الكلام..واللي. ماشاف للحين نقوله اقضوا حوائجكم بالكتمان وسعي الله يوفق الجميع

 

[عسى الله يهديني]

اوبااااااااااااااااا

 

[جوك احلى جو]

انا ادش عشان اعرف شعوركم وقت الزواج وحابه افضفض لكم على الاقل ادعوا لي بالتوفيق والله يهديني ويسخر لي الزوج الصالح

الزواج ماهوصك من صكوك الغفران ولا وناسه بالعكس سلبيات اكثر من ايجابيات انتو وايد خابين نفسكم وبعضكم يعدة انجاز جنها مومصدقه مايدرون ان الزواج قسمه ونصيب واكبر دليل لاحظو اغلب الجميلات قاعدين ببيوت اهلهم انا معاج ان استقرار لكن حطي ببالج شغله مومهم متي تتزوجين المهم منو الشخص اللي راح ترتبطين فيه الزواج بزمنا صار يخوف عليج بالدعاء والاستغفار والصدقه والقران لاتقطعينهم اشغلي نفسج فيهم وادعي لغيرج ولج بالمثل :rerrerek:

 

[أبلة فاتن]

هههههههههههه واي بنات اغار لمن وحده تتزوج واحد تحبه وواحد عريس لقطه اما وحده تتزوج واحد عادي ما تشدني نهائي بس تدرون بنات انا عمري ما حضرت ولا عرس لا قريب ولا بعيد ولا حتى عرس اختي ولا اخوي ما احب اشوف الناس لوووول حاليا صابني هالشعور ماعاد تفرق معاي بس النصيب راح يجي ان شاءالله اللي مكتوب على الجبين لازم تشوفه العين​

بس سالفة اقعد واحتر والخ بالطقاق ما هموني بنات لاحظو شغله ان ببداية الشيء الناس تحتر بس خل تتزوج البنت يعني يتم عرسها وشهرين تلقين البنت هذي تصير اخر همج مادري ليش
نفس الناس لمن تسمع بخطبة فنانه وقرب زواجها تلقين ملينانه الجرايد والاعلانات اخبارها بس تعرس خلاس تحسين احترق كرتها مادري ليش هالصفه باغلب الناس !! لاحظو هيفا ونانسي محد قام يجيب طاريهم ولا يسال عن احوالهم مع هذيك عندها ثلاث اطفال وهذيك خذت غني بس خلاسسسسسسسسسسس من يتم الفرح على قولتهم الناس تعطيهم طااااف يمكن فرحة الخطوبة والزواج اهي اللي تفز قلوب الناس والله اعلم وجهة نظر

 

[دنيا العتب]

استغفر الله واتوب إليه

 

[أبلة فاتن]

ردودكم عجيبه احس اضحك من قلبي تهبلون بنات فديتكم المره العربيه مظلومه وايد


فديتكم يارب يوفقكم يااااااااااااااااارب يااااااارب من كل قلبي يارب يرزقكم كلكم من حيث لا تحتسبون

ويعطيكم كل شيء تبونه يارب​

 

[ماكواسم2]

تنحسد اللي تاخذ واحد فيه مميزات وهي ما فيها ولا ميزه او ارسمت عليه وخذته ............هذي حقيقه
لمن وحده تاخذ واحد عادي اكيد محد درى عنها بالعكس الحسودات يستانسون

بس انا ملاحظه اكثر وحده تقول حسدوني تكون ماخذه اردى الناس واذا ما خذاها خذى وحده من بره من كثر ما هو مو مرغوب

 

[Confused Girl]

انا حسيت بهالشي من بنااااات الدوااااام .. والله يبين على كل وحده اذا استانست لي من قلبها والا لا .. انا الغبيه قلت لهم من قبل الملجه بفتره .. والكل تقريبا عرف كل التفاصيل .. وصارت هوليله بالدوام الكل يقول يابخته وتغيرتي وصج زهوة عروووس غير عن بنات الحين

من ملجت والله ما استانست ,, ومره ياني الدوام خذاني منه اليوم اللي وراه رفيجتي تقول البنات قاعدين يسولوفون يقولون شافوج مع ريلج وجذي .. من عقب ذاك اليوم والله تقريبا صار انقلاب رسمي

الله وكيلكم ما كملت معااااه شهر ملجه

عاد مادري على شنو اخاف ماخذه الامير ويليام .. خيره الحمدلله ما كملت معاه



الله يبعد الكل عن الحسد والعين انشالله

 

[oshi_q88]

تكفين ععاد وش ماخذين ههههههههههههههه
والله قبل كنت ابي العرس الحييين توووووبه اني افكر
وووي اشوف صديقاتي اتزوجو والله يعينهم بس
كرف بالبيت وحوسسسه ووآحد يتحكم فيييج
اي حسسسد يمعوده حلوا جعل عيني العمىان حسسدت وووويع وععع

 

[#الخشف#]

بالتوفيق