شلون كانت نظرت البنات العزوبيات لج من عايلتج لمن ملجتي؟حسيتي بالغيره منهم؟ فزو فيج!

[عسى الله يهديني]

الموضوع مثل ماأهو واضح بالعنواااااااان



منو فيكم ملجت من بنات العايله والي طقتها بالعمر ماملجو


مريتو بهالموقف ولا لأأ


يعني بنات عمج او خاالتج او رفيجاتج


حسيتي بالغيره منهم فزو فيج و خفتي من عينهم ولا عادي



وشنو كانت ردة فعلج تجاهم


ان شاءلله الموضوع يعجبكم بنوتات والقى تجاوب :eh_s(9)::eh_s(22)::eh_s(17):











وانا راح اقولكم سالفتي مع الردود بااااااااااااااااااااييييي:eh_s(8):​

 

[التوق]

اذكر لمن انخطبت جتني بنت عمي قالت لا توافقين نطري اختي الكبيرة تتزوج وبعدين انتي :eh_s(14)::eh_s(4):خييييييير نعمممم شكككككو ومابيني وبين اختها الا ثلاث شهور !!
والحلو ان اختها كنت بعرس ولد خالتي وجت اخطبتني من امي وحدة وبنت عمي واقفة معاي وسمعت يمممممممه شرقت قامت تطالعني وودها تبجي وامي قالت لا صغيره واهم شي دراستها تصريفة يعني هههههههههه ولا تقول بنت عمي حدج فسقانة قطيه علي :krkrkr::eh_s(10):
بس عداوة ونظرات مني مناك لا ماصار بس بنت عمي شوي عكرت الجو علي وبعدين كل شي عدى ع خيييير

 

[بنوته ستايل]

انا الغيره صارت من المتزوجات من عيالتنا مو من العزوبيات لووووووووول قلبو الايه..


لي الحين بيموتون ناقصين عمرررر من الواهي..



ماقول الا ربي يحفظني انا وزوجي من عيونهم ..

 

[شموخ احساسي]

والله انا بالنسبة لي نظرات الغيرة بتاكلهم بما اني اول وحدة ملجت من بنات العايلة وفي بنات أكبر مني ما اقول إلا الله يكفينا شر عيون كل حاسد ويرزق كل العزوبيات يارب

 

[عسى الله يهديني]

امبي بنات يعني في ناس جذي انا توقعت اني بس انا الي جذي

قطيعه ليش جذي مايدرون ان النصيب بيد الله


تدرون بنات ان اقرب الناس لي بنات عمي ماقالو لي الف مبروك ؟بس مسجات ورا بعض شلون عرفتيه وشلون طحتيه عليه وشلون وشلون


يعني ماقالو الله يوفقها مايدرون باجر في قبول بيني وبين زوجي ولا لأ بنتوفق مع بعض ولا لأأ


اعوذ بالله


يعني كل وحده تتزوج ضامنه وناستها؟ مايدرون ان الزواج تعب ومسؤوليه ؟!



اول وتالي النصيب بيد الله سبحانه


بتذكر لكم مواقف وارد اقولها


صج صج شي يقهرررررررررر

 

[Cat ^ q8]

.

اول مانخطبت درو قرايبنا وقبل لا املج فزو فيني حييل
فلانه ملجت وعطوها المهر وأنا تو ماملكت!
والي تدق تطنز وتحاول تطلعهم من عيني وعيونهم شوي وتاكلني والي تتحسر جداامي
وقبل لا املك ب يوم ضيقه وكتمه وابجي من غير شئ
وبجي مو طبيعي والحمدلله تمت الملجه بس مرات احس بضيق موطبيعي
ف أقولج العيون منا وفينا وخصوصا من القرايب الله يستر علينا ويتمم ع خيير*

 

[قآنون كيفكـ!!]

انا من ملجت عمتي اهي اللي صابها الواهي حيل انقهرت شكو مادري
الله يكفينااا شر عيون الناسس

 

[عسى الله يهديني]

صاجه حبيبتي انا مايحر قلبي الا اهلي الي مني وفيني وقرايبي
يعني حرام عليهمممم


وتخيلو من الحين يخوفوني من خالتي وحمواتي انهم مو زينين
بذمتكم مو عيب هالكلام؟ هاذا وانا بنت توني ليش يخوفوني ويكرهونيي فيهم من الحين
بدال مايدعون لي بالتوفيق






ناس غريبه










عسى الله يكفينا شر عيونهم قولو امين

 

[^^ananasa^^]

الف مبروك حبيبتي والله يهنيج ويسخرلج زوجج
ماعليج من اي كلام تسمعينه


ههههههه عالاقل زين يدزون مسجات يسالون شلون وشلون
انا من ملجت محد قام يكلمني من بنات عماتي او خالاتي

وخصوصا الي بعمري كنت حيل معاهم
وتزوجت و يو العرس مارقصوا وماكانوا كاشخين بس يطالعون

والله انصدمت وانا اشوف بالفيديو


الله يكفينا شر الحاسدين ويرزق الكل

 

[مريومه كويتيه]

انا من ملجت الكل حاربني و المصيبه متزوجات يوم كانو جايين يباركولي معطيني طاف و نفسيه مع انهم بنات خالتي و ما شافو مني الا كل خير تقولي بنت خالتي زوجج وين يشتغل قلت مكان الفلاني جان تقول اي الله يعينج كل هناك مغازل طبعا انا انصدمت قلت لو يبيهم جان اخذ وحده منهم و تحسدني على شبكه اللي عطني اياه زوجي و خالتي تشق اهدومها و تبجي ههههههههههههه والله العظيم يوم جابو دزتي على صلاه العشا بالليل اهيا بالمستشفى ،ماله داعي الغيره و الحسد

 

[لمى الهاجري]

تبون اقولكم الصج بصراحة هاي شي طبيعي من البنت الغير متزوجة يعني مثلا انا عزابية وكل بنات اهلي تزوجا الا انا فغرت منهم وحسدتهم بصراحة الحسد صفة مني وياليت اقدر ابعد هالصفة مني ادعولي اتزوج عشان ما احسد احد

 

[NeDaWi]

انا اخر وحده تزوجت بالعايله عمري23

ومحد بارك لي

مع اني باركت للكل لما تزوجو ووقفت معاهم وقفة اخت


بس مادري ليش حظي جذيه

اسوي خير ينقلب علي شر

 

[بنوته ستايل]

لمئ الهاجري محد موقف نصيبج الا هالحسد حرااااام عليج تمني الخير لغيرج عشان ربي يوفقج..

اعوذ بالله ترا الزواج مو كل شي بالدنيا في اشيا ثانيه تقدرين تشغلين نفسج فيهم ..

مادري ليش مستذبحه ع الزواااااج ..والي الله كاتبتلج بيصير ف ماله داعي تحسدين الاوادم..





استغفر الله..

 

[بنوته ستايل]

وانا كنت يوم من الايام مكانج مو متزوجه وكانو لما يتزوجون بنات من قرايبنا اوقف معاهم وافرح لهم ..


لاتقولين شعور طبيعي لان شعورج موطبيعي ..

 

[لمى الهاجري]

والله جد مو عارفة ليش هالصفة فيني وترى العين مذكورة بالقران اتمنى هالصفة تروح عني حتى لو اجوف وحدة مع بنات عمها ورفيجاتها تضحك واتسولف انقهر لان ماعندي رفيجات وعلاقتي ببنات عمي وبنات خالتي مو وايد مثل ما تقولين علاقة رسمية تعبت ابي استقر بحياتي مو قادرة حتى الحلال ممنوع اهلي يرفضون اتزوج ليش مادري

 

[لوريت]

الله يرزق الجميع يارب.. ويرزقنا وياكم ..

انا اتمنى الخير للجميع .. واذا لي نصيب اكيد بيجيني وماراح يمنعه شي...

الله يوفق الجميع

 

[مهندسة الابيات]

الله يكفي شر عيونهم

لا حول ولا قوة الا بالله

 

[A7la-3roosa]

لمى الهاجري الله يعينج اذا بتطالعين كل وحده وتشوفين شنو عندها مو عندج بتتعبين
انشغلي بنفسج و قولي الحمد الله على النعم اللي تتهنين فيها غيرج يتمنى يشوف ولا يسمع ولا يتكلم وانتي الله منعم عليج بهالنعم
قولي الحمدلله واللي تتمنينه لغيرج بيجيج اكثر منه

 

[A7la-3roosa]

انا الحمدلله لما ملجت فرحوا لي بنات خالاتي و رفيجاتي والكل الحمدلله ما عندنا هالشفاحه على الزواج

 

[لمى الهاجري]

لمى الهاجري الله يعينج اذا بتطالعين كل وحده وتشوفين شنو عندها مو عندج بتتعبين
انشغلي بنفسج و قولي الحمد الله على النعم اللي تتهنين فيها غيرج يتمنى يشوف ولا يسمع ولا يتكلم وانتي الله منعم عليج بهالنعم
قولي الحمدلله واللي تتمنينه لغيرج بيجيج اكثر منه

الحمد لله على كل حال ابيكم تساعجوني اتخلص من الحسد والعين