شلون علاقتج بمرت حماج ؟؟؟؟

[كاميليا55]

الغيرة منها اذا حست بنها عندها شى ناقص عنك
هذا هو السبب وخليكى انت العاقلة ولا تهتمى بها
سلام وعليكم السلام وعارفة شعؤرك بخصوص
اليهال بس صدقنى بكبرؤ وبشوفو بنفسهم انك مامنك قصور
وعلاقتهم بتصير احسن لما يفهمو بس الحين لا
علشان كذا لا تهتمى بها وعطيها طاااااااااااف
ولاتهمك

 

[3rosa]

انا علاقتي سطحيه يعني سلام وعليكم السلام وانا ما اشوفهم إلا الجمعه لا جمعه اي وجمعه لا وساعات ما يووون

الحمد الله ما في الا العافيه

بس اتصير غيره عادي الله يهديها ويهدي الجميع

 

[شواخي]

انا حمواتي عياييز ويقارنوني فيهم !! توني متزوجه .. و يتليقفون و يحسدوني لا طلعت مع ريلي ولا سهرنا !!!

قطيعه اف ضاق خلقي

 

[brettey]

رد : شلون علاقتج بمرت حماج ؟؟؟؟

يحليلكم معقوله كلكم حريم حموانكم اهم الي يغارون ؟ يجوز ليش لا
خل نكون واقعيين ترى كل الحريم او معظمهم يغارون بس فيه غيره محموده وفيه غيره مذمومه
انا عن نفسي ماعندي مرت حمى بس لو عندي بعاملها بالحسنى بس لو شفت منها شر ابتعد ولو حاولت تضرني وتتكلم عني ياويلها ياسواد ليلها ابهدلها وافضحها واشرشحها
بس بكون واقعيه يعني لو شفت ان حماي مدلل زوجته ويسفرها ويشتري خاطرها وزوجي مثلا العكس وحمولتي مفضلينها عليي بغار بس ماراح اضرها خصوصا اذا كانت حليوه وحبوبه بقول الله يتمم عليها ويسخر لها زوجها والي عطاها يعطيني وبقول لزوجي لازم تدللني وماتخلي عليي قاصر وتسفرني خصوصا اذا كان مستواه بمستوى اخوه الي مدلل مرته بس عاد الحموله راح اوقفهم عند حدهم لو فرقوا وماراح اسكت لهم عاد انا ما ابيع برد بهالسوالف
والحمدلله ان خالتي حليوه
بس ماراح اغار عشان اهي احلى مني ولا اكشخ مني ولا شهادتها اعلى من شهادتي ولا سيارتها احلى من سيارتي ولا راعيه ماركات ولا بنت فلوس لان لو بغار من هالاشياء معناته ان انا تافهه وسطحيه و انا الحمدلله ماعليي قصور وعندي ثقه بنفسي وحتى لو طلعت احلى مني هذه خلقتها عليها بالعافيه

 

[أم حمادين]

والله زينين معاي الحمدالله صج اتصير مرات سوالف (انا احسن منج) على بو ضحك بس الدنيا ماشيه وحده منهم رفيجتي انا خاطبتها حق حماي والثانيه افقيره ياهل ماتدري ووين الله قاطها بس حلويين

 

[Pretty Petite]

الحمدلله ليلحين مو متزوج لوول

بس من الحين احس ما راح احبها لووول

عاد لي نية اضبطه اب بنت خالي لووول هذي فرصته الوحيدة عشان احب زوجته

 

[مس لوتس]

خيركم من بدا بالسلام..

اهم شي سلمي ومالج شغل بردت فعلها مردها بتطخ

 

[حلاها ف حياها]

عادي طبيعي
مع اني زينه وياها وايد بس لما اسولف باي شي يديد لحمياتي تدخل عرض
يعني عارفته واهي فاهمه غلط واطنشها؟؟
وتقول اي اعرفه؟؟
اي قديم ؟؟
اي شكله كذا؟؟شفته
الي يقهرني اذا تعرفينه ليش ماتفيدينا فيه من اول ؟؟
ولو ساكته احسن خخخخخخخخخخخ
سخيفات
الله يهدي كل وحده من هالنوع

 

[درة أهل الطولات]

وحدة اهلهاااا مشاكل مع اهلي من قبل لا اخذ زوجي

الثانية تغار من ظلي لو مر الحمد لله والشكر اهية عندها اليهال ومو حامدة ربهااا تحسدني على اني طالعه من بيت حمولتي

ويبين عليهاااااااااا حيييل الكل ملاحظ

الثالثة حبوبة واموووووووووووووووت فيهااا مو راعية مشاكل وتحب تتقرب مني

 

[om MaRyooM]

ماعندي والله

ولو عندي ماحب اطيح الميانة ... احب الرسميات ايما بجذي علاقات عشان اسلم من المشاكل

 

[**وقفة فرس**]

الحمدلله علاقتي فيهم عادية مبنية على الإحترام والحب...ليش أغار وليش تغار كلنا خلق واحد...والوحدة حلاتها تكون بحالها ماتشيل هم أحد ولا تراقب الناس عشان تعيش بسلام مع نفسها...شهالعيشة فبيت واحد وبس أراقب فلانة شسوت شجابت شحطت شقالت!!!!!!!!
وبعدين شكو العيال بالموضوع؟؟ والله عيب مالهم ذنب وليش يربون على هالطبايع القشرة؟؟؟ وإذا إنت على قولتج ماغلطتي عنها ماسلمت طقاق يطقها..متى ماطاح اللي براسها بتسلم...
وسالفة الغيرة من الحمال ما كنت أصدقها بس تالي عرفت إن فعلا في حريم يغارون من الحمال الحمدلله والشكر...العقل زينة..أكيد مرة وعند رجال ممكن أحمل بأي وقت...يعني شي غريب من أشوف حامل أقول لزوجي يلااااا تعال بحمل قطيعة...
الغيرة سبايب...والمنافق اللي نيته قشرا ربي بيفضحه لوبعد حين وراح يطيح بشر أعماله...الله يهدي الجميع

 

[عقارية]

رد : شلون علاقتج بمرت حماج ؟؟؟؟

علاقتي فيها أكثر من رائعة ولله الحمد
ما عدا وحده فلسطينية اذكريني عندها ثلاث مرات تطيح غشيانه

 

[رفرف]

ليش شايلين همها ؟؟

ما تسلم |؟؟ السلام لله ما تشوف شر والله يشافيها ..
يعني نقص منج ايد ولا ريل ولا تعورتي لما ما سلمت عليج ؟؟
المشكلة عندها مو عندج اذا على قولتج غيرانة مادري محترة مادري زعلانة بتحرق عمرها بعمرها وتفكر اسلم ولا ما اسلم واحترت ولا ما احترت وتفكر وتدوبر علشان تحرج ! هذا شي يضحك الصراحة ما يخليج تعصبين وتيضيق خلقج

صفو نيتكم مع الناس شلون استنتجتو ان حريم حموانكم يغارون منكم ؟؟
يعني علشان انتي حلوة ؟ مو احلى وحدة بالدنيا .. ولا انتي ماخذة ريلها علشان تغار منج .. وعلى جذي بتغار من كل وحدة حلوة تشوفها بحياتها ؟؟!!
مو يمكن انتي مسوية تصرف مضايقها واهي كاتمة ؟ يعني مو شرط كل مشاكل حريم الحما سببها الغيرة والحرة ..
كل وحدة تلهى ابيتها وريلها وعيالها وخلو عنكم سوالف الحريم الفاضية
واللي ما تسلم ما تشوف شر


بالنسبة للعنوان ..
عندي مرت حما .. علاقتي فيها زينة ما بيننا تلفونات وجذي الا اذا بغيت شي او اهيه بغت شي ندق ونخدم بعض يعني عادي .. بس لي شفنا بعض عادي سلام وسوالف وما بيني وبينها الا كل خير بنت الحلال ..

 

[عودآذان]

عـــــــلاقتي كويســــه مره

 

[ms-daal3]

انا علاقتي معاهم حييل سطحيه اصلن ما اشوفهم الا بالسنه مرتين
وبعدين الله يهداج والله مكبره الموضوع
طاااااااف

 

[I'm New !]

رد : شلون علاقتج بمرت حماج ؟؟؟؟

آنا بسم الله توني مادشيت الحياه ومن الحين مرت حماي غثيثه !
اهم شي بروحها تتحكم وتامر ..
غصب اقعد وياهم لووووول ..
بس انا عرفت شلون اوقفها عن حدها وادقرها ..
والدقرات يايتها لي قبل ..
ماكو شغل مناشبتني من اولها !

 

[ورد وردي]

رد : شلون علاقتج بمرت حماج ؟؟؟؟

الله يهدي الجميع يارب

 

[عشق موالي]

علاقتي بحريم حمواني الي اصغر من زوجي رسميه لان مرة حماي الي اكبر من زوجي روتني الهوايل

 

[Daleela]

علاقتي عادية معاها
واعتقد احسن
والله يهديها مرت حماج

 

[ستروبريه]

شوفي بصراحه انا احترم مرت الحمى وايد واسوي اللي علي اوجبها اسال عنها واواصلها احبب الناس فيني سالفه اغير ما اغير ليش يبى محد الى من احد الا بالتقوى كل واحد يفرض نفسه باحترامه واخلاقه وكل ماكنتي محترمه راح تصير العلاقه حلوه انا احبهم كلهم حريم حمواني لان ماشفت منهم الا الخير عسل اهما خواتي