شلون علاقتج بمرت حماج ؟؟؟؟

[كوكاكولا]

السلام عليكم ......

واضح الموضوع من العنوان ...

انا عن نفسي علاقتي فيها عادية ........

مع هذا ماسلمت منها ....

وايد تغار مني ......

لدرجة انها قطعت علاقتها فيني ولاتسلم على مع اني ماغلطت بحقها ........

الله يسامحها ويهديها .....

اللى كاسر خاطري اليهال ماتخلي ولدها يدخل شقتى يلعب مع بنتي ...

اذا بنتي راحت شقتها تطردها ..

الله يهديها ادعوا لى بنات الله يخليكم يهدي النفوس .....

لان اللى كاسر خاطري اليهال .....

انا حتى اهلى وخواتي مايدرون انها ماتكلمني ولاتسلم علي كلة اقول انها تمام وبخير .....

والله حرام اخوان اثنين وتفرقهم مره .....

 

[DooLy88]

وي شفيها مرت حماج !! مريضة !! اصلا نسوان الحمى دايما يغارون الله يهديهم





بالنسبة لي - ماعندي مرت حما - حماي توا بيبي صغير على مايكبر ويتزوج جود انا شكبرني وماله داعي زوجته تغار مني وانا اكبر منها بوايد

 

[سارووونه22]

انا علاقتي فيها حييييييل عادية بس احس انها تغير مني بس مع هذا مالي شغل فيها بلعربي كل واحد لاهي بنفسه

 

[سارووونه22]

الله يهدي مرت حماج كوكاكولا

 

[غمزه وإبتسامه]

اللله يعينج

 

[كوكاكولا]

بنات بليز .......

ادعوا ان الله يهديها ويهدي النفوس .......

انا كلمت خالتي تقول خليها تولى .....

انا ادري قصد خالتي وحمواتي فرق تسد .....

 

[SOKAR MALE7♥]

ياحبيبتي طاف من امه بالطقاق والله لاهي اختج ولا خالتج ولا عمتج ولا من بناتهم علشان تكتبين موضوع عنها لانها ماتستاهل سلمت ردي وماسلمت اهي الخسرانه وبعدين من باعنا بعناه وعيالج خل يلعبون مع بعض وبس يسلم راسج

 

[كوكاكولا]

انا ما أحب جذية .......

خاصة انا ساكنين في بيت واحد .......

لو اييب حلو ولا فطاير ماتاكل منهم ....

تخيلي توها والده من 5 شهور ......

درت اني حامل راحت تحمل ........

الله يهديها .......

 

[جووان]

طاااااااااااااااااااف
شتبين فيها
احسن مالج علاقه فيها
وأصلا انتي مالج علاقه فيها
أهم شي زوجج
والباقي طاف يابنت الحلال

 

[chanel N22]

انا ماعندي بس الله يعينج اعرف الحريم حركات يغثون

 

[بنت العوازم]

واااااااااي شفيكم على رمت الحمى
خلوها تولي كل وحده لها زوجها ليش اغار منها بتشاركني بزوجي يعني
طنش تعش تنتعش شيلها من بالج وارتاحي وخلييييها مقاطعتكم احسن على وجهها

 

[ماكنتوشة***]

علاقتي معاهم رسميه لابعد الحدود
وهذا افضل
الحريم مايجي من وراهم الا وجع الراس!!!!!

 

[ريتااجي]

أنا علاقتي معاهم جدا عااااااااااااادية

وماأشوفهم إلا قليل يمكن في السنة مرة

أما بالنسبة لمرة حماج الله يهديها وهذي الغيرة وماتسوي

ذكرتيني بزوجة حمي أختي كانت تسوي جذي

من تعرف إن أختي حامل تحمل بعدها على طول

تفكير يهال هذي صار عندها لازم يصير عندي

فلا تهتمي وعطيها أكبر طااااااااااااااااااااااااف

لإنها إنسانة مومعبرتج فلاتعبرينها وأما بنتج خلها تلعب في الشقة بروحها

أنا ولدي يلعب بالشقة بروحه مع إني ساكنة في بيت أهلي بس ماأحب ولدي ينزل

لأهلي علشانه لوية وإزعاج فيلعب بروحه وكل شي متوفر له علشان لايحس بالوحدة ولا الملل

وكل يوم ساعة وإلا ساعتين لعبي مع بنتج وونسيها ترى اليها يحبون الامهات يلعبون معاهم

وربي يهديها وويوفقج

 

[حرم راشد الماجد]

ماعندي مرت حما


بس اذا صار راح تكون علاقتي فيها سطحيه ورسميه

 

[دلوعة ماما]

علاقتي طيبة وياهم والحمدلله

 

[يتيمة العقـد]

المريضة بمرض الغيرة طاااااااااااااااااف ولا كانها موجودة ، والحبيبة احسبيها اختج اللي فبيت حمولتج ..... : )

 

[كوكاكولا]

يسلمو .........

 

[مـيـراس]

الغيرة موجودة ولابد منها مع ان مالها فايدة هالغيرة

انا كانت تطلع لي خياس زوجي قبل الزواج وتبي تبطل عيوني عليه بعد الزواج ولا قدرت
واهي والثانية ايجيبون سيرة بنات العايلة وبرة العايلة الحلوات والمزيونات ويفصلون الحريم تفصيل لهم عن الشعر والجسم وكللللللله قدام زوجي
وانا كنت اطنش واتحسب ربي فيهم حسبي الله ونعم الوكيل

الغيرة واضحة من عيونها

ادعي ربج وعسا الله يرجها

اللي نيتها شينة ربج يبيفضحها باذن الله تعالى

نتي عطي طاف سلام وبس

وربج يفرجها ان شا الله

 

[أو عبوش]

صج الحريم صايرين مستخفين وقاعدين

بعرف ليش الغيره من مرت الحمى؟؟
كل وحده زوجها بروح
ورزقها بروح
وبيتها بروح
وعيالها بروح
وحياتها بروح!!!!!


كلنا نفــــــس الحاله
احلا شي خلي علاقتج رسمـــــيه واقبلي الاساءه بالاحسان وبـــــــــــس
مولازم تكبرين بعين احد
اهم شي تكبرين بعين نفسج..

وبتلاحظين اثر اللي تسوينه من خير لو بعد سنين...... كافي الاجر

 

[كوكاكولا]

انا معطيتها طاف .......

لاني ما غلطت عليها ولا قصرت بحقها ......

اهي فجأه ماقامت تسلم على ولا تكلمني .....

انا ادري انها غيرانة منى ... لان يوم العرس امها سألت عني كانوا اهلها يانيين على ...

يوم قالت خالتي هذى جنتي امها انصدمت ....

بس انا عمري ما حسستها اني أحلى او أكشخ منها ....

عادي كنت لمى اشوفها اسلم عليها واسال عنها عادي ...

بس انا مومتعوده على جذية تخيلوا ناس في بيت واحد ولا يتحاجون والله عيب ...

مي خالف اللى بالقلب بالقلب

ندري انا ساعات أغار منها مع انها مافيها زوود ..

بس مو جذية اني ما أسلم واعفس ويهي اذا شفتها ...