شلون عرفتي انج حامل؟؟ وشنو حسيتي فية؟؟

[^^ حنين ^^]

السلام عليكم جميعا

شلوونكم::

شرايكم كل وحدة تقول شلون عرفت انها حامل؟ وشنو الاعراض اللي حست فيها؟؟ ومتي حللت ؟ منزلي ولا دم؟؟ امتحان ههههههه

انا الدورة باقيلها 3 اياام واحس بارهاق وخمول وحااارج ذابحني

امس من طفاقتي حللت بالبيت ومافية حمل قلت يمكن انا استعجلت ومايبين الحين


بنات شاركوني انطركم لا تسفهوني

 

[Maltesers]

رد : شلون عرفتي انج حامل؟؟ وشنو حسيتي فية؟؟

انه الله يسلمج ,, دورتي كلش مو منتظمة يعني ساعات 3 اشهر ما اتييلي قالت لي الدكتورة عادي .. المهم بعد الزواج من تتأخر اشوي على طول يا اروح المختبر احلل او اشتري اختبار منزلي وطبعا مافي حمل ..

لي مدة سنه بالضبط من زواجنه .. نفس اليوم رحت اخذلي شامبو من الصيدلية وماكنت مفكرة اشتري لي اختبار منزلي كلش ماكان على بالي

المهم شفت شغلة بالصيدلية سالته حق شنو وقالي حق شنو تستخدم قلت له عطني منها قالي مو حامل انتي ترى يضر الحامل هذا .. قلت له مادري والله خلاص ما يحتاي .. اول اقولك عطني اختبار منزلي خل أتأكد واذا طلعت مو حامل اييي باجر اخذ منها

المهم .. طبعا هالكلام بعد اسبوع من موعد الدورة .. ورديت البيت قلت مادري احلل ولا لأ بس كنت حاسه اني حامل هالمرة مادري ليش .. طبعا ما في اي اثار جانبية من لوعه ودوخه

فحللت وبين معاي الحمل .. ماصدقت طبعا وكان نص الليل ودقيت على ريلي وقلت له الحين نروح اي مستشفى خاص قسم الطوارىء ونحاول نخليهم يسوون لي تحليل خل أتأكد

طبعا المختبرات مصكره نص الليل وبالمستشفى قالولي مانسوي تحليل الا باجر ومثلت عليهم اشوي ليييييييمن سوولي تحليل وطلع اني حامل

ياااااااااااي ذكرتيني كان صج صج وناسه لمن يت السستر وقالت مبروك في بيبي

والحين انه بالشهر التاسع الله يسلمج وباقيلي اسبوعين على ولادتي .. وخلصت وملصت

الفال لج حبوبة .. اي لا تستعيلين خل يطوف موعدها مو قبل موعدها بعدين حللي وشوفي وان شالله نسمع الاخبار الحلوة يارب

 

[^^دموع الكويت^^]

رد : شلون عرفتي انج حامل؟؟ وشنو حسيتي فية؟؟

أم علاوي
=====

مبروك الله الحمل وان شاءالله تولدين بالسلامة

بس بغيت اسألج قبل لا تتزوجين كانت الدورة مو منتظمة ؟؟ وما حاولتي تعرفين السبب؟؟

 

[Maltesers]

رد : شلون عرفتي انج حامل؟؟ وشنو حسيتي فية؟؟

هلا والله دموع ..

بلى طبعا قبل الزواج وبعد الزواج بفترة حاولت اعرف ليش مو منتظمة وقالت لي الدكتورة طبيعي 100% لأن فيج تكيس بالمبايض وهذا شي عادي ويروح بروحه وعقبها تنتظم الدورة .. طبعا ما عطتني اي علاج لان كنت توني متزوجه وعلى قولتها بعد فترة من الزواج راح تنتظم الدورة بروحها

واذا مر على زواجج فترة وما انتظمت طبعا بالبدايه بس يعطون منشطات وادوية تنظم الدورة .. واذا لا سمح الله التكيس كان جايد ومايروح يشيلونه بعملية بس ما يسوونها الا حق فوق الـ 21 سنه

طبعا انه لي قبل لا أحمل دورتي مو منتظمة وقلت حق دكتورتي .. ولمن حملت قالت لي راح تنتطم بعد الحمال بنسبة 90% .. عاد ان شالله يارب يكون كلامها صح

 

[رفرف]

رد : شلون عرفتي انج حامل؟؟ وشنو حسيتي فية؟؟

انا كنت ابي احمل وموقفه العد ..
اول شهر تأخرت علي اسبوع حللت والا مو حامل ...
ثاني شهر نفس الشي ...
ثالث شهر نفس الشي .....
فشلت الموضوع من راسي ...
وبعد موعد الدورة بعشر ايام حسيت بعوار بطني وظهري عادي يعني نفس اعراض الدورة توقعتها بتنزل ...
وكنت طالعه مع رفيجتي جان تقولي لاااازم تحللين شلون قلبج بارد جذي ...
وندور مختبر يفتح الظهر ...
وادش احلل واطلع حامل ...
وناسة كلش ماكنت متوقعه ...

 

[^^دموع الكويت^^]

رد : شلون عرفتي انج حامل؟؟ وشنو حسيتي فية؟؟

مشكورة ام علاوي على الرد

 

[Maltesers]

رد : شلون عرفتي انج حامل؟؟ وشنو حسيتي فية؟؟

العفو ولو

 

[Dancing^Queen]

رد : شلون عرفتي انج حامل؟؟ وشنو حسيتي فية؟؟

فكرتوني بالزي مضا



انا كنت مسويه تلقيح صناعي
ونفسيتي تبن
وابوي كان بالمستشفي ولاين قادره اطلع
وكل يوم اصلي الحاجه وادعي ربي
والرقيه الشرعيه
واقرا ياسين وادعي اني احمل
لان صارلي سنتين وماحملت

بدون سبب



واذكر قبل اليوم اللي قالي الدكتور حللي فيه بيوم
رحللت بالبيت

والا يطلع نيجتف
وااااااااااااااي علي نفسيتي انهرت من الغلقه وضيقه الخلق
وتعبت نفسيا من امه

بعدين من باجر وانا تكرمون بالحمام اطالع والا تحليل الحمل طايح اعزكم الله بالزباله جان اشيله ( زبالتي نظيفه مافيها اشياء عديده)
واطالع والا في خط ضعييييييييييييييييييييييييييف
قمت اقلبه يمين يسار
احطه تحت الليت
ماني مصدقه قلت لا لا
ياربي مانصدم
ماودي انياعلق نفسي بامل وافرح وبعدين انصدم ويطلع نيجتف بغيت اموت من التفكير
جان اروح المختبر الانجليزي بالجابريه
ورحت حللت دم
وانا مهيئه نفسي انه لأ علشان ماتصير الصدمه قويه علي

جان تقول مبروك ماما حامل
جان اعييييييييييط وعييييييييييييييييط واعيييييييييييييييييييييييييييييط
اهننهرت قمته السنتين اطلعت
وقعدت علي الكرسي ويابولي ماي
ومالت الريسبشن تساسر اللي معاها تقول ويييييييي طلعتحامل من رفيجها (شفتو الناس)

 

[فروحة توحة]

رد : شلون عرفتي انج حامل؟؟ وشنو حسيتي فية؟؟

انا طريقتي غريبة شوي

الوالدة الله يرحمها قالتلي
شوفي اول ما تصحين من النوم الصبح وقبل لا تروحين وانتو بكرامة الحمام
خليج نايمة على ظهرج ومددي ريولج

وحطي ايدج عن الحدة راح تحسين بشيء مكور وفعلا
وبعد كم يوم حللت طلعت حامل

 

[Dancing^Queen]

رد : شلون عرفتي انج حامل؟؟ وشنو حسيتي فية؟؟

اي فروحه هذا سونار اول
سمعت عنه
ويقولون اذا يسار صبي
واذا يمين بنيه

عدل؟؟

او جنه العكس؟؟؟

 

[فروحة توحة]

رد : شلون عرفتي انج حامل؟؟ وشنو حسيتي فية؟؟

اي والله صح كوكو انا بنتي يمين

ماشالله

 

[بنت العز]

رد : شلون عرفتي انج حامل؟؟ وشنو حسيتي فية؟؟

انا حملت بعد 5 اشهر بس كنت عالمزاج ساعات امنع و ساعات لأ لأني كنت ادرس و سبحان الله كانت دايما تتأخر علي ساعات 10 ايام ساعات اسبوعين و ساعات اشك اني حامل بس كان يطلعلي نيقاتيف عاد اخر مره تأخرت اسبوع و اختي كانت مصممه اني اروح احلل!! و انا كنت راااااااااااافضه لاني اليوم اللي قبله محلله بالبيت و طلعلي نيقاتيف قعدت احلف لها اني مو حامل طبعا مارتاحت الا لما قصت علي قالتلي امشي انزور يدتي و بهاليوم كان ازواره اصلا فبدلت و طلعت طبعا مالقيت نفسي ببيت يدتي لقيت نفسي جدام المختبر غصب نزلت و انا اتحلطم خايفه من الابره شوي و اسبها و كل ماتعورت اقولها كـــــــله منج اتعذب عالفاضي طبعا خلصنا قتلها ماني ناطره خنطلع اهم يدقون !! عاد طلعنا و انا كلش مو مهتمه و لاحاطه في بالي و دقو على اختي و انا مادري انهم اهم اللي داقين جان اتقضبني اختي التلفون طبعا انا لما سمعتها اتقوللي مبروك حامل سكرته بويهه جان اقول حق اختي جذابه ماعليج منها !!! و انا مو مستوعبه شللي سويته !! جان ارد ادق مره ثانيه و تأكدت من الخبر و طرت من الوناسه لأن التوقيت كان ممتاز ولدت عقب ماتخرحت ب 3 أشهر

 

[Maltesers]

رد : شلون عرفتي انج حامل؟؟ وشنو حسيتي فية؟؟

وناسه .. يالله بنات شاركونا أحب اسمع هالسوالف

 

[^^ حنين ^^]

رد : شلون عرفتي انج حامل؟؟ وشنو حسيتي فية؟؟

ماشاء اللة

لي رجعة مرة ثانية للموضوع

 

[شاي اخضر]

تجاربكم بنااااااااات

 

[أم غايب]

انا بصراحه دورتي نوعها تجدم يومين ثلاثه لكن اخر مره ماجدمت باقي على موعدها القديم يوم و ليلحين شرفت و حس ريلي ان انا احاتي سالفة الحمال لان امي كل يوم تدق تسالني ياتج و لا لأ يومها كنه بسلطان قالي الا تجربين الاختبار المنزلي و جربته و طلع بوستيف من و انا بالحمام ريلي ما صدق تدوده قالي الا نشتري واحد ثاني و نجرب قلتله ماله داعي و كان رمضان و الوقت متأخر بس اصر احلل فرحنه الهادي و حللت و تاكدنه و الحمدلله اني حامل و انا الحين بالتاسع و موعدي 20-6 الله يعيني عالولادة

 

[دنياك دنياي]

واي ذكرتووووووووووووووووني

انا الله يسلمكم صارلي 8 اشهر متزوجه س كنت مأجله مشروووع الحمل على اساس الدراسه بالكليه كنت اخر سنه يوم تزوجت وعلى نهاية التربيه العمليه خلاص قلت ما في داعي امنع هالشي وكنت وايد احن على الحمال حتى اذكر الكل يقولي لا تفقرين نفسج بالحنه انسي الموضوع وسكتي نفس على اخر الشهر الي اهو نفس الشهر الي قطعت فيه المانع على اخره كنت احس بعواااااااااار ظهر فضيع وكنت اغث البنات الي وياي بالميداني اقولهم ظهري يعورني وكنت كله احس مالي خلق وكانو يقولولي اكيد حامل اقولهم لا ما اتوقع هالشهر المهم بنفس اليوم الي المفروض اتيني في الدوره ما نطرت تتاخر كنت رايحه مكتبه السنافر مع امي ظلت امي داخل تاسب قلتها بروح الصيليه شوي واشوه ما سالتني ليش لان ما كنت بقولها ورحت وبسرعه بسرعه شريته ورديت البيت حتى ما سالته على الطريقه شلون بس اذكر سامعه من البنات شلون يستخدمونه والله سويته وطلع خطين واااااضح ينيت من الوناااااااااااااااسه وكان ريلي خفاره قلت له مالي شغل تستاذن وتوديني ومسكين ياااااا و وسويت تحليل قالت لي بعد 45 دقيقه يخلص وريلي مسكين ما يقدر يتاخر وكنت قاعده على اعصابي وهو يحن على يقلي خلاص باجر ناخذ التحليل وانا ميته ابي اعرف عقب قلت له خلاص قووووم باجر باجر جان يقولي لا خلاص بنطر اهو بعد كان يبي يعرف وعقب نادتنه الممرضه ما عطيتها فرصه تتكلم قلت لها اروح الدكوره على بالي الدكتور الي يقره التحليل غشيمه اول مره جان تقولي ليش تقول عشان قول مبرووك انا قول حق انتي مبروووووووووووك واي ما صدقت قلت لها يعني حامل جان تقوووووووول يس مدام مبرووووووووووووووك ريلي من الوناااسه يمشي وشاااااااااق الحلج وانا طول الطريج اضحك مو مصدقه كان صج ونااااااسه

 

[ام علاوي وعزوز]

انا من غير تحليل ولا شي اول حمال وثالث حمال شفت نفسي ما افطرت برمضان صمته كله قلت بس صاااااااارت انا حامل
واما حمالي الثاني تلخبطت عندي الدورة ورحت الدكورة قالتلي سوي تحليل سويت تحليل وطلعت حامل

 

[ام غلا اخت سعود]

بناات انا حملت بعد اربع سنييين ونص والحمدلله ماكان فيني شي من ربي ...

زوجي كان يدرس برى جاء عشان عيد الاضحى اسبوعين وكان اخر كورس باقيله شهر ويتخرج ..
اول ما جا قعدت يومين وجتني الدوره وبعد ما خلصت قعد اسبوع وسافر ..

بعد ما سافر كنت كله اقراء بالنت عن اعراض الحمل ووشلون المره تحس بنفسها انها حامل ...كنت حاسه بشي مو طبيعي ودورتي كانت منتظمه الحمدلله

وقبل ما يجي وقت الدوره بثلاث ايااام قعدت حماتي من النوم الصبح ورحت الصيدليه وشريت 2 تحليل منزلي وردينا البيت على الظهر وعلى طول حللت مانطرت لبكره الصبح واطاااالع التحللليل الا خط غااامق وخط خفيييييف
والثاني استعملته بالشهر الرابع لقااافه هههههههه

على طوول دقت على الصيدلي قلتله انا تو شريت منك التحليل طلعلى خط خفيف يعني شنو ؟؟قالي يعني حمل قلت شنو قال :يعني حامل يامدام

قال يعني انا حااامل قال :ايه قلي شنووو قال ايييييه يا مدام حااامل قلت اكييييد قال: ايوه ههههههههه جننته

وقعدت ابجججججججي وناديت حماتي وتخرعت على بالها فيني شي
قلتلها وما استوعبت قالت ليش تبجين ما تبين تحملين ...؟
قلتلها ابي اتأكد .
وطلعنا الظهر الساعه 1 لمستشفى لندن وسويت التحلييل واناا ارجف من الخوووف وريت النيرس تحليل البيت قالت انتي فيه حمل ..
قلت ماعليه ابي اتاكد

وبعد 10 دقاااايق جت وقالتلي مبروووك
وما خلييت احد ما بشرته والحمد لله على العافيه
وجاء حملي وتخرج زوجي مع بعض الحمدلله ..

والحين انا حامل بالشهر السادس الله يهون على وعليكم

ونشوف اجنتنا بصحه وعاافيه تااامه ياااااااارب .....

 

[احلى كويتيه]

روووز حبيبتي قطعتي قلبي وخنقتني العبره وانا بالدوام الله يتمم عليج وعلي جميع الحمل يارب ويفرحج يا رب بالولد البار والصالح