شلون طريقه التوظيف بالتربيه لمشرفات التغذيه

[حبي عبادي]

طيب بنات انا اخت مرت حماي حابه تشتغل معاكم بعدها صغيرونه عمرها22 سنه وصراحه مامعاها شهاده اللهم بعد المتوسط ماخذه دبلوم من الخاص ودبلومها علوم كمبيوتر ياحرام زهقت من قعده البيت وتقول بخاطرها هالوظيفه حييييييييييل

فبغيت اسئلكم هل يقبلونها لو تروح الحين؟

وشلون التسجيل والاجراءات؟

ومن اي صوب يسجلون هل يروحون لديوان او شلون طريقتهم؟

ياليت تردون على بسرعه وربي حاسه فيها ذكرتني بايام تنطر الوظيفه يامصعبها وياشينها
وبيني وبينكم ماهمها الفلس تقول اهم شئ تغير الجو والفلس لو انه دينار من تعبها راضيه فيه بس اهم شئ يكون حلال

 

[حبي عبادي]

شدعوا محد رد على ؟؟

 

[أماني الحلوة]

اهي كويتيه ؟؟؟؟؟؟؟؟؟؟؟؟؟؟؟؟؟؟؟؟
واي محافظة ؟؟؟؟؟؟؟؟؟؟؟؟

 

[أماني الحلوة]

شوفي هذا الموضوع يمكن يفيدج

http://www.q8yat.net/showthread.php?t=675255

 

[حبي عبادي]

اي كويتيه وبمحافظه الاحمدي

 

[الشيرازية19]

عاد انا خالتي ام زوجي الاسبوع الي طاف توظفت بالمدرسة مشرفة تقنيات والله انها اتداوم من 7 الصبح وتطلع 10 الا ربع ومعاشها اعتقد 580 بس لا تعب ولا شي والله خوووش دوام 3ساعات اتداوم زين والله

 

[حبي عبادي]

طيب شلون هل تقدم بالهيكله لازم ولا شلون طريقتهم؟

 

[ام الحلوه والمزيون]

عاد انا خالتي ام زوجي الاسبوع الي طاف توظفت بالمدرسة مشرفة تقنيات والله انها اتداوم من 7 الصبح وتطلع 10 الا ربع ومعاشها اعتقد 580 بس لا تعب ولا شي والله خوووش دوام 3ساعات اتداوم زين والله

شلون توضفت ام زوجج وشنهي الشهاده الي توضفتي فيها وشاكرتلج

 

[A L L U R E]

رد : شلون طريقه التوظيف بالتربيه لمشرفات التغذيه


انا بقولج هالحجي من مراجعات ريلي عشان هالوظيفة لاني مثل مرت حماج طقت جبدي من البيت ونطرة الديوان ~
التسجيل عن طريق الهيكلة (مسكر) ماتقدر تسجل من الهيكلة والتقديم لهالوظيفة ماله علاقة بالديوان لانها قطاع خاص موحكومي
الهيكلة قالوا لريلي اخذ ارقام شركات التغذية الي ماسكة المحافظات ودق عليهم شوفهم يبون موظفات ولا لأ لانه التسجيل عن طريقنا مسكر .. فإلي يبي يقدم مباشر للشركات .. وللاسف الشركات طافحة موظفات وعندهم احتياطي يعني الي اشتغلت وتبي تكنسل شغلها ياخذون وحده من الاحتياطي يسدون مكانها وتكون الاولوية لهم
احنا دقينا على شركة ابحار قالوا عندنا اكتفاء حاليا وباجي الشركات ماردوا علي ~ احبااااااااط
هذي ارقام الشركات دقوا وجربوا حظكم وان شاء الله خير

شركة لآلئ الكويت 24754257
شركة ابحار 24330607 \ 24336633
شركة سابلية 24716677

 

[حبي عبادي]

اممممممممممممممممم يعني كلش مايستقبلون طيب واذا واسطه يقبلون صح؟


وبعدين البنت اصلن موظفه بس تبي وظيفه ثانيه تساعدها يعني يصير ولا تكنسل من وظيفتها

 

[مزاجيه77]

رد : رد: شلون طريقه التوظيف بالتربيه لمشرفات التغذيه

اممممممممممممممممم يعني كلش مايستقبلون طيب واذا واسطه يقبلون صح؟


وبعدين البنت اصلن موظفه بس تبي وظيفه ثانيه تساعدها يعني يصير ولا تكنسل من وظيفتها

اذا موظفة ولا تدرس ما يصيررررررر

 

[أماني الحلوة]

التسجيل عن طريق الهيكلة (مسكر) ماتقدر تسجلين من الهيكلة

 

[حبي عبادي]

اي اهيه موظفه وتبي شغله ثاانيه؟

مايصير تشتغل بوظيفتين يعني؟