شلون شديتي بطنج عقب الولادة

[سميره مملوحه]

تسلمين ياحياتي. يا شموسه

 

[**مناير**]

انا صراحه كنت اشكل مره شماغ ومايثبت ومره الحزام الطبي ومرة كورسيه ومره ادهن بزيت اللافندر والف نايلون همن قالوا زين والاهم من هذا كللله الشفط ثم الشفط ثم الشفططط طوول ما انتي قاعده والا منسدحه والا ترضعين شفطي بطنج لي داخل واول ماتقومين من النوم اشفطيه وانتي بفراشج قبل لا اتقومين وبعدين رخي جم دقيقه وهمن الزنجبيل مع النعناع والشاي الاخضر ثلاث مرات باليوم وشاي قشر القهوه وفي العشر ايام الاخيره قفشة الحوس الصغيييره قشر رمان مطحون مع قلاص عصير اتحركينها وتشربينها اتنشششفج عدل من تحت واتخفف الكرش يعني اثنين في واااحد
هالمره ناويه علي حزام السونا الازرق وقالت لي فلبينيه تبيع بعيد نصار تقول احسن شي اشتري خام شااش ووديه خياط يقصه لج بعرض خمس اصابع جذي ولفيه علي بطنج من فووق لي تحت وشديه تقول احسسن شي حق الكرش تقول نفس طريقة الحزام الاندونيسي بس هذا احسن لانه مو يابس وتقدرين تتحكمين فيه بس للحين ماسويته تعبببت باجر اخلص شهري بنااات ادعوا لي تكفوون واللي استفادت من ردي تدعيلي ان الله يهون علي ولادتي مااافيني انطر اسبوووع زياده خلاااص رحمتك يااارب
والله يهون عليكم بنااات.... *

 

[**مناير**]

اي وبنات علي فكره ديروا بالكم تري قشر الرمان مايصير تستخدمينه كشراب الا لما تنشفين من الدم عزكم الله او لما اتحسين نهايته خلاص بس يكون فيج افراز بني او شي جذي اشربيه لانه اذا شربتيه وانتي للحين مانظفتي من الدم راح ينشفه ويمنع نزوله فديروا بااالكم ماينوخذ الااا لما تنظفين عدل عساس اهو بس ينشفج من الماي والافرازات ...&

 

[سميره مملوحه]

ان شالله تولدين بالسلامه ومنكم نستفيد

 

[لذة الطاعة.]

بيبتي لا تعبين حالج خلطااات و خرابيييط و مادري شنو و مشداااات



و الله عن تحربه اقولج اياها


طول فترة الاربعين و انا ماخذة راحتي بالاكل و لا اربط بطني



طلعت من الاربعين مني

و بديت يوميا مشي ساعه
و قبل لا امشي اربط بطني بشمااااغ بس و الله

وخففت اكلي و قطعت الحلو بس ككاو باليوم و الماي اقل شي 2 ليتر يوميا

و اللله اللله ما اخذت شهر الا انا بطني لاااازق بظهري و الله احسن من بطني قبل لا احمل


خواااتي لما شافو بطني انجنوا ما صدقوا و الله

و باذن الله بوالدتي هذي بسوي جذي بس بوالدتي عاذي ابي اربط بطني من الاربعين عشان اهيئها


و على فكرة انا كنت امشي بجهاز الجري ساعه و اذا مالي خلق نص ساااعه

 

[غرام القمة]

المشد الاندنيسي عجييييييييييب يخلي البطن مثل السطحة بس لازم احد يسويه لج