شلون تيبين a ؟ ~

[~عيون الحب~]

السلام عليكم

بعد جم يوم بنبدي كورس يديد و صفحه يديده بحياتنا الجامعيه العامره بالقريدات السنعه :ggdw:

اللي توهم يدد عالجامعه سواء المستجدات او اللي كانو ماخذين تمهيدي الكورس الاول وكله لعب نفس حالتي

نبي طريقتكم بالدراسه شلون نييب A ؟

بالجامعه اكيد نو غياب نو تأخير ومشاركه وتركيز ..الخ

نبي بالبيت :eh_s(2):

تذاكرين أول بأول ؟ تسوين لج جدول اسبوعي للدراسه ؟ ولا بس حزت الامتحان تسوين مجهود كبير ؟

عطونا تجاربكم :eh_s(7):

وفالكم كلكم الـ A بكل المواد ان شاءالله

 

[الحللللوه]

مووفقه

اب اب

 

[»؛sandrella؛«]

ههههههه حني على رآس الدكتور ويعطيج

 

[Dam3t Daloo3a]

على حسب المادة اذا كانت صعبه او سهله
يعني في مواد يبيلها مجابل
مثلا
اذا كيميا وكالكلس وفزياء وهالموااد انصحج تدرسينهم كل اسبوع عالاقل يعني باختصار مواد العلوم << مجربه ولو تشدين دورات يكون اظمن لج هالشي بالقريدات الحلوة
واذا مواد اختياريه ما يبيلها دراسه اول باول لان اهيه اغلبها سهلها وعلى حسب دكتورج اذا مسهلها ولا لا
يعني عندج مواد التاريخ انصحج درسيهم اول باول اذا تبين الa
بس باختصار اذا تبين الa فلازم تدرسين قبل الامتحان مو نفس يوم الامتحان بس لان ما راح يمديج تحفظين
وشدي حييلج اذا موادج سهله درسيلهم ويبي فيهم الa
وهم على الدكتور يعتمد اذا تدرسين من قلب ولا دراسه عاديه

موفقه حبيبتي

 

[قطوووة]

ألتزام بالحضور وعدم الغياب
تسجيل كل ملاحظة يقولها الدكتور اول باول
الدراسة اول باول
اذا في شي مو فاهمته راجعي الدكتور
اذا في نماذج امتحانات للمادة حيل تفيدج
سالي البنات اللي مخلصين المادة عند الدكتور شلون طريقته
راجعي الدكتور وساليه دايما عن طريقة الامتحان _ مقالي ... اختياري .. الخ

 

[BaBy^faCe]

والله شوفي جملة درسي أول بأول
شكبرهاااااااا ،،
ماتدرين من وين تبدين فيها ،،
أولا المواد العلمية طريقة دراستهم غير الأدبية ،،
+
الـA = مجهووود طول الكوووورس مو بس بفترة الامتحانات ومو بس امتحان الفاينل !!
الـA =حضور والتزام و معرفة كل صغيرة وكبيرة بالمادة وعدم تطويف جزئيات على المزاج < حركتي
الـA = عندج مصدر قوي للدراسة .. بالمواد العلمية اكثر شي .. ما تعتمدين على محاضرة الدكتور بس .. لازم نوته شاملة ولازم دورة أو مدرس خصوصي زين ومعروف
الـA= تسألين عن المادة قبل لا تبلشين وشلون تندرس وشنو احسن دكتور وشنو احسن طريقة دراسة لها

بس

وعشان كل هذا يصير لازم
تنظمين وقتج

Good luck​

 

[sherazia-x]

ويييييه الله يعيين خل اخذهاا اول وبعديين اقولج شلوون لوووووول

 

[~عيون الحب~]

^لوووووووول


مشكووووووووريييين بنات عالتفاعل والله ماقصرتووو :***


الله يوفقكم ان شاءالله تيبون بكل المواد a

 

[أم منيـرة]

ادرسـي كل اسبوع ، وراجعي كل شي أخذتيه ،

وان شاء الله فالج الـa

 

[طالبة انجلش]

الدراسه اول باول والاهم التوكل على الله

 

[قطوووة]

درجاتج تكون
50 اعمال فصلية
50 فاينل

سالي الدكتور الـ 50 الاولى شلون يقسمها ؟

في دكاترة مثلا يحطون اكثر من امتحان ودرجاته 30 مثلا من 50

10 حضور وغياب
10 شفوي

شي جذي

كل مادة وكل دكتور له طريقته

 

[أم الخجل]

على حسب الماده طبعااااا . . وطريقه الدكتوور . .

اغلب الدكاااتره يهتموون بالحضووور ودرجه الميدتيرم . .

ويعطوون بونص بعد اذا ما غبتي كللش وبونص على المشاااركه . .


انا عن نفسي اقسم امتحان الماده الصعبه على ٣ ايام قبل موعد الامتحان . . والماده السهله يومين . . وقل الامتحان بيوووم يكوون مرااااجعه حق كل كميه الامتحان . . وبجذي موتييبين a بس بتتفوقين بالكورس بعد . .

ونصيحه اذا الدكاااتره طلبوا بحووث وتقاارير وواجبات سويهم واافتكي منهم باول شهر من بداايه الكووورس قبل لا تبدى امتحانانت الميدتيرم ، لان اذا اجلتي راااح تنشغلين بالامتحانات وما راح يكون شغلج بالبحووث توووب . .

المشاااركه ثم المشاااركه ثم المشاااركه وااايد تفيد صج ان الدكاااتره يقولون ان ما عليها درجااات ومو لازم . . بس اذا كنتيت شاركين وااايد وصاار نهايه الكوورس وكنتي محتاجه درجاات واايد راح تنفعج مشااركتج . .

اسفه طولت عليج . . موووفقه . .

 

[~عيون الحب~]

شششكراااااااااا بناااااات جد ماقصرتووو فديتكم :***

أم خجل

بالعكسس حبيبتي احنا نبي الطواله

 

[براءة الدنيا]

البنات كفو و وفوو وان شاء الله فالنا البيرق لووول

 

[FoFa stylish]

و الله اختي ما ادري انتي اي سنه بس غير دكاتره مهما تسووين فيهم ما يعطون قريدات و في بعضهم و الله لا اهتمام و امتحانات زفت و تطلعين بa و في دكاتره على كثر ما تسووين تأخذين

يعني نصيحه بأختصار اللي تبي a تأخذ دكتور زين هالقريد يمشي عنده هالقريد في دكاتره شايلين ال a من سلم القريدات عندهم مهما تسووين ما تاخذين الa

لان في دكتورة الله يسامحنا بنت عمي خريجه يوم حسبت درجاتي المفروض B اقل شي هذا يعني ان مزفته كلش و لكن انصدم في c- شوفي شبعد الB عن -C الله يسامحها


الa = دكتور زين و مجرب و يمشي فقط لا غييييير لا تقولين امتحانات او مشاركه او بطيخ

 

[~عيون الحب~]

حبيبتي فوفا انا اول سنه.. الكورس الاول خذيت تمهيدي والكورس هذا يعتبر أول كورس صجي جني مستجده لوول

وصحح معاج حق اعتبرها 50% عالدكتور و 50% عالطالب

والحمدلله هالكورس خذيت عند دكاتره ممتازين ويعطون a فـ ابي استغل هالفرصه مابيها تضيع بشد حيلي

مشكوره حياتي الله يوفقج يارب

 

[FoFa stylish]

حبيبتي فوفا انا اول سنه.. الكورس الاول خذيت تمهيدي والكورس هذا يعتبر أول كورس صجي جني مستجده لوول

وصحح معاج حق اعتبرها 50% عالدكتور و 50% عالطالب

والحمدلله هالكورس خذيت عند دكاتره ممتازين ويعطون a فـ ابي استغل هالفرصه مابيها تضيع بشد حيلي

مشكوره حياتي الله يوفقج يارب

اول سنه يابووووي يعني ما شفتي شي الله يعنيج تقسيمج صح و بس مثل ما قلت لج في دكاتره يظلمون لو شنو توب بالمدتيرمات و كل شي الله يعينا
شدي حيلج و لا تعطين الدكاتره حجه ينزلونج

:eh_s(16)::eh_s(16):و نتخرج يارب :eh_s(16)::eh_s(16):

 

[نور النـور]

اولا الدكتور يعتمد عليه على فكرة

ثاني شي الحضوووووووووووووووووووووووووووووووووووووووووووووووووووووووووووووور والله يا بنات الحضووووووور يلعب دوووووووور بالدرجة

واخر شي تقديمج بالأمتحان

بس

 

[بنفسجيه1]

اب اب اب

 

[بنفسجيه1]

اب اب