شلون توقفون رفيجاتج بالدوام او بالكليه عند حدهم اذا تدخلو باموركم الشخصيه

[سموة الزين]

الله يعينج عالملقف انا من رايي تحاشيهم يعني اذا مرو عليج سوي روحج ماشفتيهم واذا يوج قولي هلا ابروح عندي شغل اي شي صرفيهم باي طريقه وهالاشكال مرت علينا كلنا بس الواحد يتحمل ويوسع صدره ياماا وياامااا راح تشوفين الازيد بس نصيحتي صرفيهم باي طريقه او سوي روحج ماشفتيهم

 

[blue ocean]

ما واطن الفضوول والناس النشبه , واللي يسوون روحهم اذكيه يسحبون حجي وعبالهم مو داريه

ماحب هالسوالف اتنرفز منها ووايد تصادفني ووايد اسوي نفسي عبيطه ومو فاهمه

بعادتي ماحب ادقر احد انحرج وايد بس من داخلي اتنرفز من اللي يدخل نفسه بخصوصيات غيره

مشكوره خيتي وزين سويتي فيهم​

 

[الريشة]

هذي عقلها عقل ياهل و لّا جان ما تدخلت بحياتك
أهم شيء لا تقعدين معاهم و إذا وقفت يمك و انتي تنطرين زوجك وخري عنها و لما تسألك عن أي شيء لا تردين عليها.
المهم لا تختلطين فيهم و لا تسولفين معاهم عشان تحطين حد بينك و بينهم

 

[m&ms2]

ديربالج من هالاشكال وخلي تلفونج حولج ويمج ومالج شغل فيهم قطيعه تقطعهم

 

[كول سلو]

بعد عمري كلكم وحده وحده والله شجعتوني فديتكم ​

 

[ام يارا القمره]

اللــه يعينج ..! ​

امممم ​

اذا اول مرة يتدخلون .. اقولهم ( يا أيها الذين آمنوا لا تسألوا عن أشياء إن تبدُ لكم تسُؤكم )​

اما اذا تكررت اللقافه لازم اززف مع انه مو طبعي !​

هذا اي ايه ماخذتها

 

[ام يارا القمره]

نفس سالفتي مع اخت زوجي قطع مالها اول ولا تالي اخر مره تحبين زوجك وش تلبسين واخر مره وش تسوون غرفه نوم والمشكله تكره زوجي كره العمى ولها سنتين ماقطعته علشان قال زوجك عيونه حار ومايحبنا
وش ارد عليها

 

[مارياq8]

الله يهدي الفضولين

 

[عالمي المجنون]

عندنا وعندج خير

معاي وحدة بالدوام فضيعة بالفضول

لي درجة مرة ريلي بياخ\ني من الدوام ويوم درت جان تلحقني وتناديني فلانة

قتلها هلا؟ جان تقولي قولي حق ريلج يبيع سيارته ترى تفشل@@

مو قهرتني الا افقعت مرارتي ومن يومها لا ارد ع تلفوناتها الفاضية وبيني وبينها بس سلام

حتى المكتب لي دخلت فيه طلعت انا

طبعا اهي مقهووورة وبتموت من تغير معاملتي لها

 

[ما كو اسم]

عادي لا تردين بس لا تقطعين علاقتج معاها .ما في انسان كامل بس الشاطر اللي يتكيف مع الجميع وانتي نفسج فيها عيوب

 

[BaiTotia]

وييييييييييييييع

أنا مو متزوجة

فأسألتهم عن الزواج والخطوبة والريل

عسى ماضعفتي ولا متنتي ولا غيرتي ستايلج ولا حطيتي حمرة يديدة شكوووو فيج وعبالهم مخطوبة وخاشة عنهم

ذاك اليوم وحده يايتلي هاه فلانة مايالج ريل؟؟؟؟؟؟؟؟ بالله شرد عليها

استحيت أدقرها لأن مرا عود

قلت لها لا وبس

 

[روانتي 12]

اهم شكوو ..انا لو مكاانج اقول جب يلا مالج شغل لا صرتي امي او ابوي تعالي تكلمي و قولي بعد اولآ ما اعرفج ولا تعرفيني
خير قطه تسألين ولا ماراج اجاوبج يلا تلااايطي

اكرررره الي جذي خير يسألووون ...الشي اذازاد عن حده قلب ضده

 

[تحت ظلك]

سخااااافه

 

[kuwait_queen82]

لو سالتج سوال غيري الموضوع و لاجنج سمعتيها مره مرتين لمه اتحس على دمها شفتي مافي فايده قوليله ماحب احد يدخل ابخصوصياتي

 

[amoOoNA Al_mazyoNa]

واااااااي في بنات بس يسمعووون انج متزوجه يستخفوووون يبوون يعرفون كل شي عنج انتي و ريلج

شفااااااااااحه على الريال الحمدلله والشكر .. وهالأشكال ماينفع معاها إلا الحقران أو قولي لها أشكررره

هذي خصوصيه

 

[المكسيكيه]

لا تعطينهم ويه وخليهم يلزمون حدودهم

 

[دانه الشطوره]

انا وحده اذا نرفزتني او ما عجبتني اعاملها بنفسيه واقط الكلام بويهاا اخليها تتوب تكلمني او تقرب يمي
هاذي سياستي وحتى رفيجاتي بالمدرسه قاموو يقلدوني
لأن الناس صج ما ينعطون ويه
حتى لو ابتسمتي لهم حسبالهم طاحت الميانه وخلاص
ما اييون الا بالعين الحمراا

 

[gmar al-kuwait]

لا اله الا انت سبحانك اني كنت من الظالمين
كل شي يسالونه قولي مادري نسيت او صج ؟
لين يملون
​

 

[mesho0o]

قولي لها مو شغلك

وكل ماقالت شي قولي مو شغلك
خليها تكره نفسها و تجيها حاله نفسية من مو شغلك

 

[زوجة ضابط طيار]

وييييييييييييييع

أنا مو متزوجة

فأسألتهم عن الزواج والخطوبة والريل

عسى ماضعفتي ولا متنتي ولا غيرتي ستايلج ولا حطيتي حمرة يديدة شكوووو فيج وعبالهم مخطوبة وخاشة عنهم

ذاك اليوم وحده يايتلي هاه فلانة مايالج ريل؟؟؟؟؟؟؟؟ بالله شرد عليها

استحيت أدقرها لأن مرا عود

قلت لها لا وبس

ياامعووده المفروض تستاانسين

على قولة المصريين صيت غنى ولا صيت فقر اذا قاالولج

انخطبتي قوليلهم جريب ان شاء الله فاال حلوو