شلون تمسحون الميك اب + افضل منتج لتحت العين

[TOMORROW]

بعد تجاربكم بنات

 

[غلا الأيام]

واي بنات طريقتكم معقدة

انا استعمل بخاخ جونسون بزيت اللوز والصويا

اشوفه صج صج توب وليلحين ما شفت احسن منه

بختين على ويهي وامسح بقطنة اقل من خمس دقايق

وانا خالصة :eh_s(4):

لا اتقولون لي يسود الويه ، بيبي اويل اهو اللي يسود

ولاه بعد استعمله حق اظافري عجيب حق الاظافر :eh_s(22):

وصح كلام البنات مناديل جونسون اتعب البشرة

انا استعملت الخضرة وبشرتي اتعبت

 

[lferj]

انا استخدم مناديل المببلة بس ما تنظف عدل دايما اغسل ويهى بماى وصابون

 

[um3bdullah]

هذا احلى واحسن مزيل مكياج جربته بحياتي
تحسين يزيل المكياج عدل وينظف الويه 100% ويرطب ترطيب مو طبيعي
ساعات حتى لو مو حاطه ميك اب احب انظف بشرتي فيه من كثر ما يرطب
ماركته افون شريته من مندوبتهم

وبالنسبه حق تحت العين خذيت كريم ماركته سويسريه عليته بيضه وعليه علم سويسرا استعملته مرتين وحسيت ان تحت عيني فتح والحين ماقمت احط كونسيلر ماشاء الله وايد حلو وعجيب ومفعوله سحري معني استعملته مرتين بس لو تشوفين العلبه تقولين مو مجيوس لان استعملت نقطتين ..

خل اشوفه وايبلج اسمه

حبيبتي ياليت صورة المنتج السويسري ... ومن وين شاريته وجم سعره ؟

ومشكورة جزاج الله خير

 

[Adele]

جونسسسن او مزيل ميك اب فور ايفر

 

[Laidy n3ooma]

انا للعين استخدم غرانيه الاخضر وللويه مناديل جونسون وبعدين اغسل ويهي بغسول

 

[أميرة-]

ماي وصابون ماتعب عمري بس استخدم غسول طبي لأنه بشرتي حساسة

أستخدم غسول ريجوفي يهبل ينظف عدل وماتتحس بشرتي عليه

جربت بعد صابونه طبية للبشرة الحساسة اسمها اويل اوتم بعد حلوة كان صارفها لي دكتور جلدية

بس ماستخدم غيرهم وزيت الزيتون جربته فترة بس وجهي تحسس منه

 

[نظر عيوني]

مشكورين بنات الله يوفقكممم

 

[barbie_girl]

بشرتي تميل للجفاف واستخدم لمكياج الوجه الميلك المنظف من لانكوم روعه

ومكياج العيون من سيفورا لونه ازرق فظيييع مايحرق العين وتنظيفه ممتاز والاحلي سعره

 

[تـــرف ..))]

نيفيا
وسان لوران

لمزيل المكياج روعه

 

[lads]

عجيييب

 

[ليدي بجد]

زيت الزيتون وبسسسسسس نضاره وطراوه +تنظيف مكياج عندي انواع اعلى الكريمات واستخدمها مستمره بحلل فلوسها بس مانعم بشرتي بهالشتا وما شفت قشور ولمعه نظافه. طبعا يزيل الكحل والمسكره يقطنه بس انصح تدهنين وجهلك فيه يوم ويوم لا ما يقل عن ساعتين أنا اخليه اكثر واغلسليه وحطي مرطب يكفي ان الرسول صلى الله عليه وسلم يدهن وجه فيه يوم ويوم لا حسب ما قريت

 

[ليدي بجد]

بذات في الشتا المناديل المنظفه والمنظف المائي يجفف ويسمر من تجربه ابتعدو عنه اذا ولا بد ملك والا كريم عادي

 

[أحلى قصة]

منكم نستفيد

 

[دانة_ دبي]

للرفع

 

[يحبنى الله *]

لى رجعة للموضوع إن شاء الله

 

[مصر-الكويت]

موفقة يارب

 

[زبــــــــدة]

انا استخدم زيت اللووووز ...احلى شي بالعالم لووووول

اللي من بووتس مو اللي بالعطار خايس

 

[mllon]

انا استخدم هالغسول لانه زيتي وينظف عدل وما ينشف, وما احتاج احط مرطب عقبه
يبيولي ياه من امريكا...بس الحمدلله حصلته بالكويت

 

[Mrs_Orchidia]

انا الحين استخدم بيوديرما الي حطته نوتي .. مريحني
و عندي من لانكوم لونه ازرق وايد حلو بعد