شلون تمسحون الميك اب + افضل منتج لتحت العين

[!الجادل الصعب!]

مرحبا ي حلوات



سؤال محيرني
شاون تمسحون الميك اب بطريقة ماخرب البشره
جربت مزيل الميك اب احس ما نظفت وجهي عدل ارد اغلسه بماي وصابون
يعني ما ستفدت شي ؟


عطوني طريقتكم واحسن منتج يشيل الميك اب خصوصا المسكرا
لان موعي اكثرها وكذا طبقا ولانكووووم دراما يعني صعبه تروح بدون غسيل !

+



افضل منتج لتحت العين ترطيب وتفتيح الهالات ?

 

[نور دنياه]

بالنسبه لي استخدم مناديل جونسون وبعدها اغسل وجهي بغسول فيتامين e من بودي شوب

بالنسبه لترطيب العين استخدم لوجهي كامل فيتامين سي احطه بالليل بس مايخفف السواد اذا السواد وراثه بس ترطيب

 

[Stunner]

انا نفسج استخدم لانكوم دراما

واستخدم لمكياج العين هذا من نيفيا

كيفية ازالة مكياج العين

‫يوميات شري امينة شلباية كيفية ازالة مكياج العيون.‬‎ - YouTube

 

[Patcholli]

هذا احلى واحسن مزيل مكياج جربته بحياتي
تحسين يزيل المكياج عدل وينظف الويه 100% ويرطب ترطيب مو طبيعي
ساعات حتى لو مو حاطه ميك اب احب انظف بشرتي فيه من كثر ما يرطب
ماركته افون شريته من مندوبتهم

وبالنسبه حق تحت العين خذيت كريم ماركته سويسريه عليته بيضه وعليه علم سويسرا استعملته مرتين وحسيت ان تحت عيني فتح والحين ماقمت احط كونسيلر ماشاء الله وايد حلو وعجيب ومفعوله سحري معني استعملته مرتين بس لو تشوفين العلبه تقولين مو مجيوس لان استعملت نقطتين ..

خل اشوفه وايبلج اسمه

 

[هزني الشوق؟]

انا جربت ماركات غالية ورخيصة

والافضل لوريال الي علبته زرقاء بداخلها ماي سماوي وكحلي نفس منتج نيفيا اللي حطته العضوة اللي قبلي

 

[قطوووة]

غسول من olay يهبل [يزيل المكياج+بياض+ترطيب]

- كويتيات

 

[ترف بابا]

يقولج كل شي زين استعملته اول

_ غسول جونسون الوردي أو رغوة جونسون الورديه

- غسووووول رووووعه من كريولان فيه حبيبات والله يهبل تحسين ويهج بعده نظيف ومنور ب١١ دينار

- الطريقة البدائية تحطين جلسرين كريم او كريم نيفا وبعدين تمسحينه بقطنة هذي زينه حق مكياج العيون
- مناديل جونسون الوردية فقط

واللي مو زين
- غسول جونسون ابوحبيبات زرقا صرااحه خرطي ما ينظف وتشوفين المكياج بعضه ماراح

- غسول نيتروجينا يصير الوجه بعده جاااف واسمر ومشدود حيل
- مزيل لانكوم الازرق يعني موحيل ارتحت له
- مزيل مكياج العيون من لوريال احس سبب اسمرار بجفوني.

انشالله اكون فدتج *

 

[Dalo0o3a Cute]

انا جربت الغالي والرخيص ما نفع بشرتي غير لوريال



فيه منه انواع انا اخذت هذا لان بشرتي عاديه ومكتوب عليه للعين والفيس

بس يهبللللللل نصيحه جربيه

 

[حلآوهـ حمرهـ]

انا امسح مكياجي بخطوتين بس او خطوة

استخدم مزيل مكياج العيون من نيفيا او لوريال اللي بو طبقتين امسح فيهم الكحل داخل العين والماسكرا بس

وعقب اخذ غسوول نيفيا



واسفنجة نااااعمة للويه او اللي نسبح فيها البيبي .. ارطب ويهي واحط شوي من الغسول وافركه بالاسفنجة وعقب اغسله ماي ويصير ويهي نظيييييف

واذا مب حاطه كحل او ماسكرا اغسل ويهي بالغسول على طول

بصراحه ماقدر استغني عنه حتى الماسكرا ينظفها عدل وحتى لو كنت حاطه اثقل كريم اساس واثقل بودره بخطوة كل شي ينظف وايد انصحج فيه

 

[brettey]

كنت مثلج ليما لقيت الحل الروعه بالجمعيات من نيفيا يمسح عدل وبضمير بس مسحي شوي شوي

واحسن منتج للهالات زيت جنين القمح الاصلي من السعوديه من وادي النحل بس انا ماخذته من حواي جمعيه السلام يايبه الاصلي

 

[عذبـة الاطبآع]

ماكو على زيت الزيتووون

لاتستغربين شي صراحه

يزيل الميك اب بدقايق ووو فوق كل هذا ويهج نظر

عقب ماااتنظفين ويهج طالعيه بالمنظره كل شوي شووفو

النظاره اللي يسوييييييها زيت الزيتون امبيه يرطب بشكل

حتى الشفاايف اذا كانت جافه يرطبهاا والمسكرا يشيلها بثواني

احيان انا احط قلم ملووون داخل العين هذااا لاصابوووون

لا مزيييل ميك اب ييييوخره بدقايق الااا يوم جربت زيت الزيتون

وابد مايحرررق العين جربيه وادعي لي

 

[Engineer A]

انا استخدم مال نيفيا اللي يكون جنه كلنكسات عرفتي؟
مثل هذا

مسحه وحده يروح كل المكياج اذا كان خفيف ينظفلج عدل
بس اذا قوي مسحي كذا مره.

عجيب صراحه

 

[!الجادل الصعب!]

حلاتكم والله اول مره احط موضوع القى هالتجاوب .. لا خلآ ولآ عدم ��


جربت مناديل جونسون حسيتهآ تجفف الوجه وتحط طبقه دهنيه غثيثه تجف بسرعه !


نيفيا شريت نفس الي حطيتوه بس علبته بيضا مو شفافه .. و قطيته !
بشتري الي حطيتوه .. م قصرتوا حبايبي ..



باتشولي ناطره اسم الكريم لتحت العين
هالاتي من السهر مو وراثه ..


مشكورين حبايبي

 

[noty]

هلا حبيبتي

بالنسبه لي ما حب السائل و لا احب الحليب

السائل يجفف و الحليب يضايق يدش بالعين
مثل هذا جربته و سوالي جفاااااااااااف كلش ما ناسبني
و هذا السائل اللي اقصده مثل هالنوعيه يكون خالي بس ماي

احب المخلوط زيت بسائل

و انا طريقتي احط كميه بالاسفنجه و اضغط مدددده على العين خصوص الرموش

و احركها حركه خفيفه لين احس الرموش اشربت السائل

و احط ماي بالاسفنجه ابللها قبل ما حط المزيل

هذا المنتج
http://www.q8yat.com/t60644.html

وهذا المنتج الثاني
http://www.q8yat.com/t238069.html



و صح اللي احلى شي جربته و ليلحين ما لقيت له بديل
هذا بس للاسف مافي بالكويت

ابلل ويهي و اعصر بايدي اهو مثل الجل و افرك ويهي فيه
سحررر يشييل الميكاب كله و العييييين تصير نظيفه
انصحتني فيه مالت سيفورا طبعا مو مثل اللي عندنا
ناس تعرف شنو ترشح لج



و اكره التيشو ما يناسبني كلش ،، ما احب اشيل الميكاب و ما غسل ويهي عقب

هذوول المنتجات فايزه عالميا

شكله زين من بوتس

هذا فايز هالسنه

 

[طموحه بزياده]

انا استخدم نيفيا

 

[Lulu_Perla]

بالنسبة لي وااااااايد كسولة بمسح المكياج و ساعات انام فيه اذا ويه المخدة غامج لوووووووووووول
ادري غلط بس عادة مو قادرة اعدلها ><

و اذا تسنعت و مسحت مكياجي استخدم مناديل جونسون الوردي
اذا مو حاطة ماسكرا شحلاتهم يهبلوون بسرعه يروح المكياج و الحمرة بعد مسحة وحدة ماااكو شي
و لان بشرتي جافة احب الطبقة المرطبة تغنيني عن كريم الليل < اذا حطيته لاني حتى بهذا كسولة ><

بس اذا حاطة ماسكرا ما يشيلها اقوم الصبح جني باندا لوووول
يبيلي اهتم اكثر ببشرتي كافي اللي فيها مسكينة

قاعدة استفيد من تجارب البنات نفس حالتج يعني..

بجرب لوريال احب منتجاتهم

بس الاسفنجة اي نوع..؟!
حطوا صورة لها

 

[ضنـآني الشوق]

آآب
ومنكم نستفيد

 

[Asouma]

صراحة احس ما تشيل الكريمات والوايبس wipes ))

والله زيت الزيتون احسن شي ..صج والله اذكر بعرس بنت عمتي المكياج كان قوي قعدت حوالي نص ساعه ماي وصابون + وايبس جونسون .حسيت خذا وقت ..بعدين اختي قالت لي زيت الزيتون احسسسن واسسرع ..

فعلأ ...

اتمنى انـي م طولت بهرجي وعطيتج معلومة

 

[طيبة83]

ماكو على زيت الزيتووون

لاتستغربين شي صراحه

يزيل الميك اب بدقايق ووو فوق كل هذا ويهج نظر

عقب ماااتنظفين ويهج طالعيه بالمنظره كل شوي شووفو

النظاره اللي يسوييييييها زيت الزيتون امبيه يرطب بشكل

حتى الشفاايف اذا كانت جافه يرطبهاا والمسكرا يشيلها بثواني

احيان انا احط قلم ملووون داخل العين هذااا لاصابوووون

لا مزيييل ميك اب ييييوخره بدقايق الااا يوم جربت زيت الزيتون

وابد مايحرررق العين جربيه وادعي لي

وااله صح كلامها ما في على الزيوت الطبيعية

انا استخدم زيت اللوز من هل ماركة

واااو يشيل مكياج العين في ثواني ويرطبها وزين للرموش لان في فيتامين e

احط منه شوي في قطنه ومعاه نقطه او نقطتين ماي وامسح بلا فرك ودعق كل شي يروح

بس ما يصلح للويه كله بس العين

جربيه وادعي لي

 

[!الجادل الصعب!]

صراحه اقنعتوني بزيت الزيتون لان المسكرا اعاني لما اسيلها ..
بحط لي غرشه عالمغسله &#55357;&#56833;



جربت بعد مناديل بوتس مادري ماوالمتني م حبيتها



Noty
م قصرتي حبيبتي حطيتي لنا لسته
بيوديرما عندي منه بس التاغ الي عليه ابيض مو وردي وفيه ماي الاكسجين
استخدمته يشيل المكياج بس يبيله اكثر من مسحه وصراحه اخاف احطه علا عيوني مع ان
الصيدلانيه قالت عادي بس مادري احس خطر ..!




ولا مره استخدمت ميلك للبشره شرايكم فيه يسوى !