شلون تلعبون مع قطاوتكم؟؟؟؟

[خليج***]

مرحبا,,

اليوم حبيت احطلكم هالموضوع عشان نعرف كل وحدة شلون تلعب مع قطوتها,,
يعني في عدة طرق احنا نمارسها عشان نتسلى مع القطاوة,,

شخصيا\
احب العب مع قطوتي لعبت الهجوم,
الطريقة اني اطالعها وعيوني ناعسة وفجاة اخزها وابقق عيوني عاد اهيا عالباها بهجم عليا فتنط علي وتهجم علي:eh_s(14):,,,,,,صج اخاف بس وناسة:ggdw:,,جربو هالطريقة بس تنفع مع بعض القطاوة,,مو كلهم,,

وفي لعبة المصارعة,,
بين القطوة والدبدوب,,
انا احب اربط الدبدوب بخيط عشان احركه عاد القطوة تظل وراه,,
ولو تلاحظون لما تندمج باللعب وايد تقوم تتنرفز فتشوفون شعر ذيلها يصير منفوووووش جنه ريش هههههه:krkrkr:
واذونها ترد لي ورا,,جذي معانتها انها حدها متنرفزة:dddds:

وفي لعبة الغباء,,
امسك ذيل القطوة واحركه فتقوم تتهاوش مع ذيلها وتقعد تعضض فيه ليما تتعور وبالاخير تقوم تلحسه:dddds:



يلا شاركونا تجاربكم الحلوة,,,,,,:ggdw:

 

[هميان]

وآآآي حدج فضيعه معآآ قطوتج :dddds:

مآآعندي قطوه ولا جان طفرتها مثلج :ggdw:

شكرا حبيبتي على الموضوع الحلو

 

[AmOoNa-]

انا اللي عندي من يوم يبته وهو نحيس مايحب يلعب بس يموت عالمضاعد والسيور لاتساليني ليش 6 سنين ليلحين عمري ماشفته شي يلفت انتباهه كثر مضعد سوق بواميه هذا اللي صاير حلزوني

 

[سكون القمر]

القطوة الى عندى ماتحب تلعب تحب تاكل بس يعنى اى شى زيادة من الغدا او العشا عندها
صار لنا كم يوم نفكر نبيع صندوق الزبالة الى فى المطبخ

 

[شهد وعطر]

انا قطوتي احطها على بطني تستااااانس وايد ههههههههههه ماتحب تلعب بس لمن العب مع عيالي اتينني جنها تغار ههههههه

 

[تمنيتك]

لووول وناسه القطاااوه:ggdw:


انا كانت عندي قطوه << فتره وفتره اشتري قطوه


كنت لما اصعد الدري او انزل تلعب.. تنزل معاي وتمسك ريلي وغبيه طيح ننفسهاا:krkrkr:

ولما اقعد عالفراش .. اشووف ذيلها يتحرك واهي منخشه تحت اخر شي تنط عالفراش وتنزل >> تسوي اكشن:dddds:

 

[سكارف.فوشي]

لووووووووووووووووووووووووووووول خوش لعب
انا قطوتي ماخليت لعبه ماشريتها حقها تهد الالعاب كلهم وتلعب بأغراضي تبط الجبد وكله تضيعهم ولما اقعد انضف داري الاقيهم كلهم الي تحت الكبت والي تحت الكرفايه الخايسه
بس لما الحين ما اكتشفت شنو لعبتها المفضله كل ساعه لها لعبه
بس غرامها تركض مسافات وتناطط واهيه تركض مينونه لووووووووووول

 

[احلى عازميه]

ابي قطووووووووووووووه منوين اشترييي

 

[قطوه ورديه]

مكوديين بسوق اليمعه

 

[نجمة الجوزاء]

هههااي حلوة

 

[ياعشيري جعلك السلال]

انا قطوتي تخب تلعب
بالاعلانات الي تيي مع الجرايد تنهبل لما تشوووفهم
احرك الورقه يمين ويسار بسرررعه وتنط عليهااا

 

[وردة-الكويت]

الله وناسه



الله يوقف





انا ماعندي قطوه



بس يمكن اشتري قطوة

 

[رمز الوفـا]

بنات شوقتوني على القطاوه ..

 

[Artist Q8]

قطوتي كانت تحب تلعب بالكره احذفها وتركض وراها مثل المينونه وتناقز

وعصايه ام الريش تكيف عليها لما تكون منسدحه على ظهرها تطق الريشه بريلها وايدها

 

[lojeeen]

ههههههههه انا قطاوتي كبار ما يحبون اللعب وايد

بس اكثر شي يشد اهتمامهم لما ادفي الضوا و اجيب قلم الليزر كلهم يستخفووووووووون يركضون و يقفزون على الليزر و يحركون راسهم بسرعه مع الليزر ههههههههههه

بس اكثر شي يونسهم لما يجي ابوي يحط براغي وايد على الأرض حتى يشتغل يتجمعون و كل واحد ياخذله برغي و ينحاش ههههههه

و أكيد لعبه كوره القدم اكور لهم قرطاس و اقطه عليهم يشوتون فيه بالصاله