شلون تعرفين اذا راس البيبي فوق ولا تحت

[اسمي بين الاسامي]

السلام عليكم

بنات انا لاحظت ان الدكتور بدون مايسوي سونار يعرف اذا راس البيبي فوق ولا تحت

انا من الثامن وراس البيبي فوق والحين انا بنص التاسع وكل اسبوع اروح العياده اجيك اذا نزل راس البيبي

عاد من يمسك بطني يقول لا راس البيبي للحين فوق وبعدين يتأكد أكثر بالسونار

بنات عفيه اللي عندها خبره بهالموضوع ياليت تقولي لان والله احاتي القيصريه وودي من امسك بطني اعرف اذا راس البيبي فوق ولا تحت

الله يسهل على كل حامل وتشوف ولدها او بنتها بصحه وعافيه ويرزق اللي ماحملت بالذريه الصالحه

 

[q8 knosha]

رد : شلون تعرفين اذا راس البيبي فوق ولا تحت

ماعندي خبر والله انشالله البنات يفيدونج

 

[اسمي بين الاسامي]

uuuuup

 

[^مزاييين^]

شوفي انا كان رفس البيبي كله تحت ويوم رحت للسونار قالتلي الدكتورة ان راس الجاهل فوق ومرة صار الرفس البيبي فوق وبسونار طلع ان راس البيبي تحت معناتها ان مكان الرفس يعني ارجول البيبي والله اعلم - ولما تحسين بعوار غثيث تحسين جنه في شي في بطنج ينعصر هاذي فرة الراس


واتمنى اكون فدتج ومعلوماتي صحيحة

 

[جذابه بنت ذيابه]

رد : شلون تعرفين اذا راس البيبي فوق ولا تحت

اب لعيووونج ..


ويارب يفر راس الجنين


انا باول الثامن وراسها فووق



وبولدي كان راسه فوق وفره لي الدكتور

 

[كويتيه مذهله 87]

اذا حسيتي الحركه تحت يعني هذا ريوله وراس فوووق
والدكتور طبعا ماشالله من خبرته يعرف بدون سونار
وانش الله ينزل مع الطلق

 

[شيخة الغراشيب]

عيل انا بالسادس بدخل السابع وراسه يقولون لي تحت الحمدلله على كل حال
عقبال ماربي ينزل لج راسه تحت يارب ويسهل عليج وعلينا الولاده ويطلعون اصحاء كاملين مندون زياده او نقصان

 

[(أم نونو)]

رد : شلون تعرفين اذا راس البيبي فوق ولا تحت

حبيبتي كثري من السجود ينزل راس البيبي

 

[tho tho]

رد : شلون تعرفين اذا راس البيبي فوق ولا تحت

و الله حبيبتي مادري
بس انا قبل فترة يحوشني ثقل تحت و عوار
و لمن سالت الدكتوره قالتلي لانه راس البيبي فوق و ريوله تحت
هالحجي بالخامس
اللحين بالسادس عدل وضعيته و راح العوار

 

[مرمر]

شوفي حبيبتي البيبي باذن الله يعدل وضعة للولادة

بس احتمال قصد الدكتور انه راسه فوق يعني مو مثل مانتي متوقعة قصدة حياتي انه مانزل بالحوض

راسه تحت بس مانزل الحوض يقولون فوق
اهو ينزل الحوض للولادة وبعدين من يضغط تحت فوق الحدة يبين حجم الراس معاه

عرفتي حبيبتي

 

[مشموشته]

البنات ما قصروا

اذا الرفس فوق يعني الراس تحت و العكس

 

[الصعيريه]

رد : شلون تعرفين اذا راس البيبي فوق ولا تحت

اذا تحسين بالرفس والحركه من فووق يعني راسه صار تحت

وانا من نص الثامن صار راسه تحت

وإن شاءالله تولدين طبيعي