شلون تسوون بوش وقت الولادة

[أمورته]

يارب التساهيل منك.انا بجر وقربت موضوع كله باخذ خبره
وربي يسهل علي وعليكم.ان شاءالله

 

[ريتاج_90]

ٱ‏​نـِْ♡̨̐ـِْا قالوا لّـِـِيُ كانه امساك تكرمين
بِــ̯͡سّ سبحاان الله بوقتها يصير الشي تلقائي

 

[قرة عيونه]

حبيبتي متنحه تسلمين ع النصايح

اي ناطره ادخل التاسع ع نار عشان ابدي مشي الدكتوره قالت لا تمشين الحين بالممشى بس امشي مشواريج وبالبيت يعني ع الخفيف

الله يسهل ع الجميع ياااارب

 

[قرة عيونه]

اب

اب

 

[smo0o]

تسوين بوش كأنك تخرجين من وراء سوري عالألفاظ

بس لاتسوينه إلا إذا حسيتي بالطلقه و إذا راحت خذي نفس عميق

والله يسهل عليكم حبيباتي

 

[تدخلين القلب]

انا في خوووف

 

[قرة عيونه]

الله يعييين

 

[Q6RYA]

جنج بالحمام تكرمين انا قلتلهم ماعرف شلون قالولي سيم سيم باثروم ماتفرق من جدام والا ورا تعصرين وهم بيقولونلج متى تضغطين

 

[زوزووووووووو]

اذا انفتح الرحم 8 سانتي راح تحسين من نفسج ان ودج تضغطين بس الدكتورة راح تقول لج صبري بعد سانتيين علشان البيبي ينزل اكثر ووقت الدفع حاولي ترفعين نصج اللي فوق مو اللي تحت يعني جنج تحاولين تقعدين وضغطي ضغطي بس نصيحه اذا تبين تاخذين نفس رجعي ظهرج شوي لي ورا واخذي النفس بس لا ترخين المنطقة لانج اذا رخيتيها بهالفترة البيبي يرجع فوق يعني من توصلين 10 سانتي حاولي بكل طلقة تكون الضغطه مستمرة حتى وانتي تاخذين نفس واذا راحت الطلقة مرة وحده ارتاحي ورخي ووقت الولادة اصلا الطلقة تروح لمدة دقيقتين او دقيقة ونص وترجع مرة ثانية

 

[قرة عيونه]

زوزووو يعطيج العافيه ع الوصف ان شاء الله بحاول اسوي نفس ماقلتي

 

[omal7lo]

واااي ياني عوار ابطني هههههههههههههههههه

 

[قرة عيونه]

ع كثر ماقريت عشان اتعلم واسوي بوش وقت الولاده نسيت كل شي

ولما جا وقت البوش اصلا كنت دايخه من الكمام عبالي قاعده تفحص مو ولاده هههه

ولا سويت بوش ولا شي بس اذكر السساتير يضغطون ع بطني وبس احس نمت بعدها حتى ماذكر يوم طلع

قمت قالولي ولدتي الحمدلله التساهيل من ربي

 

[New_bride]

زوزو
ليتني قريت ردج قبل ما اولد

لاني ماعرفت ادفع

ومن يقولون لي بوش اصرخ من قمة راسي
والدكتوره تقولي سكتي

اخر شي شفطوه

 

[همي الآخره]

أنا بعطيكم تجربتي
نصيييييحه جربوها وراح تدعولي
تعلمتها من النت ولادتين ماشاءالله نفعت معاي بس يبيلج ماتكونين مخدره يعني بوعيج وماتكونين غازه ابرة ظهر علشان تحسين بالطلقه لما تيي
شوفو من تقول الدكتورة ياالله بوش مسكي فخوذج من صوب الركبه وقومي يعني رفعي ظهرج احيانا تحتاجين احد يساعدج يقومج وضغطييي اقوى ماعندج بعدين ردي اخذي نفس ارتاحي وكل ماقالت بوش سوي نفس الحركه طبعا اثناء ماتسوينها عصري من جدام مومن ورا نفس مايقصون علينا موووزين تسوي مشاكل بعد الولاده
والله حبيت افيدكم لان الدكاتره وااايد يستانسون من هالطريقه وبسرعه تولدين وبكل سهاله بإذن الله
نصيحه تدربو عليها من التاسع بس تدرين موصج وتولدون بالبيت ههههه
الله يسهل علينا وعليكم يارب:eh_s(17):

 

[نجمه السيد]

والله اني ولدت عمليه خخخ ما جربت ألبوشات بس أمي كانت تقول الله يكرم السامع زي الا عندش إمساك تماماًتماماً

 

[CuTe KuwaiTia]

خرعتوني بنات الله يسهل يارب ��