شلون تسلون عيالكم و تونسونهم

[Chic & Unique]

السلام عليكم و رحمة الله وبركاته


بنات بليز انا ام يديده و بنتي اسم الله عليها عمرها 11 شهر و حركيه و كله تبجي مادري شسويلها او شلون اسليها مابقى لعبه ماشريت كله تحذفهم

خيمه فيها كور و العاب -------------------> تخاف تدش فيها دخلت انا معاها مره و ابوها مره ماكو فايده توقف يمها وبس

حباسه -------------< ماتحبها

درايه ---------------> ماتحبها و تصرخ لا حطيتها فيها و حاولت اعطيها اشياء تسلينا ماكو فايده


تعبت الحين و انا اكتب الموضوع قاعده تحن :cxxxp::cxxxp::cxxxp:​

قولولي شنو الشي اللي المفروض اعطيها ياه عشان تتسلى ؟ لعبه اي شي اي شي المهمم ماتحن الله يجزاكم خير

 

[كـ غلا ــلي]

والله عيال هالايام عيايره لو تصيرين لهم اراجوز و تلعبين معاهم ومهما تحطين لهم

العاب يعطونج وي شوي وتالي يملون أنا هذا حالي مع ولدي الله يحفظه ملول

لأبعد الحدود وكل لعبه يقعد فيها شوي وتلاقينه يبجي يمل منها.

 

[Chic & Unique]

اي و الله ياختي على قولتج صرت لها عرجوز و ماكو فايده ببجي منها

 

[84 Miss Chocolate]

ياحلوها والله يمكن تبين يهال جربي طلعيها او قعديها مع يهال صغار

 

[جذابه بنت ذيابه]

رد : شلون تسلون عيالكم و تونسونهم

انا ولدي عمره سنتين ونص

ولا تشوفي العابه ترست غرفته ترررس

ولا في فايده اسمله عليييهم

 

[حرم راشد الماجد]

شوفي انا بنتي عمرها 9 شهور وبأوقات الفراغ نقعد انا وياها ونحط قصه كبيره انا شاريتها من المعرض نايلون وفيها عيون واذون بارزين حق كل الحيوان ونقعد انا وياها انا اقول لها اسمهم وهي تطالع وتتبوسم


مسرح العرايس انا شاريه من ايكيا شخصيه والبسها واقعد احركه واكلمها هم تحبه تستانس عليلها وعلمتها عن طريقه ماما وبابا ويديده ودادا وعطيني وهاج وجاري التعليم


او اعطيها جدر وقفشه نايلون كبيره وتقعد تطبل عليها وتسمع الصوت وتضحك تتكركر

وهم شاريتلها العاب قطوه وخروف وحشاج جلب وفيهم صوت تسمع الصوت وانا اقول لها اسمهم بالعربي والانجليزي

او امشيها شوي لانها ما تمشي

البابل فقاعات اللي علبه فيها صابون تنفخينها وهي تروح وراهم تبططهم وهكذا

 

[om MaRyooM]

رد : شلون تسلون عيالكم و تونسونهم

نفس معاناتي


كل جم يوم اييبلها لعبة . . تتسلى فيها بنفس اليوم وتقطها وترد تحن لوول


فشنو قمت اسوي ؟ اذا لي خلق اوديها الالعاب الخشبية .. اللي يكونون برة مكدونلز ولا بيتزا هت او برجر .. واخليها تلعب
لأن تشوف يهال وتتمقل فيهم وتلعب وتتعشى ويظيع الوقت ونرد البيت الا اهي خدرانة وتعبانة تبي تنام


الياهل جذي ملوول ولازم تستغلين طاقته

 

[Chic & Unique]

رد: رد : شلون تسلون عيالكم و تونسونهم

ياحلوها والله يمكن تبين يهال جربي طلعيها او قعديها مع يهال صغار

اي تصدقين لما اوديها بيت اختي ولاااا حس تلعب و تضحك صج ان تناجر اليهال بس على الاقل ماتحن شسويلها ااجر لها انا موناويه على الحمال حاليا كلش و اهيه تبي اكبر منها مو صغار يننتني صج :krkrkr:

انا ولدي عمره سنتين ونص

ولا تشوفي العابه ترست غرفته ترررس

ولا في فايده اسمله عليييهم

اي و الله صاجه مشكله :0bee2e8d89:

نفس معاناتي


كل جم يوم اييبلها لعبة . . تتسلى فيها بنفس اليوم وتقطها وترد تحن لوول


فشنو قمت اسوي ؟ اذا لي خلق اوديها الالعاب الخشبية .. اللي يكونون برة مكدونلز ولا بيتزا هت او برجر .. واخليها تلعب
لأن تشوف يهال وتتمقل فيهم وتلعب وتتعشى ويظيع الوقت ونرد البيت الا اهي خدرانة وتعبانة تبي تنام بس تصدقين ب

الياهل جذي ملوول ولازم تستغلين طاقته

ممممممممممممم اهيه فكره بس شدعوه ريلي بيرضى بيقولي ياهل شفهمها هالسوالف حاول فيه اقنعه شوي يمكن الله يهديه و يهديها