شلون ترتبين أغراضج إذا بتـنـقـلين بيت ثاني,, تعالوا نتشارك

[sara3]

الاجهزه اذا عندك الكرتون ماله رجعيها فيه

 

[sara3]

الكمبيوت والتلفزيون غلفيهم بالبلاستيك الخاص مثل الصوره

واذا ما عندك حطى كوشية جهه الشاشه وثانيه من الخلف وربطى بشريطه

واذاعندك بطانيه تفى بالغرض اهم شى شى يمنع الصدمات والخدوش

 

[sara3]

اللوحات والمرايا لفيهم بهذى الطريقه

 

[78MariMar78]

البنات ما قصروا

مبروك عليج البيت الجديد

 

[ملح بدويه]

مشكوريين عالاستفاده

 

[MisS Z]

خووش موضوع الصراحة .. يعطيكم العافية ما قصرتوا ..

.. ^^

 

[ReRez]

شكرا على هالموضوع الحلو و تتهنين بالبيت اليديد يارب .. والشكر للأخت ساره على الصور والشكر لكم بنات عالطرق الحلوه
صراحه استفدنا منكم

 

[سهام الليل]

السلام عليكم ورحمة الله وبركاته

يعطيج العافية إختي على الموضوع وإن شاء الله الكل يستفيد من الخبرات اللي فيه

أنا أقولج عن تجربة شخصية

طبعا أتييبين لج كراتين لكن ما تكون كبيرة ،، صحيح إن الكراتين الكبيرة تشيل أكبر كمية من الأغراض لكن لاننسى إن اشلون بنشيل هالكرتون

ولا بنحركه من مكانه

حجم الكراتين يكون معقول وحتى بالشيل تقدرين اتشيلنه وتحطين أغراضج فيه ومن أول فرزي الأغراض عشان تعرفين شنو اللي تبينه وشنو اللي تبين تقطينه وما ينفعج أو تخلينه للجنة يعني اتبرعين فيه وتكتبين على كل كرتون شنو داخله مثلا إذا كان كتب تكتبين كتب

وإذا كان غراش البهارات تكتبين بهارات أو أي إسم يدل عليه ولما تنقلينهم حطيهم بمكان واحد يعني بغرفة وحدة وعلى الراحة وإنتي اللي ترتبين

يعني لايصير شغلج كله بنفس الوقت والله بتحتاسين وما تعرفين من وين تبدين الترتيب

وبالنسبة للملابس طبعا تنحط بالجناط ولما تودينهم للبيت اليديد على طول ترتبينهم بالكبتات يعني ما يحتاجون أي تأجيل عشان إذا كان في دفعة ثانية من الملابس تاخذيهم عندي الجناط تحافظ على الملابس

امممممم شنو بعد ؟؟

اللي بقوله بالأخير إن الكراتين كلها تنحط بغرفة وحدة عشان تعرفين ترتبينهم عدل وما تحتاسين

وإن شاء الله أكون أفدتج وباجي الخوات إن شاء الله بينفعون بخبراتهم

تقبلي مروري =)

 

[Oba3deen]

ما شاء الله البنات ما قصروا

و الله يهنيج ببيتج ليديد

 

[dndn22]

الله يعطيكم العافيه على هالمشاركات وايد تفيدنا وقت النقل والعفسه

مشكورين

 

[أســيــل]

مشكورين بنووتاااااااااااااات ونااا بعد بنقل ومحتاااااجه افكااركم ومنكم نستفيد
يااااااااااااااااحبووبااااااااااااات

 

[روحها لكويت]

عن نفسي توني منتقله لشقه جديده شسويت يبت كراتين بطاط نايس ويمعت كل شيء فيهم خاص لغرفة النوم

والكتب كراتين كبيره ومره وحده والمواعين يبت جيس الديباج وخليتهم فيهم عشان يبينون بلا جرايد وبطيخ والله لا تكسرو ولا شيء

ورتبت الباقي بكراتين وكتبت عليهم ويبت النقل وشالوه مره وحده وملابسي فرزتها وخليت اللي أبيه والحمد لله انتقلت لشقتي مرتاحه

 

[*أم*خالد*]

يزاكم الله خير

انا ماعندي شي بس داشه اتطمش ووايد استفدت من الموضوع عسى الله يحرم اياديكم على النار

 

[ألماسه]

جزاكم الله خير

 

[السمرة~القمرة]

كراتين من الجمعية تلقينهم مكودين
اذ الاحجام الراهية
وتشترين تيب (لزاق ) عريض من المكتبة وتلصقين الكرتون من تحت عدل مدل عشان مايفتج مع الشيل
وبكل كرتون تحطين شي معين أو اغراض معينة وتكتبين عليه
مثلا ً
كرتون فيه اغراض الكوميدينا الولي
كرتو في اغراض الكومدينا الثانية
كرتون في المكياج والعطور
كرتون في المنظفات
كرتون في الاكل والمعليات
كراااااتين حق المواعين
أما الملابس والجواتي عزج الله انا استخدمت الاكياس الكبيرة ملوت الصدقات اللي يقطونهم بالبيوت كبيرة وقوية وتتحمل

 

[قهوة عربية]

خوووش موضوع

طبعا البنات ماقصروا

وأزيد وأقول ...لكل كرتون رقم والاسم الدال عليه

يعني مثلا المطبخ كرتون رقم 1 ويكتب عليه بخط عريض مطبخ رقم 1 ومحتوياته ( قدور وأدوات قلي ... )
مطبخ كرتون رقم 2 ( أجهزة كهربائية ...غلاية ...شواية ...توستر ...)
مطبخ كرتون رقم 3 ( مواعين قابلة للكسر ...قلاصات ...بوادي ....)
مطبخ كرتون رقم 4 ( ملاعق وسكاكين وشوك ( صغيرة وكبيرة ...)
مطبخ كرتون رقم 5 ( مواد تنظيف وتعقيم ...اسفنج ...سيم ...)
وهكذا ....حتى تنتهي من المطبخ
طبعا كله مغلف بورق جرايد

ثم تبدأي بكراتين مرقمة من آخر رقم وصلتي له ....لاتضعي رقم مكرر حتى لو كان لمكان آخر

يعني انتهيت من المطبخ ب10 كراتين تبدأين برقم 11 بغرفة جديدة ومحتوياتها حتى تنتهي من كراتينها
حتى لو وصل 20 كرتون ....

وعند النقل ...توضع جميع كراتين المطبخ في المطبخ
وكراتين غرفة نومج في غرفة النوم
وكراتين غرفة الطعام باللوحات وماشابه بغرفة الطعام
وكل كرتون يذهب للغرفة المخصصة له

ونصيحة مهمة وحلوة ....كتبي كل محتوى كرتون ورقمه في دفتر خاص للنقل
يعني مثلا كرتون رقم (1 ) ماذا فيه بالضبط ....كل شي ...صغير وكبير لاتغفلين عنه .....كل شي يدون بالدفتر

فإذا كان كرتون رقم (1) مخصص لغرفة الاستقبال ...كتبي شنو فيه بالضبط حتى التلفون والمبخر والبخور والولاعة والأباجورة ..... (بالدفتر )

وكل الكراتين نفس الشي


هذا يسهل عليج عند النقل تعرفين محتويات كل كرتون بالدفتر المرفق والمخصص للنقل
فتقدرين تحددين أي الكراتين تذهب مع سيارة نقل العفش وأي الكراتين تظل معاج انتي تنقلينها وتخافين عليها بسيارتج


كذلك يساعدج هالدفتر يحدد لج الأولويات بالترتيب ....يعني تعرفين شنو الأهم اللي تبدأين في ترتيبه وبعدين المهم ....
وتعرفين كذلك شنو اللي تبين تتخلصين منه واللي تبين تتبرعين فيه ...فما تتعبين تفتحين كل كرتون عشان تعرفين شنو فيه

صحيح كاتبه عليه غرفة استقبال مثلا ...لكن ماتعرفين شنو داخله بالضبط

يعني ممكن تكون لوحات ماتحتاجين تحطينها ألحين إلا إذا دقيتي المسامير الخاصة بها ...فتقدرين تأجلينها لبعدين ...

الدفتر يرتب أفكارج وأولوياتج ...كل كرتون برقمه واسمه ومحتوياته بالدفتر


أما الملابس فأحسن طريقة هي الشنط الكبيرة

تقدرين تطبعين كروت تكتبين عليها اسم كل شخص ثم تخرمين الكروت وتربطين الكروت بشرايط ملونة ثم تربطين كل كرت بالشنط الخاصة لكل شخص

جذي يسهل عليج كل شنطة تروح لغرفة صاحبها بالاسم المكتوب عليه الكرت ....ثم ببساطة توضع في الدولاب ...

وخلي ثلاجة وحدة تحفظين فيها الأكل المجمد من لحوم ودجاج وأسماك ....حتى آخر يوم يعني تروح كل الثلاجات والفريزرات ......إلا ثلاجة وحدة فقط .....وحاولوا بالأسبوع الأخير لاتكثرون من شراء كمية الطعام حتى لايصعب نقله .....ولاتشترون أكل يتلف بسرعة

وإذا كان عندج ألعاب للأطفال خاصة بالحديقة أو الحوش ....حاولي تنقلينها أول شي ...عشان يلهي فيها الأطفال إذا بتشتغلين داخل البيت
ورتبي غرف ألعابهم وغرف نومهم أول شي ....وغرفة التلفزيون .....حتى تقدرين تشتغلين براحة

وخلي آخر شي تنقلينه أقفاص الطيور ....الزرع الداخلي ....وطبعا هذا بسيارتج أو سيارة زوجج

موفقة إن شاء الله

 

[أغلى حبيبه]

رد : شلون ترتبين أغراضج إذا بتـنـقـلين بيت ثاني,, تعالوا نتشارك

ماشاءالله البنات ماقصروو

ومنزل مبارك ان شاءالله

 

[هيبة ملك]

أنا نقلت من شهرين

كنت أنقل شوي شوي أول شئ بديت بالصالة
شلت التلفزيون والطاولات والأكسسوارات ووديتهم على طرف


بعدين :بغرفتي :

نقلت ملابسي أول بجناط وخليتهم على طرف

وشلت كل أغراضي بكراتين ولفيتهم بجرايد:


ثم رحت للمطبخ لميت كل المواعين بكراتين

وشلت الماجلة كلها بعد بكراتين

وهم خليتهم على طرف فالبيت الجديد

بعدين مرة وحدة جاب زوجي سيارة كبيرة وشالوا الأثاث وركبوه وفرشوا البيت

عاد بديت أبغرفتي أول
ورتبت الأشياء الخفيفة

وبعدين رتبت الصالة عشان زوجي يرتاح فيها


بعدين المطبخ يومين وأنا أرتبه

والحمام مكرمين رتبته بعد مع المطبخ


بعدين على شوي شوي أسوي شئ بداري


صج تعبت بس الحمدلله عرفت كل شئ وين مكانه

هااااااااه ولحالي والله رتبت لأن ماعندي خدامه وأمي وقتها مسافرة


بس الحمدلله أرتحت ألحين

 

[هيبة ملك]

أي صج

ههههههههه

المرايا واللوحات لفيتهم بشراشف وشلتهم بسيارتي

 

[dnyay_mll]

رد : شلون ترتبين أغراضج إذا بتـنـقـلين بيت ثاني,, تعالوا نتشارك

واااي والله قاعده احاتي

لاني باذن الله بنقل بعد رمضان اذا الله كتب

بس الحمدلله الموضوع ساعدني

ويارب تكون النقله سهله