شلون ترتبين أغراضج إذا بتـنـقـلين بيت ثاني,, تعالوا نتشارك

[دلع×دلع]

السلام عليييييييييييييييييكم


شلونكم ياكويتيااااااااااااااااااااااات ,, ويا أخوات الكويتيااااااااااااااااات


يعطيكم العافيه جميعا


شرايك نتبادل الخبرات والتجارب في طريقة ترتيب الأغراض في حالة تبين تطلعين من بيت لبيت عشان مايصعب عليج بعدين ترتيبهم وتوزيعهم

عطووونا أفكاركم خل نستفيد جميـــــــــــــعا


والحلوة ترفع الموضوع بدعوة حلوه


وثانكيوووووووووووووووووووو :aha:

 

[دلع×دلع]

ممممممممممممممممم معقوله ولا وحده نقلت من بيت لبيت؟؟

 

[dmdm]

دلع×دلع


مرحبا حبوبة مشكورة على هالموضوع اللي راح يفيد الكل


انا بالنسبة لي قريب انقل ومتوهقة

بنات الدوام قالولي من الحين حاولي تعزلين اللي تبين تاخذينه معاج

بس والله لوية المدارس والالتزامات مومخليتنا

يالله بنات تفاعلكم مع هالموضوع الحلو

up up up

 

[شيــوخه]

هلا والله

صراحه انا لا بقيت انقل اول ماايب لي كاراتين واجمع جرايد حق المطبخ حق الطوس والقلاصات وكل شي ينكسررر ينحط بلكرتون
ومعاهم الجرايد علشان لا يتكسرون وبعدين الشي الي ابيه اخذه والشي الي مابيه يا اقطه يا ابيعه مع الاغراض الي مابيهاااا
وان شاء الله البنات يفيدونج

 

[سلسبيل]

رفع

 

[ام العبايه]

حبيبتى عن تجربه لنقل مريح ما يدوخ اول شي كميه كراتين تفكيكنهم وتخلينهم على جنب يعدين كل روحه للبيت الجديد تاخذين كرتون كرتونين ثلاث الى سارتج تكفيها وتكتبين على الكرتون شفره مثل ..غرفتى مطبخ ..صحون ..مواد تنظيف .. اكسسوارات اى شي داخل الكرتون عرفيه علشان سهوله الترتيب والسرعه مو شرط بيوم تنخبصين وبالاخير من غير ترتيب كلما تروحون تاخذون كميه وتعدلونها هذا شي خلال يومين ثلاث كونون منظفين البيت الجديد وشارين الاثاث وكل شي مرتب بمكانه طبعا الاثاث القديم مثل الطباخ والغسالات والسراير وكل شي ثقيل هذا لعمال النقل يشيلونه بيوم لما يخلصون تكون فى غرف فيها كراتين ما انفتحت تفتحينهم على الراحه والمهم بتعرفيه من الشفره على الكرتون

نصيحه لا تنقلين الاثاث والاغراض بيوم بتنعفسون خلى فترة النقل اسبوع قبل السكن احلى شي يوم السكن يكون ما فيه لويه ولا دوخه وكلما تروحين اخذى خدامه تمسح وتعدل شغلها بهدوء ..........ز ومبروك عليكم البيت الجديد

 

[جوري الكويت]

نقل الملابس

من ايكيا اخذي الكياس الكبار اللي تصير مثل القش بس شفافه في نوع وسط ب 850 و نوع كبييير ب 950

و اذا خلصتي من نقل بيتج تقدرين تستعملينهم حق تخزين الملابس الشتويه لأنهم ما ياخذون مكان

او تخشينهم حق استخدام ثاني بالمستقبل

حق الأغراض والصحون

تحصلين عند مصنع الكرتون ب صبحان (( يصير مقابل بنك الخليج ) كراتين احجام مختلفه

تكون زايده من طلبيات و يبيعونها بسعر رمزي

و اخذي جرايد لفي فيها كل الصحون و حطيهم بالكراتين

و كل ما تحطين اي شي داخل الكرتون كتبي عليه

و حطي كل الأغراض ب وحده من الغرف

و بعد ما تظفين كل الغرف و تركبون الأثاث

راح يكون التوزيع عليج اسهل

 

[bnt_kwt]

انا ايمع كراتين كبار
واحط كل شي يعني مثلا اغراض المطبخ القلاصات والصحون عشان لا يتكسرون الفهم بجرايد
واحطهم بالكراتين وبعدين احط تيب عريض اسكر فيه الكرتون عدل واكتب على الكرون من بره
اغراض مطبخ ( صحون )
اغراض مطبخ ( جدور )
وكل جزء اخلص منه اسكر الكرتون عدل واكتب عليه
يعني افرزهم عشان لما ابي ارتبهم مره ثانيه ما يصعب علي شي كل اغراضي جاهزين ما علي الا اصففهم باماكنهم

 

[Anestazya]

اممممممممممممممممممم ومنكم نستفيد انا بنقل بعد جم يوم وبجيب كراتين وبس

الله يعين

 

[ros]

و أنا بعد وياكم




http://www.q8yat.net/images/smilies/1/dfgl.gif

 

[دلع×دلع]

ثانكيوووو لبى قلبكم

واااااااااااو حلوة فكرة اني اسمي الكراتين عشان بعدين اعرفهم

بس السؤال هني ,, الاغراض الشخصية انا اشيلهم ولا اخلي الهنود يشيلونهم بالشاحنة مع باجي الاغراااااااااااااض


يلى بنااااااااااااااااااااات

 

[ريم الخبر]

مبارك المنزل الجديد
,,,
المطبخ فيه شركات متخصصه تحط لك المواعيين بكراتين وترتبهم بعد
في البيت الجديد ..
,,,
الملابس شيليهم بمعاليقهم ولفيهم بشرشف وسدحيهم على كرسي السياره
عشان يسهل عليك تعليقهم في البيت الجديد ...

 

[sara3]

امم امم امم امم

الاشياء اللى تنقلينهم بروحك

الكمبيوتر

اوراقك الرسميه

المجوهرات

البومات الصور

الاشياء اللى ما تستغنين عنها يوميا

 

[sara3]

الكتب ما تحطينها بكراتين كبيرة لانها ثقيلة حطيها بكراتين صغيره

اذا ما قدرتى وما توفر عندك الا الحجم الكبيرحطى كم كتاب ومعاهم كوشية مخدات شراشف شى جذى علشان لايثقل الكرتون لازم اتراعين بعد العامل وقدرته على الشيل انتى ما تبين احد يدعى عليك كاسره ظهرة

 

[sara3]

الكراتين تكتبين عليهم ارقام بخط كبير حق العامل يشوفه

وتكتبين عليهم وين يبيروحون هذا لك وتكتبين شنو فيهم على الاقل 3 اشياء لا جابلتى الكرتون تذكرين

الشقه الجديدة تحطين ارقام على البيبان نفس الارقام اللى على الكراتين

 

[sara3]

سوى جنطة مثل جنطه السفر فيها كل شى لافراد العايلة لمدة اسبوع

اول ما تستقرين وتقعدين بالشقة افتحيها ورتبيها فى اما كنها جذى محد بيسالك وين اغراضى

خاصة ريلك دشاديشه واقترة حق اسبوع ويا ريت يكونون فى المصبغه اييبهم على التعليق على

طول


ولا تنسين نفسك احنا الحريم كل مخلين روحنا لى اخر شى عبيك شيلاتك كلللللللللله لمده اسبوع

 

[sara3]

تاكدى ان اول شى يركب فى البيت

الغلايه

الميكروويف

الثلاجه

الغساله

 

[sara3]

الكرتون لمن اتسكرينه حطى عليه سهم بالماركر ان هنى جهه فتح العلبه لا تغلطين وتفتحينها من تحت


:016::016::016: لا تذكرت برد لكم

 

[sara3]

هذى الكلمه ضرورى تكتبينها على الكراتين اللى فيها اشياء قابله للكسر

وفى عند بو 100 فلس والمكتبات ستكر ممكن تلزقينه

 

[sara3]

لف المواعين