شلون تحكمون على البنت اذا كشيخه؟؟؟؟

[white**angel]

البنات قالوا الي بغيت اقولااا

 

[MisS^MesSY]

من لبسها و ستايلها

 

[bal8es]

اكيد اللبس من اول شي مثلج الملفع وبعدها اللبس وطبعا تناسق الألوان وان ماتكون ألوان فسفور احس قمة الهلاقه :/
وطبعا الاسلوب وطريقة الكلام

 

[الصعيريه]

رد : شلون تحكمون على البنت اذا كشيخه؟؟؟؟

من جنطتهاا / عبايتهاا / بدلتهاا / كعبها / مكياجها

 

[فرحه عمر]

اهم شي اهم شي بالنسبه لي مشيتها مشيت بنت نااعمه يعني مو مشيه رقاصه وسوري على التعبير ولا مشيه وحده تكش غنم
ثاني شي صوتها اذا ناعم طبيعي مو ملاقه حليمه ولا عالي مثل فيفي ههههههههه
ثالث شي اسلوب كلامها اذا تهايط بالماركات وانا حلو الكل يغارون من كشختي ويسئلوني عنها يعني هذي الصراحه ماعندها سالفه والكشيخه دايمن تلاقين كلامها رزين ومنطقي لان فعلا فعلا فعلا البنت الكشخه واللي تعرف حق روحها اخر شي تتكلم عنه كشختها وماتسئل شنو اخر هبه هاليومين لانها واثقه من روحها واهم شي الثقه اهي اللي تميز الكشيخه لانها تعرف شنو يناسبها وماتخلقن بروحها مع الخيل ياشقرا ودايمن تلاقونهم لهم ستايل مميز وجذاب بغض النظر عن ماركه الملفع والعبايه والساعه والجنطه وغيره

وطبعا شي طبيعي اللي عندها كل هالشغلات بتلاقينها ريحتها نظيفه بعطر ولا من غيره ومرتبه حتى بلبس البيت وايدينها ناعمه لانها فاهمه الذرابه صح

 

[hayaq8]

الكشخه شي نسبي .. يعني مافي ميزان موحد للكشخه

يعني في شخص يشوف إلي تسوينه كشخه و في شخص لا

انا بالنسبه لي اخذت العدوى من امي الله يخليها

يعني ألبس و أهتم بنفسي بالطريقه إلي تناسبني و مو شرط أسوي شي دارج او موضه و اهو ما يناسبني

 

[@فطفوووطه@]

رد : شلون تحكمون على البنت اذا كشيخه؟؟؟؟

اناقتها مو شرط ماركه والا مو ماركه ذرابتها لو بشي بسيط