شلون تتعاملين مع هالناااااس @@@@@@@

[شادن33]

السلام عليكم
في نوعيه من الناس وايد اتخاف من العين والحسد
ومرات اتكونين مضطره انج تتعايشين معاهم
يعني اشلون تتصرفين
انا كله اكون على عفويتي اسووولف عااادي ةاضحك واسالهم عن احوالهم بس يردون كانهم خايفين من العين
مع اني اليفه وعيني بارده لووول
بس تلاقينهم يردون بكلمه ورد غطاها
ومااكون مرتاحه معاهم
اشلون انتو تتعاملون مع هالنوعيه خصوصا اذا كانو اقراااب منكم

 

[روحين في رـوح]

ههههههههــع بخليهم يخافؤؤ اكتر واكتر
ازا هممن عندهم هيك عقليه خايفين انهم ينحسدؤؤ على شنوو يعني
بحسهم ماخدين بنفسهم مقلب ف مابهتم عادي بكؤؤن على طبيعتي وماخده راحتي ازا عقلهم موسوس انا شودخلني لحتى وسوس حالي كماآن مر علي هيك اشخـاآص هههههههههـع تؤؤحفهـ بكؤنؤؤ


هادا الي عندي
ويسمنؤؤؤؤؤؤؤؤؤؤؤؤؤؤؤؤؤ

 

[Huda alotaibi]

keep calm & be smile

حـآآرقه دمهم حـتـى من أنفـآآسي يـغــآآرۆن

 

[photoshopia]

ششي
طبيعي حيل ..!
مراح تقدرين تحلينه
العين حق ويخافون منها
ممكن بدوؤن قصد تعطيهم عين
وانتي ماسويتي شي
يسلموؤ

 

[قنــــــــــوت]

هذي النوعية من البشر متعبه نفسيا ...

وخصوصا اذا كنتي مضطره تتواصلين معاهم ... وتقعدين معاهم ...


اي كلمه تقولينها على النيه ... يعتبرونها حسد ..

ويخشون اخبارهم .... وكل سوالفهم كلمه ورد غطاها على قولتج ...


والادهى والأمر .... انهم يسألونج عن كل شي ويحققون معاج وين رحتي وين جيتي شنو شريتي .. شنو صار .. شنو ماصار ...

وانتي تسولفين عالنيه ....

..

شخصيا كنت اتعب كثير من التعامل مع هالنوعيه من البشر ...

بس لأني مضطره اتعامل معاهم واتواصل معاهم .... تأقلمت تدريجيا .... وصرت اطنش ..وابتسم ..
ومستحيل اسأل عن شي يخصهم ...ولا اسولف عن شي يخصني

 

[أبلة فاتن]

انا اخاف من العين والحسد وايد لاني انحسد بالهمس قبل ما كنت اهتم بس مع الوقت عرفت الحساد خاصه اللي يشتغلون بالصالونات عيونهم طالتني شكثر ذاك اليوم جت لي وحده تقولي قبل جسمج حلووووووووو ليش متنتي وحده ما اعرفها
وشكثر يشهقون بويهي قبل الشهقه عرفتيها النفس اعوذ بالله منهم هالفلبينيات وحتى الكويتيات قبل معاي جذي
لين طحت مرييييييييييييضه وتخصبقت وعرفت بعدين من عيونهم شكلي الحين تغير وايد بس الحمدالله

الزم ما علي صحتي ،، واستغرب من اللي ما يقول مشاءالله تبارك الرحمن يعني منتو خسران شيء

حتى مرات اكون قاعده اكل ولا شيء فجأه الاكل يطيح مني هههه التفت والقى يا يطالعون يا خز كاااك

بسرعه تصيبني العين موشرط الحسد يكون على جمالج ولا شيء ممكن فيهم شيء عاجبج

والعيون الحاره والنفس القوية ما تعرف حلو مو حلو على اي شيء عينها مبققه مثل السهام ههههه
​

 

[شادن33]

قنوت اي واناي صاجه مرات اتقولين كلمه على النيه والله
بس بعدين تخافين يفسرونها بشكل ثاني
يعني لازم اتكونين حذره في الكلااام وايد


ابله فاتن ترى اللي تحوشه العين بسرعه مايكون محصن نفسه عدل بالاذكااار انتبهي

 

[((غلاي))]

شتسوين مضطره تجاملينهم
بس ما ابين لهم اني اجامل
وطنشي
حاولي ماتحتكين وايد فيهم

 

[شادن33]

اي غلاي صرت اشوي ابعد
بس عشان اقراب مني لازم اوصلهم

 

[بحرانيـه]

يكفي نقرا سورة الفلق والله حامينا بلا عيون بلا خرابيط لوووووووووووووول

 

[تذكر خافقي رمحك]

نفس تعاملهم معاي

 

[الزورق222]

اذا قريتى الاذكار ماراح يصير لج شى وعن قلة الادب اللى مالها داعى على شنو تنحسدون ليش اهلنا واجدادنا ماكانوا يخافون قلوبهم نظيفة وعلى نيتهم اما انتوا نيتكم سدوا وتحسبون اى احد يمدح يحسد الحمدلله والشكر الكل خايف صراحة شى يفشل والله هذا يدل على مستوى التفكير عندكم يامعشر نون النسوة ..
الحمدلله انا مااخاف كل شى اقوله ومااهتم فيه ناس تخاف تتكلم عن اى شى بسيط تافه مساكين والله ..

 

[شادن33]

الزورق انتي كله معصبه لووول
اتصدقين على كثر ماني معايشه هالناااس مااثروا فيني
لاني اتوكل على الله
الله يعين

 

[manoooram]

الله يشفيهم صراحه هالفئة متعبين وصعبين
عندهم لبس وفاهمين غلط أمور الدنيا
العين حق وما ننكر هالشي لكن ما يتم ربط اي حدث او اي سؤال موجه لنا ان عين وحسد
الله يهديهم بس وبالنسبة للتعامل انا عادي اخذ واعطي معاهم بس اذا حسيت ان الشي زاد عن حده لا والله اشيل نفسي عنهم بهدوء
ولا اعور راسي واتعب نفسي وياهم لأن هالنوعية يصدرون طاقة سلبيه تأثرنا علينا يومنا وحياتنا

 

[نجداويه نجد]

~


حبيبتي خليك ع عفويتك وطبيعتك واللي فيهم نفسيه من العين والحسد خليها تغلي في مكانها ..!!

بكذا انتي مريحه بالك ..!!

 

[* ليــــدي *]

إبعدي عنهم ..
لان لو اي شي يكون معاهم بيقولون من عينهآ ..

 

[Patcholli]

انطم وماتكلم وانا الي ارد على قد الكلمه عشان لا تطلع مني كلمه ويقولون من عينها اتحاشى احط روحي بحلجهم

 

[شادن33]

باتشولي من صجهم البنات والله اتييلج طاقه سلبيه منهم الله يعين
شاكره للكل

 

[اهاااات السنين]

اذ ماقعدتي معاهم بتموووتي
خلك على طبيعتك في كل الحلات مايهمك احد
مو مجبوره تجلسي مع هنوعيه

افرضي شخصيتك مايهمك احد
وبس ياقلبي

 

[فطوم 84]

يووووه. وايد. يمر. علي. من هالنوعيه

اي شي. عن عيالهم. مايذكرونه

واذا شاريه شي غالي. ماتقول سعره

واذا وحده ولدها معاشه قوي ماتقول جم اخاف يحسدونه

واي سوال يكون ردها
والله شدراني ماادري عقول تضحك!!!!


حصني نفسج باذكار الصباح والمسا واقري القران سورة البقره يوميا واتحدا اي واحد يصيبج. بعين

بس عيشوا حياتكم. علي طبيعتها لاتصيرون توسوسون


الحافظ الله ماله داعي هالخوف