شلون تتعاملون مع الروائح ؟

[Qـويتية]

السلام عليكم ورحمة الله وبركاته، شلونكم حبايبي كويتيات وشخباركم ؟؟ انشالله كلكم بخير ؟؟ :eh_s(7): وشلون حيواناتكم من قطاوة وجلاب وطيور وقوراض :ggdw: حبيباتي بغيت أسأل شلون تتعاملون مع الروائح مع حيواناتكم ؟ يعني أكيد كل وحدة مخصصة مكان معين في غرفتها أو الصالة أو أي مكان خاص لحيواناتها فحبيت أسأل أكيد المكان بيطلع روائح مع الوقت، بغيت أسأل شلون تتعاملون معاها علشان تختفي :eh_s(10): ؟؟؟؟ أنا كنت أستعمل ديتول العادي رش لإن حيوانات شوي بس الحين زادت الحيوانات فشلوووون ؟؟؟ فشنو تستعملون علشان تروح الريحة وتكون ريحة المكان حلوة وجميلة ومنعشة :rerrerek: ؟؟؟ وشكراااااااااااااااااااا حياتي
​

 

[شربـــات لـــوز]

انا عن نفسي تكييف مركزي و يشفط الروائح بس هم اللتر بوكس انظفه و احطله ديتول بخاخ عشان الجراثيم
و شاريه اير كويك و كل شوي ابخ
واذا مالج خلق اشتري اير كويك الي يشتغل بروحه
و بطلي الدرايش عشان تتهوى الغرفه اذا مو تكييف مركزي بس طبعااا تكونين بالغرفه لمااا تسكرين الدرايش ههههههههههههههههههههههههه

 

[بحيرةالبجع]

صج الروايح مشكله انا ماشاء الله وايد قطاوه عندى وتعبت كل شى سويت وماخفت الريحه

لان شتاء والمكان حار ومغموت فا الريحه ما تروح عكس الصيف مع التكيف وايد تقل

الريحه وبتلاحظين الفرق والتنظيف لللتربوكس المستمر يقلل الريحه لاتخلين فيه الوصخ يطول

انا لمن صرت اشيله اول باول حسيت بالفرق قلت الريحه وحاطه فواحه على طول شغاله وابخر

بعلج البان واذا حصلت شى يقلل الريحه بقولج واذا انتى حصلتى قوليلنا​

 

[Ańwăr Almlěssờń]

اكو المطهر مال الارضية المعقم الي فيه عطر يوميا تمسح فيه الارضيه اذا كانت الغرفه رخام

اما اللتر بوكس مثل ما قالوا لج تييبين الرمل الخاص الي يمنع الرواح مثل توماس و تييبين بوكس خاص للتر

مع النظافه العامه و لا تستخدمين بخور لان ممكن يضر بالحيوانات استخدمي معقم الجو و معطر

 

[بحيرةالبجع]

المطهرات والمعقمات والديتول ريحتهم قويه وتظر معدة القطاوه

هالكلام مو من عندى الدكتور قالى جذى​

 

[lojeeen]

انا احط الليتر بوكس بالمطبخ ناحية الشباك و اخليه مبطل و كل يوم اشيل الوصخ و كل خمس ايام ابدل التراب و اغسله و ارش بخاخ معطر عل خفيف

 

[miss.rosy]

شوفي حبيبتي انا بتكلم عن القطاوه لان هذا الي ربيت ولمده خمس سنوات

طالما ان القطوه ماعندها اسهال وماتاكل معلبات فـ المفروض ماتطلع ريحه قويه ، واصلا غالبا مراح تطلع

وانا جرررررربت شكثثثثثثثر اشياء عشان الريحه لان واحد من قطاوتي بطنه بين فتره وفتره يلين

احسن شي ،، كل ماتنظفين الليتر لاخلصتي خلطي وياه بودر بريحه قويه

حاليا استخدم بودره بوندس الورديه ،، يعني اي نوعيه عندج بس اهم شي لها ريحه قويه

ومغطيه الليتر بكرتون . فـ مافي ريحه والحمدلله ارتحنا


وطبعا اكيد لازم الرمل يكون طبي ومن النوع الي يمسك الريحه ويكتل زين ، انا استخدم لينغ يان الازرق

عندي جهاز طالبته من برا اسمه كات ماوس ،، يسحب الريحه بشكل مجنووووووون

لدرجه والله والله وقت ما اكون انظف الرمل يجي قطوي قدامي يتبرز تكرمين ، مافي ريحه ابدددددن

بس عيبه بسرعه يخترررب .، تقريبا شهر واخترب ولازم اطلب له القطعه الي اختربت وتكاسلت

بس حاليا مرتاحه حيييييل مع البودر

وكل فتره تقريبا كل شهر لين حسيت ان الرمل خلاص يحتاج تغيير ،، اغيره واعقم الليتر واحط رمل جديد

وطبعا اهم شي وفري دواء قوي للاسهال عشان لو جاهم + دققي بالاكل وشوفي وش الي يلين بطنهم

سوري طولت بس حبيت افيدج لاني اخيرا لقيت الحل بعد تعب البخاخات والفواحات والخلطات و و و و و

 

[سنونو282]

السلام عليكم
انا عندي قط و معروف القطاوة الذكور يرشون البول طلبا للتزاوج وانتوا بكرامة فهالشي كان حييل متعبني حاليا قمت امسح المكان الي يرش فيه بالديتول و احط فلفل اسود او عطر عالمكان عشان مايرجع يبول بنفس المكان لان القطط تكره رائحة الفلفل الاسود او رائحة العطر اما عن الليتر بوكس ف الحمدلله مو مسبب لي مشاكل لاني اغيره كل يومين و معلقة فوقه ايرويك الي يبخ كل ربع ساعة بالاضافة لاستخدامي رشاش الغرف المعطر و شكرا عالموضوع.

 

[dodash1984]

الديتول افضل حل وانا جايبة فى بيتى جهاز اير ويك علشان لو فى اى روايح الى جانب انى بنظف الليتر بوكس باستمرار​