شلون بتقدمون العيدية لليهال

[زوجة-القمر]

صباح الورد يا وردات المنتدى ....​

:eh_s(6):
يالله بنات كل وحده تدخل واتقولنه اشلون بتقدم العيدية انشالله

وكل عام وانتو بخير يارب

 

[زوجة-القمر]

يالله وينكم لا طلون وتنحاشون...؟

 

[للوطن مشتاق]

كالعاده ليش عندك فكرة جديدة

 

[زوجة-القمر]

كالعاده ليش عندك فكرة جديدة

اي والله انا مرت اخوي السنة اللي طافت حطت العيادي بجنط صغنونين اللي يبيعونهم بو مية فلس

 

[*أبلة*]

مع احترامي حق كل اللي ييبي يتفنتق بالعيدية


انا مع الستايل القديم اللي توارثناه


طلعي ربطة الأنواط وسحبي السحبة اللي يحبها قلبج


وبخي عيالج وعيال اخوانج وخواتج واللي يعز عليج



هذي الحركة تونس ننطرها يوم كنا صغار


والحين قمنا نسويها لليهال ​

 

[فلة قطر]

صحيح انا مع الستايل القديم شحلاته وهو الي يحسون اليهال بالعيديه وله طعم خاص

 

[al-zabarjad]

وانا بعد أشجع الستايل القديم

بس في ناس تحب تتفنتق بكل شي

وراح أحط لج صور وأفكار تفيدج دام طلبتي المساعدة منااا


هذي طريقة بسيطة تقدرين تلفين الفلوس بهالشكل وتلزقينها فوق الكاكاوة

 

[al-zabarjad]

وهذي حركة حلوة للبنات

 

[al-zabarjad]

تقدرين توزعين حصالات عليهم عشان ايمعون الفلوس فيهااا
تلقينهم عند بو 100 فلس


أو الشبااب بواكه تونس

والبنات جناط حلوة
وداخلهم العيدية

راح يفرحون فيييها

 

[a7la_frawla]

مع احترامي حق كل اللي ييبي يتفنتق بالعيدية


انا مع الستايل القديم اللي توارثناه


طلعي ربطة الأنواط وسحبي السحبة اللي يحبها قلبج


وبخي عيالج وعيال اخوانج وخواتج واللي يعز عليج



هذي الحركة تونس ننطرها يوم كنا صغار


والحين قمنا نسويها لليهال ​

اي والله صح كلامج يوم كنا يهال ننطر بالدور يطلعوننهم لوووول

في الحين يسوون اشياء يديده مثر كل عايله لها ظرفها وفيهم العبادي اذا لقيت شي يديد بقولج بدورلج

 

[لآلئ الكويت]

في اظرف حلوه بمكتبه العجيري عليهم صوره الفلوووس
يعني ظرف عليه نوط بو عشرين
وظرف بو 5 وبو20
وفي ربع بعد هههههههههههههه

ومكتوب عليه جمله بس نسيت شو اهيه


عجييبين


بس بصرااحه انا احب العيديه بنفس طريقه قبل اللي يسحبوون ويعطووون من الربطه خوووش شي

 

[pama girl]

انا مع البنات الي قالو مع الستايل القديم



اصلا ماراح يمديهم يستانسون عل التغليف وله الجنطه اهم شي عندهم البييييييييييييزات هههه

 

[صدى الزمان]

أبوي الله يخليه يعطينا كلنا مثل بعض الصغير و الكبير و أعيال أختي و بنات و اعيال عمامي ..قولي شسوي ؟؟

الله يسلمج هالحركه بدى يسويها بالسنوات الخمس الأخيره يعطي كل وحده ظرف فيه كل فئه من الفلوس يعني 20 و 10 و 5 و 1 و نص و ربع .. بس أنا ما أرضى جذيه لازم يعطيني أكثر فآخذ ظرفين بس محد يدي إلا أهوه ولا جان الكل قال يبي ..

طبعاً يسوي هالحركه بحكم أنه يشتغل ببنك .. والله كلمن يساتنس عليها ..

 

[*أبلة*]

أبوي الله يخليه يعطينا كلنا مثل بعض الصغير و الكبير و أعيال أختي و بنات و اعيال عمامي ..قولي شسوي ؟؟

الله يسلمج هالحركه بدى يسويها بالسنوات الخمس الأخيره يعطي كل وحده ظرف فيه كل فئه من الفلوس يعني 20 و 10 و 5 و 1 و نص و ربع .. بس أنا ما أرضى جذيه لازم يعطيني أكثر فآخذ ظرفين بس محد يدي إلا أهوه ولا جان الكل قال يبي ..

طبعاً يسوي هالحركه بحكم أنه يشتغل ببنك .. والله كلمن يساتنس عليها ..

عسى ربي يطول بعمره ويخليه فوق روسكم ويكثر خيره قولي آمين​

 

[صدى الزمان]

عسى ربي يطول بعمره ويخليه فوق روسكم ويكثر خيره قولي آمين

آمين .. ما تتخيلين شكثر استانست لما شفت هالدعوه الحلوه ..

الله يوفقج و ويرزقج من حيث لا تحتسبين ..

 

[manarah]

والله شوفي بالنسبه لي اعطي اليهال كل واحد فلوسه بيده يستانسون اكثر بس انا كل سنه ادور فكره حق الخدم احب أونسهم بالعيديه واهم يحبون يحتفظون بالشي يعني مره عطيتهم العيديه في بوك ومره حطيتها لهم في العلبه الصغيرونه مالت الحمره تنباع عند بو اميه جان عرفتيها ومره حطيتها لهم بالمنظره الصغيره وكانت كلها شك من بره هم موجوده بوايد اماكن وهالسنه ليليحن ما دورت .

 

[الهاجريه]

بصراحه انا مع الستايل القديم
ما في احلا منه لما تعطين اليهال بيدج وتشوفين تعابيرهم
ما في احسن من جذيه

 

[نور النهار]

ماشاء الله الافكار حلووه

 

[نوووور الشمس]

انا مع خواتي ما في احلى من تقديم العيدية بالشكل القديم

 

[II'3anomaII]

احنا نعطي العيادي بأظرف احسن علشان كل واحد ياخذ حقه مو واحد ياخذ و الثاني لا