شلون انظف السجادة بمكانها !!

[بعيون مغليك]

السلام عليكم




بنات شلون انظف السجاده بمكانها وبدون برش لاني سمعت البرش يخرب السجاده وشنو احسن المنظفات او الادوات ياليت تفيدونا

 

[ام طلال]

عند رامز صابون اخضر للزل بس والله نسيت اسمه عجيييب للزل

 

[بعيون مغليك]

شنو رامز !! محل وين صاير هذا !!!!!!!

ارجو الرد عفيه

والي عندها تجارب بعد خل تفيدنا

 

[استبرق أم علاوي]

حطي دار مدار الزوليه خيشات << جمع خيشه
عشان الماي والصابون مايروح مني ومني

 

[أم@الحلوين]

انا عندي طريقه دايمن اسويها

وتنظف الزوليه وتخليها تلق

يبي فوطه وسط وحطي يمج طشت صغير وحطي فيه هالخلطه

ماي + ديتول الافندر او الصنوبر + صابون لوكس الاخضر او الاصفر + معطر داوني

وخلطيهم مع بعض ونقعي الفوطه بالخلطه وفركي فيها الزوليه حيل

واخر شي لمن تخلصين يبي فوطه ثانيه حطي فيها ماي خالي وفركيها مره ثانيه وطولي عالسنترال عشان بسرعا ينشفها ترا انا كل اسبوعين اسوي هالطريقه

 

[عبق البنفسج]

أنا أخلي الخدامة تنظف الزولية كل يوم وترك تنظفهم بماي وديتول ..

 

[نيولوفر]

اب اب اب

 

[Om-Nasser]

انا زوليتي مثل الشعر الي هابين فيهم اشولن افركها


كل الوصخ تدخل داخل واقلبها واطقطق من الصوب الثاني بساذا فركتها احس الشعر راح يتنتف اشلون وخصوصا ما عندي مكان علشان احطها وتنشف انا بشقه

شسوي ياريت تقولولي

 

[رضاهم جنه]

انا استخدم الكلوركس بالالوان اذا كان فيه بقعه اما اذا بغسلها كلها اوديها حق غسيل الزوالي لان انا مثلك شقه وصعب

 

[Om-Nasser]

انزين ممكن رقمهم وكم ياخذون على الزوليه واشكثر تتم عندهم على ما ييبونها كم يوم

 

[بعيون مغليك]

للرفع فيدونا اكثر = )

 

[Doodoo.star]

انا امي اذا بتنظف السجاد واهو بمكانه اتيب سطل وتحط المنظفات الي اهيا تحبها وعقب اتيب برش بس تكون ناعمة وتفرك فرك بس مو قوي وايد عشان السجاد وماشاء الله تطلع نظيفه تهبل واذا كلش يبيلج شركة تنظيف احسن اذا خايفة على السجاد

 

[مو عايشة بالدنيا]

في مكينة تنظف الزل
بس مادري من وين يشترون
اهل زوجي عندهم منها
تنظف الزولية وهي بمكانها
سئلي عنها بقوقل

 

[P!NKia]

حلوه طريقه ام الحلوين
اب اب

 

[زود الغلا]

حبيبتي دقي على الشركات التنظيف يجونك لي البيت ويغسلون الزولية واهيا بمكانها ويقولونلك 3 ساعات لا تدوسدن عليهابعدين عادي عقب ما يغسلونها يشفطون الماي شفط عدل هالشركات بالوسيط شكثر طحت فيهم قبل فترة والزولية الوحدة 5 دنانبير والله بالاش.

 

[ام خالدH]

شوفى حبيبتى الزوليه اللى لها شعر طويل حيل لازم تغسلينها لان شعرها حيل طويل والتعقيم مايوطل لها تحت لو تمسحين الليل والنهار حتى جربى ليما ينكت عليها شى قلبيها وتقولين صح كلامى انا اقترح عليج كل اسبوع تتصلين على شركه تنضفها اتمنى انى فدتج بشى