شلون انسىىىىىىىىىىى اذا كنت مجروحه؟

[قطوطه حلوه]

السلام عليكم
شلونكم خواتي
بغيت اسأل اذا في وحده تعرف شلوون احاول انسى انسان انجرحت منه وانصدمت ومتعلقه فيه وخذلني احس بكآآبه موطبيعيه ماعندي احد اشكيله خصوصا انه علي ضغوط نفسيه ف شنو الحل برايكم مادري وين احط الموضوع بس اتوقع هذا المكان المناسب يمكن تفيدوني بخبرتكم وتجاربكم او طريقه معينه تنسيني لاتقولون امارس هوايه او شي احبه ماقدر انسى وجزاها الله خير الي ترد وناطرتكم بشوف ردوود

 

[Do I Care]

رد : شلون انسىىىىىىىىىىى اذا كنت مجروحه؟

حبيبتي الدنيا تجارب واذا بنقعد ننجرح ونتعب ع شي احنا مالنا ذنب فيه يمكن حتى ما غلطنا وهذا غلط غيرنا
جذي بنتعب .. قطي ورا ظهرج وحمدي ربج مليون مره ع اللي صار تدرين ليش ؟! لان ربج كشفه لج وبين
لج معدنه .. ودايما عاملي الناس مثل ما يعاملونج حطي ببالج لو هالشخص تهمه راحتج ما جرحج يعني لا
تفكرين حتى فيه حرام تضيعين وقتج بالتفكير فيه اصلا ..

عديه يا قلبي ماضي ادري صعب عليج تنسين بس ع الاقل تناسي يعني حاولي .. لا تفكرين بالسالفه وحاولي تطوفين
وتتغاضين ومشي مشي العمر مره وحده
لا تتكدرين وتضايقين روحج
وهذي الدنيا بتعلمج ..

 

[شيخة المزاين511]

رد : شلون انسىىىىىىىىىىى اذا كنت مجروحه؟

ااااااااااشغلي وقتج كثر ماتقدرين خلطات حمام مغربي ضيعيه بشي ممفيييد وانسي كم مره بنعيش ؟؟؟؟ وكلي امرج لله


وعلى قوولة االشيخ نبيل العوضي (كن متفاءلن حتى لو فقدت الامل من كل شي )

 

[قطوطه حلوه]

رد : شلون انسىىىىىىىىىىى اذا كنت مجروحه؟

مشكورين ماقصرتوو فديتكم والله شفت ردودكم دمعت عيني
شكثر مشاهدات ماردو الا ثنتين!!! يعطيكم العافيه يلي رديتوو

 

[بدويه بنت الخليج]

الحين اسمج قطوطه حلوه وزعلانه بذمتج هذا حجي قومي بس قومي

حبيبتي فديت روحج والله حاسه فيج وادري انج متضايقه وصاكه فيج الدنيا بس لحظه سئلي نفسج الحين هالشخص اللي انتي مزعله نفسج عشانه يستاهل ؟؟ انتي معيشه روحج بهم ودموع ومضايقه عمرج امانه على شنو ؟ اهو مستانس ومرتاح وانتي دافنه روحج بدموع وضيقة خلق على شنو ؟
حبيبتي قطوطه الحلوه ترى والله الحياة حلوة ونعمه من ربنا لما احنا نقضيها هم ودموع علشان انسان مثلنا بجذي نخسر دنيتنا واخرتنا صدقيني انا ماراح اقولج مثل ماقالوا خواتي لج اشغلي نفسج انا ابيج تواجهين نفسج سئليها هالانسان اللي ضايقج وقاعده تصيحين عليه هل اهو يستاهل انج تضيعين حياتج وتهدرين وقتج عشانه ؟؟

احنا الحين بشهر الخير شهر رمضان تقربي من ربج صلي اقري قرأن كثري استغفار وصلاة عالرسول عليه الصلاة والسلام تصدقي ترى الصدقه عجيبه لها مفعو السحر صيري بنت سنعه ودشي المطبخ سوي لج اكله حلوة

ترى حتى انا مثلج مجروحه وملعون خيري بعد بس شنو يعني الحياة حلوة والله ماراح اقضيها بجي وقهر

بقولج على طريقه حلوة اسويها ولقيتها طريقه عجيبه كأنها سحر حبي نفسج والله بتتغير من حولج الحياة وبتشوفين ان الحياة صارت حلوة دايم رددي < ياجبار اجبر بخاطري وصدقيني ربنا بيجبر بخاطرج وقولي بدويه ماقالت >

 

[قطوطه حلوه]

رد : شلون انسىىىىىىىىىىى اذا كنت مجروحه؟

فديييييييييييييج بدوويه حياتي ماقصرتي والله صج خوووووش كلاااااااااام مشكووره

 

[jana-nana]

انا نفسج قاعده امر ابنفس التجربه وخصوصا انه هالشي من انسان قريب منج وانتي عادته حياتج

وانا مجروحه وزعلانه من كثر ماني ما ادري شقولج مختنفقه

بس والله كل ما اتذكر انه في رب ما ينسي عبيده وانه الله وياج يعني شتبين اكثر و سبحانه يقول وعسي ان تكرهوا شيئا وهو خيرا لكم

وبس ادعي ربج واستغفري والله كل شي اب اييدج والله غلطتنا عطينه قلوبنا حق ناس ما تستاهل
الحمدلله علي كل حال استفدنا من التجربه بس هذي مو نهايه العالم والله تهون مشكلتنا لي شفنا مشاكل الناس

ويالله يا رب افرج همومنا وخلينا ننسي كل اللي جرحنا وحرحناهم وننسي هالالم يااااارب

 

[$نسيم الصباح$]

والله كلنا مرينه بتجارب نجرحنا منها وتألمنا من ناس نحبهم وخذلونا ناس كان كل حياتنا في يوم من الأياام . بس الجرح جبر نفسه والقلب بدي مع مرور الوقت يتعافا والزمن كان كفيل بأني الأشخااص إلي جرحونا يركضون ورانا يبون يسلمون علينا أو نعطيهم شي يريح ضميرهم , وصجقين بيجي وقت تنسين حتي إلي جرحج وكأنه شي تافه إنتي مو حاسه فيه . والله غير رب العاالمين يرضيج ويجبر قلبج . لا تحاتين كله مسألة وقت . بس حبي نفسج وحياتج ورجعي لدنيا مره ثانيه ,

 

[$$ داجـــه $$]

الله يفك عوقج سيري على ربووعج امسكي التلفون حاجي فلانه وفلنتانه وقبل النوم ركعتين واقري قران ونامي

ابد ماجاج علي والحياه حلووه بس نفهمها

 

[قطوطه حلوه]

رد : شلون انسىىىىىىىىىىى اذا كنت مجروحه؟

فديتكم والله ماقصرتو حبيبااتي الله يسعدكم

 

[واقعية حـلـم !]

حبي نفسج


دلعي نفسج


اهتمي بنفسج



و ما عليج من احد





محد يستاهل تضيقين خلقج علشانه

 

[قطوطه حلوه]

رد : شلون انسىىىىىىىىىىى اذا كنت مجروحه؟

مشكووره واقعيه فديت روحج

 

[Bent Ameer]

اذا بدلتي هالحب بحب اللي ماراح يخذلج ابدآ

بحب ربج اللي قادر يبدل هالحب ورزقج كل ماتتمنين ~

 

[البرن<أنا>سيسة]

اذا انتي مخذولة من شخص
فانا مخذولة من الكل والحمد لله على كلللل حااااااااااااااال

 

[هــدوء]

رد : شلون انسىىىىىىىىىىى اذا كنت مجروحه؟

الله يعينج

 

[*بسبوسه*]

سمعيني عدل مدل

1- قطي اي شغله تذكرج بهالشخصيه
هدايا ..صور..اوراق..الخ
ولا تتحسفين لان الشخص اصلن مسحج من حياته انتي بتحتفظين بخرابيط ليش؟؟؟؟؟؟قطيها بدرام الزباله الكبير واذا في عطور كسريها بالشارع
الله وناسه واحرقي صور امحي الذكريات

2- لا تسمعين اغاني فراق وزعل وياريت ما تسمعين اغاني خير شي

4-روحي عروس ارقصي واستمتعي بالفرح يعني وانتي ترقصين اندمجي مع الاغنيه وارقصي بمضمير
ادري هالنقطه تناقظ النقطه للي قبلها بس صدقيني انا سويتها اروح ارقص واغني مع الاغنيه واطلع حرتي احس اني فرغت شحنات

3-كل ما تطري عليج هالشخصيه بخيالج فكري بشي ثاني وقولي ..بعد فوق انه خذلي اعطيه مساحه من تفكيري واضيع وقت المفروض اضيعه باستغفار او افكر بمستقبل
عيشي احلام يقظه مع احلام انتي تتمنينها بعيده عن هالشخصيه


*اذا قصدج من هالشخصيه حبيب
اذا تقدم لج واحد زين وافقي لان ما ينسي المره رجال الا رجال ثاني

*اما اذا رفيجه
وطدي علاقتج مع رفيجه ثانيه


4-وطبعا ادعي من كل قلبج ان ربي ينسيج هالشخصيه ويعوضج خير وبما ان هالدعوه فيها خير لج فربي اكيد بيستجيبها

واكيد الايام كفيله بالنسيان يوم عن يوم ينسي

ونصيحه مهمه 5-لا تمنعين نفسج من الطلعات والوناسه 00شاليه..سفره..زوارات..سينما
ونسي عمرج حتى لو تطلعين ونفسيتج ضايقه هم اغصبي نفسج تكفين
الحبسه بالدار مقابله الطوفه والافكار دمار للنفسيه

6-اذا تحبين القراه انصحج بهالكتب
لا تحزن ..عايض القرني
السر تقدرين تقرينه من النت لان سعره بره غالي ب7
السر وراء السر هذا رخيص ومفيد وممتع

والله يمسح على قلبج ويعوضج خير يارب

 

[قطوطه حلوه]

رد : شلون انسىىىىىىىىىىى اذا كنت مجروحه؟

مشكووره بسبووسه
ومشكوورين كل الي ردوووووووووووو ماقصرتو حبيباتي

 

[قطوطه حلوه]

رد : شلون انسىىىىىىىىىىى اذا كنت مجروحه؟

استغفر الله___ لا اله الا الله
سبحان الله وبحمده سبحان الله العظيييييم

 

[الندى]

الله يجبر كسرج يا قلبي ويرد لج حقج

 

[بدلية]

لما تشوفين بنت شابة بعمر الزهور مشلولة ماتعبر تتحرك
ولما تشوفين بنت عميا عايشة بظلام وماشافت الدنيا ولا الالوان
ولما تشوفين بنت صغيرة يتيمة ماتهنت بامها وابوها ولا شبعت منهم
راح تهون عليج مشكلتج وتقولين الحمدلله الي فضلج عن كثير من الي خلقهم تفضيلا

مشكلتج بسييييطة مقارنة بالمشاكل الي ذكرتها
انسي وبكل سهولة واستانسي بدنيتج الواحد مايعيش دهر

حرام تضيعين سنين من عمرج بضيقة الخلق والهم والحزن وانتي بصحة وعافية
يبا حمدي ربج وشكريه وتقربي منه لان محد راح ينسيج غير ربج سبحانه
انتي انخلقتي عشانه عشان ترضين ربج اذن اشتغلي حق هالهدف وانسي المشاكل الي عندج ماراح تلحقج السالفة لي القبر بعد عمر طويل
فلو خانج الي يكون مايستاهل يضيق خلقج اكثر من ساعة
يالله قومي ضحكي وسعي صدرج