شلون السفر لاوروبا مع يهال !!!! جربتو

[nemo]

قوه بنات



هل تنفع دول اوروبا انكم تودون يهال اعمارهم اقل من السنتين




شلون بالرحلات الحمامات متوفره ونظيفه


بنات انا اقصد دول اوروبا المانيا زلمسي وفينا وميونخ



وشلون على الاكل ما تعبتو مع عيالكم




انا رايحه مع ريلي وعيالي اعمارهم الكبير 8 سنوات وبنتي 4 سنوات وبناتي صغار توام عمرهم 9 شهور



وحدي مرتبكه وما اقدر اخليهم عند امي




اللي راحو مع يهال يطمنوني




وانا حدي قبل اذا سافرت اروح لبنان دبي اول مره اروح اوربا ومع اليهال




بنات لا اطنشوني بالليل بطل عالموضوع والقى الردود 3 صفحات :dddds:

 

[ريماا]

هلاا فيج...انا مالى تجربة بس بناتج التوم خليهم عند امج احس الان تعب عليهم الرحلة وهم بيتعبونج وتوهم صغار اريحلهم بديرتهم

ان شالله الامهاات بيفيدونج

 

[الدلال]

انا اعتقد ان الكبار ماراح يتعبوونج بس اسم الله عليهم التوأم راح يتعبونج لانهم ثنتين بنفس العمر ويبيلهم مجابل

اذا تقدرين ليش ماتاخذين خدامه معاج شوي تساعدج عليهم

 

[سعادتي برضى ربي]

خلي التوأم عند امج اريح

 

[كوكاكولا]

الكبار اسم الله عليهم شايلين عمرهم وعادي ياكلون نفس اكلكم ..

بس التوأم عبالة عليج شيلتهم حتى اللى عمرها 4 سنوات محتاجة عربانة لأنها بتتعب من المشى

التوائم اسم الله عليهم يبيلهم اكل خاص وتغيير حفاظات وتعقيم مميات انا انصحج تخلينهم عند امج

كافي عليج 3 اسم الله بيروحون معاج .........

ان شاء الله تستانسون .......

 

[كـلا كـلا]

والله يعتمد عليج حبيبتي اذا نوعج تطلعين معاهم بروحج بدون خدم و تقدرين على مجابلهم توكلي على الله
او اذا كلش خلي وحدة واخذي وحدة ترا اهما بعدهم صغار وبجذي ماراح تتعبين نفسج ولا اهلج
واذا عالاكل ودي معاج الاشياء اللي ما تستغنين عنهم لهم

 

[nemo]

ريلي ما يحب خدامه بالسفر



والتوام ما اقدر اخليهم عند امي انا عيالي قبل كنت اخذ واحد واخلي واحد



بس التوام صعبه اخليهم يبيلهم مجابل امي ما تقدر عليهم



انزين بنات ما قلتولي شلون الحمامات تكرمون متوفره ونظيفه نفس دبي بالمجمعات غرف تغيير الحفاظات مريحه




طمنوني



ومشكورين عالردود خواتي ما قصرتو

 

[nemo]

معقوله بعد بنتي اللي عمرها 4 سنين يبيلها عربانه انا التوام ما خذتلهم العربانه مالت التوام



واي بنات احس تعقدت



اودي عربانتين اوفر

 

[برائة الطفولة]

ديري بالج ترا الحمامات ما فيهم هوز
و عن العربانه لازم تاخذين راح يتعبونج اليهال وايد
و أذا أنت ما تحبين تقعدين بدوله و حده و تحبين تدورين نص أوربا
لازم تاخذين معاج أكل أو كل محطة بنزين تاخذين أكل منها حلويات
و جذي يعني خرابيط و أنتبهي مره أحنا كنا نبي نروح هولندا
يعني من سويسرا فوق الجبل الى المانيا بعدها هولندا
و أحنا في الطريج و قفنا عند محطة بنزين أبوي
حسباله محطة بنزين سويسريا طلع محطه المانيا
أبوي حط الي مكتوب علي حرف d بعدين
مشينا و في الطريج و أحنا على الحدود السياره
قامت تنط أبوي وقف على جنب جان مره
وحده توقف السياره أندق على أفس ييون
يشوفون مايو بعدين وقفو ناس و دقو على أفس
ما يو دق أبوي على الشرطه قالو أحنا ما لنا
شغل الشرطه دقو على أفس
أفس هم الي خذينا منهم السياره
يعني بالقصب يو
وودونا فدق قعدنا يوم ولا يتصلون على ابوي
و يقولون أن أبوي خالط البنزين في الديزل
يعني حرصي أن هذا بنزين و هذا ديزل
و ملاحظه : ترا أوربا بلاكاتهم غير أبلاكاتنا
وأتمنى أني أفدتج و أسفه على الاطاله

 

[الام الحنون]

السلام عليكم

اذا قدرتي تخلينهم هعند امج وتستحملين الشوق خلي التوام اذا ماتقدرين خليهم معاج

بس حطي بالج لازم زوجج يساعدج على البنيه ام 4سنين كيفه يبي يحطها بعربانه او يبي ايشيلها كيفه بس انتي اهم شي كثري من الحفاظات وكلينس الحفاظات واخذي معاج ابريق صغير للي يبي الحمام من اعيالج والله يسهل عليج السفر اهم شي حليب بناتج الصغار واكلهم كل شي اخذيه من الكويت يمكن ماتقيين هالسوالف

تحياتي لج

 

[احلى من الحلى]

امبيه الله يعينج والله

اذا تقدرين اتخلى التوام لان صج ابروح ام 4 سنين يبلها مجابل

 

[أم ضارى]

مادرى وايد صعبه الله يعينج

 

[nemo]

مشكورين بنات عالردود




بس حبطتوني:0bee2e8d89:





انزين يا ريت البنات اللي سافرو مع عيالهم هالدول يشاركون شلون كان وضعكم بالسفر يعني تاذيتو




ما بي اكره السفره بكبرها واقعد منطنقره

 

[بوشه_بوشه]

رفع

 

[om yasafy]

هلا اختي
انا العام رايحة مع ولدي المانيا وبلجيكا...
الصراحة لو رايحة بدونة جان ما استانست حرام كان عمرة 6 شهور...
مادري انا عن نفسي استانست بس شوي تعب يعني لازم كل فترة توقفين نعطينة الحليب وتغيرين البامبرز بس والله استانست وواااااايد
اللي كان يضايقني ان كانو حمولتي كلهم ويانا يعني حسيت اني ساعات اعطلهم بالرحلات كل شوي اوقف بس قزرت عادي ..
وشي ثاني كان يضايقني اني لما ارد الفندق بالليل تعبانة من الرحلات او السوق لازم اقعد اغسل المميات وهدوم ولدي
وبعدين انام

بس اهم شي انج اذا بتروحين روحو بروحكم يعني لا تلتزمون مع قروب او احد وياكم عشان تاخذين راحتج

ومتى ما جهزتي عيالج للطلعة تطلعون مو يلزمونكم بوقت للطلعة عشان ما اتأزمين

 

[^^ ريان^^]

راي من راي البنات المشكله بالتوام الصغار
كافي الحمامات مافيها ماي والاكل مو بسهوله تلقين اكل حلال
بصراحه ما انصحج بدوله اروبيه خلي اليهال يكبرون اشوي واخذيهم اما اللحين خليج علي الدول العربيه عالاقل
الاكل بكل مكان حلال والحمامات فيها ماي والغسالات للملابس متوفره بكل شقه اما باوربا هذا كله مو متوفر
والله يوفقج بسفرتج

 

[أحب كويت2]

الله يسهل عليج حبيبتي اخذيهم معاج والله ييسرلج امورج

 

[أم الغلا كله]

اذا كنتو حاجزين وخالصين من كل شي وانتي من النوع اللي باله وسيع ويتحمل وزوجك متعاون معاج وباله وسييييع توكلي على الله وسهاله ان شالله ماكو شي وخاصة اذا كانو عيالج من النوع اللي مو عسر ولا حنان ولا لباح عادي الامور بتمشي لكن اذا كانو عسرين وحنانين وحتى احيانا الكبير يكون صعب التعامل وياه وبعد اذا كان زوجك صدره مو وسيع على اليهال يمكن تكرهين السفروالحمامات عموما في اوروبا نظيفة ولا تحاتين ومتوفرة بكل مكان وانصحج صلي صلاة استخارة وتوكلي على الله ولا تنسين الدعاء الدعاء والله يحفظكم ويكتب لكم الخير والصالح