شلون اقولها ان ريحتج خااايسه

[البارونـه]

لمحـــي لها بتستحي من نفسها
سوولفو عن الميك اب والملابس واكيد بتشاركج
بعدين قولي امبييييه فلانه تخيلي ذاك اليوم شفت وحده تهبل قطعه ويوم قربت صوبها الله لا يراويج الريييحه
وانا عندي الوحده تكون نظيفه وستايلها مو شي احسن من ستايل على الفاضي
وانتقدي وايد الي جي ,, وان شاء الله تفهم وتحس شوي
وسولفي عن عنايتج قولي انا ماطلع من البييت الا متسبحه وحاطه اقوى ديودرنت ومتبخره ومتعطره ولابسه انظف الملابس
وصدقيني الصاحب ساحب ,,اكيد بتحاول تصيير ذربه نفسج وجي
,,
اذكر مره امي قالتلي ان في ناس يتسبحون بس ملابسهم مايغسلونها ويكررونها اكثر من مره من جي تطلع ريحه ><"
الله يهديهم

 

[Miss^NeozZ]

لمحي لها قوليلها ترا في سنفره حلوه حق الجسم مع السباحه وفي ديودرنت ريحته حلووه تهبل وكذا :/
مهدي لها السالفه

 

[دمبوووشه]

الله لايبلاناإ ياإرب
انا رايي اتقطينها بوجهها لان مثل هالنوعيه من البشر لاحيا ولا مستحى
أول شي ابدي معاها ان ماكوو زوج يتحمل طبعها ونظامها بالحياة وثاني شي قولي وربي بتتحسفين إذا زوجج تزوج عليج بسبت وساختج وريحتج الخاإيسه
وبعدين فهميها انج نصحتيها لانج تعزينها حيل وماترضين تشوفين الغلط برفيجتج وتسكتين
وان شاء الله تحس ع دمها وتتسنع والله يشفيها من انعدام الاحساس
انا الي موو قادره استوعبه اشلوون تحك المنطقه الحساسه جدامج وييييع وربي لوووعه
استغفرالله اللهم لا شماإته

 

[فـراوله]

وااااااااااااي بصراحه لاعت جبدي اللهم لا شماته

بس من رايي نصحيها عيالها مالهم ذنب

سوي للي عليج


​

 

[عزتي مالها حد]

انسحبي منها بهدوء

الحمدلله فعلا النظافة من الايمان

 

[ربي محتاجتك]

الموضوع فيه شي غريب يمكن انتي ما فكرتي فيه
دامها علا قولتج بنت اصل وفصل ومحترمة وعلا نياتها
يمكن في شي يمنعها تسبح في ناس الله يكافينا الشر فيهم مس او احد ساحرهم
وطبعا احنا ندري ان الشياطين ما تحب النظافة ولا شي يمكن اهيا مو حاسو بعمرها ترا الناس اللي فيهم مس الله يكافيها شره ويشفيهم ما يقدرون يتنظفون في شي مانعهم
انتي سوي كل اللي قالوه البنات قدمي لها هدية ذربة وتبيض الويه ولا تحسسينها باي شي واذا ما تسنعت يمكن صج فيها شي

 

[نعوومة *كيووت]

يع شنو هذا الله يهديها بس ويمكن مسحورة صحيح

 

[راتشيل]

اكتبله رسالة واكتبي كل الي بخاطرج فيه هذا احسن من توجهينها وجه للوجه​

 

[BaiTotia]

وي كتبيلها ورقة بالكومبيوتر وحطيها عند سيارتها

أو روحي معاها محلات العطور والكريمات وقعدي مدحيلها أنواع يمكن تتشوق حق هالسوالف وتتسنع

 

[غداً القاك]

مدحيلها اي ديودرنت

قوليلها خن روح انا وياج الصالون

قوليلها على كومفرت الي ريحته قويه شلون تستخدمه من باب انج تمدحينه

وعن خوش عطر همن نفس الشي من باب المدح

واصري انها تشتريهم بس بدووون ما تحس انها ريحتها خااايسه ..عرفتي


اذا ما نفع ... انا معا امل

معها :eh_s(15):​

 

[Vdieta]

اب اب

 

[عالي مستواك]

سوي اللي قالو البنات عنه وان شاء الله توعئ لروحها

بعدين اليهال مالهم ذنب وحرام يتأذون بالهاوصاخه

وبعدين ماكو ريال يتحمل جذي ويمكن اذا ساكت يكون متزوج عليها وساكت

واتمنئ تكون لج الجرئه وتحاجينها

وسامحوني عالاطاله

 

[dark cherry]

قطع هم وصخه وتحك منطقه الحساسه !؟. مو جذي عاد االه لايبلانا
في ناس يخافون يستخدممون ديودرنت ويصير اباطهم اسود بس مايخافون يعمون عيون الاوادم
قوليلها في ديودرنت يبيضضضض عجيب وكل البنات يستخدمونه بشتري واحد وبشتريلج معاي صدقيني بتحط

 

[أم غازي_الكويت]

:eh_s(7): السلام عليكم ورحمه الله وبركاته

أختي صاحبه الموضوع نفس موضوعك بالضبط

صار معاي ... تدرين شنو سويت ؟؟ اشتريت

ديودرنت وبودرة للجسم وعطر ريحته بارده

وحلوه وحطيتهم بكيس وقدمته حق البنت اللي

تعاني من هالمشكلة صج انقص ويهي بس قدمت

لها وقلت لها جربيه ريحته وايد حلوه بعد

السباحة ( إي ذكرت وحطيت لوشن بعد ) ولما

عطيتها اياه اهي استحت بس آنا ضيعت السالفة

وقلت لها آنا استخدمه وشوفوا زوجك راح

يسإلك شنو العطر اللي حاطته ومن يومها والله

إني ماشميت فيها ريحه شينه ...

ويا خواتي اللي علقوا على الموضوع ترى في

بنات وايد ما يعرفون الاهتمام بالنظافة يمكن

البيئة اللي اهم فيها :bbbiu: وسبحان الله يعني

صديقتك تعرفينها وهي زينة واخلاقها لا يعلى

عليها مافيها شي لو تنبهينها وتعلمينها بأمور

تكون غافلة عنها واحتسبي الاجر من رب العباد

جزاك الله خير صاحبة الموضوع لو انت مو

مهتمة جان ماكتبتي :eh_s(7):

كلااامج عين العقل:eh_s(15):

 

[نوني الحلوه]

على كل هذا وتبين تلمحين
لاحبيتي قطي عليها الكلام كاش
حتى لو تزعل هذا الشي لمصلحتها
كثير غيرك اشمئزو منها بس ماتجرو يقولون لها فضلو يتكلمون بظهرها ولا يقولون لها
حتى لو تجرح يمكن تخليها تصحى
بجد يعني حتى دينا حثنا ع النظافه
وقولي لها ان البيت القذر تتجمع فيه الشياطين والجن واللي في البيت يتاذوون

 

[! هُوْ وِينِه !]

سبحان الله الزين ما يكمل

حاولي تفتحين موضوع النظافه .. وان الجراثيم تسبب امراض وكذا

واذا شفتي ولدها الصغير اللي اضافره طوال قولي له على سبيل المزحه وخلي امه تسمع اهم شي
قولي ليش بابا اضافيرك طوال ماتدري ان تحتها تجتمع الشياطين والجراثيم ..

ويقولون الصاحب ساحب ان شاءالله على شوي شوي بتقتدي فيك وتصير زيك

بس الله يستر لا انتي اللي تصيرن زيها هههههههههههههه

معآهآ

 

[سحر الشرق@]

الطبع صعب يتغير
وهذا طبع وما اتوقع يتغير
حتى الجهال تربو عليه وتعودو عالوضع

 

[دنياغريبه للاسف]

انا كنت اعاني بعد نفس مشكلتج وحده كانت وياي ايام الدراسه
ومفتشله اقول لها .. شريت لها ديودرنت ومجموعة عطورات وقدمتها لها وكتبت رساله لها مع الهديه..
زعلت مني ولما فهمتها وكلمتها .. اشكرتني وداومت اليوم الثاني مافيها ريحه..
الناس يختلفون في يتقبلون وفي لا..ويمكن رفيجتج تتقبل النصيحه

 

[مزيونة22]

اخاف تكون مسحوووره لان اللي فيهم سحر يحبون يعيشون بالوصاخه

معاها:eh_s(15):

 

[أنثى بلذة العسل]

بناات سويت مثل ماقلتولي شريت لها طقم حمام وحطيت بدل الديودرنت 2 وخمرية جسم وبودره وشاور جل ولييييفه :eh_s(4): وكريمات جسم وعطورات ومسك

وكتبت بطاقه ( الى صاحبة الاخلاق العطره والروح الطيبه كوني كالبستان بأزكى روائحه )

وخليت الهديه داخل سيارتها وطبعا كتبت اسمها حتى تعرف انها لها بسسس الريحه كااااااااانت واااضحه وعلى طوول علقت واااااااااااااااو



بس يارررب مايروح تعبي خساره وتستعملهم ولا تقطهم :eh_s(2):

ماااااااااااقدرت اواجهها اخاف احرجها ​