شلون اقنع زوجي يغير رقمه ؟؟

[مارياج]

ماراح يغير رقمه

والريال مو غبي عشان مايعرف انه انتي قاصده خصوصا انه قالج انه شي قديم ومادري شنو يعني شككتيه بالموضوع

لا تيمعين ولا شي

خلي على رقمه وهذا ماضي تعوذي من ابليس

وبسج لا تنبشين

 

[جوزائيه مغروره]

وليش تدورين من وراااااااااااااااه

بصراحه انتي معوره راسج بنفسج

يعني ماسحهم

واذا اشتريتي له خط يمكن يخلي بدال الخط خطين وقعدي لومي نفسج !

 

[nazek_q8]

يعني تعتقدين اذا غيرتي رقمه انتهى كل شي؟؟ غلطانه الريال يقدر يفتحله بدال الخط الف مابي ازيد عليج بس انتي قاعده اتعبين نفسج ريحي بالج وانسي هالموضوع مجرد رقم تبين تبنيين شكوك عليها..؟

واغلب الرياييل عندهم ماضي لادورين فث ماضيه عليج بالحين ولا تغيرين رقمه غصب الرقم ماراح يحل المشكله اذا براسه يرد حق ماضيه راح يرد الرقم ماراح يمنعه

 

[درة أهل الطولات]

الرياييل ما يحبون تغيير الرقام ومثل ما قلتي كل الناس يعرفونه واكيد حاطه بكل الوزارات

استهدي بالله

 

[سهام بنت محمد]

والله ها الريايل وانا اختك مرض ماله دواءانا تعبت وقمت اطنش والحين ماشوف فيه شي طنشيه وترتاحين ترى بتعبن نفيتك على الفاضي ياخويتي رتاحي بس

 

[حصووونه]

انا اقول طاااف لا تعورين قلبج...انا مافتش وراه وتلفوناته عنده اثنين والثاني لي شحنه بالبيت يطفيه وحاط له رقم سري بس ليش اعور قلبي بالطقاق دام انه محترمني وماسوى شي جدامي اللي وراي بينه وبين ربه والله فوقه ان شاء الله...

 

[نملة زقرتية]

يا قلبي
لا ادورين اللي يغثج
ولا تفتشين
ولا تييبين عوار الراس حق نفسج
وحق ريلج
باجر يمل منج
ويقول اهي تشك بدون سبب
خل صج اسوي هالشي دامها خاربة خاربة

تعوذي من ابليس
ولا ادورين بالماضي
ترى راح وانتهى
بالاخير انتي خذيتيه
انتي زوجته
انتي حلاله
انتي حبه
انتي اللي كل يوم يصبح بويها
وكل ليلة يحط راسه يمها وينام
المفروض هذا بس يكفيج

 

[دانة الروابي]

ماله داعي يغير الرقم واللي فيه شر حتى لو غيره رقمه