شلون اقنعه فالشي هذا من غير مشاااكل

[نشيج الروح]

الريال يحبج ويغار عليج ومايبي الريايل يشوفون ويهج
يبيج له بروحه >>>>> يلبسج نقاب دليل كافي على حبه وغيرته ويتمنى لج الخير.
تخيلي ريال يقولج فصخي عباتج وحجابج ولبسي قصير 
المهم هو هذا سببه يبي لج الخير بس اذا انتي ما تبين تنقبين شوفي واحد يوافق على شروطج اذا أصر على انه ينقبج،،،، لان اتوقع بعدها بتصير مشاكل ان ما تم الاتفاق من الحين

 

[مولاي الفرج]

حبيبتي اذا الريال زين وشاريج

لبسي النقاب ليش ماتلبسين

راح تتعودين عليه

انا بمكانج اتنازل والبسه اذا كان صج صج زين وانتي تبينه

او انج تشرحين له انج مو حابه هالشي وان تحسينه شي زايد عالحجاب وشوفي رده

ان شاءالله تتفقون

وبالنسبه اللي تقول كل واحد بطريج شدعوا!! ما طلب منكر الريال

 

[sh_mashael]

الاخت البارونه الله لا يخلي حكم وقرار الحريم بيدج جان خليتي الكويت كلها مطلقات وعوانس


شنو انفصلي عنه اشفيج انتي حمدالله والشكر
عيل لو قايله البنت زوجي طقني جان اشسويتي
الله يهديج بس ، عيل هالسالفه وهالمشكله الصغنونه تقوليلها روحي انفصلي عنه
والله اتوقع لو ريلج قالج سويلي مجبوس دياي وانتي مشتهيه مجبوس لحم
بتقوليله طلقني


صاحبة الموضوع حبيبتي بعد الزواج انتي تقدرين اتخلينه يتحلئ عن هالقرار بثواني
بالوقت الحالي قوليله امرك وان شاء الله وتآمر الي يرضيك يرضيني
بس خلها بعد الزواج
ومثل ماقلتلج بعد الزواج تقدرين تسيطرين عليه وويقولج منو قال متئ وين مستحيل اكون قلتلج هالشي ههههههه


وشلون تخلينه يحبج
اهتمي فيه خافي عليه ادعي ربج بهالايام الفضيله يجمع قلوبكم بالحنان والحب
ولاتردين له طلب
عسئ ربي يوفقكم ويا بعض ياررررب

و الله لايخلي بايدچ و لا قرار ??
انا ما اطبخ ☺
تهقين يطلقني ؟
ان چان قريتي شنو كاتبه البنت
اهي ماتزوجت
و دام اهي ماتبي
ف مو مجبوره
وبعدين اهي طلبت اراءنا
و هم اهي عندها مخ و تقدر تاخذ الراي اللي يناسبها
و تترك اللي مايناسبها

 

[sh_mashael]

زين قال لج من البدايه

و اذا انتي مو راضيه

خلاص لا تكملون مع بعض

لأنه ماراح يتنازل عن رايه
و اهو يبي وحده منقبه جان خطب وحده منقبه !!

الله يعيينج

تابع



هاذا اهو ردي السابق
و يتراوالي مافيه شي غلط


طيب ليش الغلط منچ ؟؟؟
انا ماتكلمت معاچ و لاعنچ

حسستيني انه جبرت البنت

استغفر الله
و حسبي الله و نعم الوكيل
على الظالم

 

[صمت المرافئ]

اللي أعرفه إن الشروط هذي
يتم الاتفاق عليها قبل الخطبة والزواج
رضت البنت ...كان بها وخير
ما رضت ... يروح الريال يشوف غيرها
والله يوفق الاثنين
بس مسألة الحين يفرض هالشي ... غلط ...
إذا يبي منقبة يروح يخطب منقبة
والكل يرتاح ...
​

 

[غرور 9]

تابع



هاذا اهو ردي السابق
و يتراوالي مافيه شي غلط


طيب ليش الغلط منچ ؟؟؟
انا ماتكلمت معاچ و لاعنچ



حسستيني انه جبرت البنت

استغفر الله
و حسبي الله و نعم الوكيل
على الظالم

هوب هوب خيتو صلي ع محمد
انا ما ظلمتج حبيبتي ولا سبيتج وجبت طاريج بواطي...!
انا شرهت عليج انج عطيتيها اسوء راي او احتمال او حل لمشكلتها
انتي قلتيلي انها للحين مخطوبه ما تزوجو يعني
مافهمت الخطبه بهالنقطه احنا ماعندنا بمجتمعاتنا شي اسمه خطبه اقصد مثل اخوانا المصاروة وغيرهم انها تكون مخطوبتله بالخاتم فقط لا عقد ولا ملچه
البنت راعيه المشكله اظن انها مملچه يعني (متزوجة بالعربي)
بس للحين مالچه وما يا وقت عرسها
فعشان جذي غلط تقوليلها انفصلي عنه فهمتيني
وسالفة حسبي الله ع الظالم منؤ الي ظلمج انتي كاتبه وكلامج واضح بعد اظلمج شنو خيتو،،،!


الريال يبيلها الستر ويغار وفيه غيره ع حريمه صار عيب يعني ،،،! عشان تعطينها چك بم انفصلي عنه،،،!
ليش ما تمدحينه وتقولين ربي يهنيج فيه واحد صاينج ويغار ع عرضه من قبل لا تبلشون حياتكم ببيت واحد
مو احسن من واحد يقولها فصخي حجابج ولبسي قصير وفاضح
الله اعلم شلون فهمتي ردي الاول
والله اعلم بنيتي وقصدي
وبثثثث

 

[ابيك م ابي غيرك]

انا اقوول شكلج شااريته ..

ومن رفيجاتي والي حوولي

خل اقوولج .. وحده تطلقت بعد شهر من زواجهااا عشاان عندت عالنقاب
واخررر شي ووصل حده وجاا لبيت اهلهااا وقال انا ماارضا ان احد يشوف وجه مرتي
ي روحي يغاار ... ؛9 المهم واذا تبيني لبسي النقاب ومالج الا الي يطيب خاطرج
عندة وعيت قالت انت اخذتني بدونه ماتغصبني ..
قال جزاج الله خير وطلع .. وطلقهااا ..
براايي انتي لما وافقتي عليه اكيد عارفه ملة الرجال ..

لا وخواته كلهم منقباات
.. اكييييد بينقبج !! هذا الشي مفروووغ منه ..


ليش عندج امل انج غير خواته.. اهو متربي جذي .. ولو ماتبين النقاب قبل الملجه امج تقول
لامه .. بنتي ماتحب النقاب وبيفهموون الناااس ..

انا كل رفيجاااتي تزووجووا مو منقبات وتنقبوا لا وبعضهم تركوا السواقه بعد ! اللهم الي تطلقت الله يرزقها
واكيد عارف نظام اهله وعاداته وتفكيره ..

ونصيحه اذا اهو عند الموضوع منتهي حطي براسج ..

اهو + نقااب .. وانتي قرري يسوا ولا لأ ..

استخيري قبل كل شي ..
ونصيحة اخت لاتخربين بيتج بسبة نقااب .
وانتي مو اول ولا اخر وحده نقبها زوجهااا ..

وبالنسبه للحب .. بالعشره بيجي ..

ونصيحه لاتعندييييين حييل واتكبرين راسج
وانتي حاطه في بالج اذااااا وقف ع هالسالفه بتلبسيينه ..

عشان لايحس انه غصبج ع شي .. مع انج انغصبتي وخلصتي بتكونين
بس حسسيه انج شااريه خااطره وشاريه رضااه عشان جذي لبستيه
مووو لانه عند وماتبين المشااكل ترا تفررق ..
ووقتها بتكبرين بعينه






ونصيحه اذا انتي حااسه الرجاال يسووا لاتخسرينه ع شي تاافه ..
لانه لو تلفين الدنيااا ماراح تلقين رجاال كاامل ..


لو كنت مكانج .. كنت لبست النقااب بدوووون نقاااش ..
مجرد لفه صغيره بالعايله بعرف اهو اشلون متربي
واشلون يفكر .. والثقه الي يتكلم فيها ريلج امبين انه
شي اساااسي عندهم ..


لا اتعبين نفسج واتعبينه وواتضيعين احلا ايام عمرج ع هووشه
بنظرري سخيفه لانها عقيمه ورايه بيمشيي اتكلم من ثقه لاني
اعرف هالصنف عدددل واعرف تفكيرهم وع فكره عندهم نقده
اذا مشيتي معاه بدوونه وحتى اهله وربعه بيعلقون فمستحيل يرضااا
.. تعلمي تكسبين ريلج وتتقربين منج ، وبتصيرين مااااي عيووونه ..
وع فكره شكله اهو بعد شاريج لانه مخلص الموضوع
ومايناقشج فيه حيييل .. غيره كان مل من عناادج وفتحج للموضوع بكل وقت
واملج الي تبنينه عالفاضي وقلبها هوشه وكبرها وصارت سالفه .. ونهايتهاا
معروفه ..


صدقيني قصتج مو اوول مره اتمر علي .. لاني معاشره هالناس لووووووول
وتقريباااا كل النهايااات ووحده .. اللهم وحده تنقبت عشان تراضي زوجهااا
وبس حملت اقنعته انه يضايقهاا وماتتنفس وعشان البيبي وقطته بس فتره الحمال
عقبها صار الموضوع عادي ولا رجعت لبسته .. واهو بعد ماططلب





الله يهدي اموووركم ويتمم لكم ع خير ...

 

[غلا-زوجي]

لالاااا ما انصحج اتفقي قبل الزواج لان بعد الزواج بتقولين حاظر غصبن عليج شرعا مايجوز تعصينة
اذا يحبج ما يهدج قوليله شرطي لاهو مهر لاهو بيت لاهي سيارة انا شرطي ما البس نقاب اذا ماتبي خلاص كيفك شوف غيري .. اذا يحبج بينسى السااالفه حزة الصجيه اذا كنتي ضعيفه ترااا بيستقوي

 

[اللهم رحمتك]

مشكورين على الردود بس للي يسالون ترى انا مخطوبه للحين ماملجنا والحين محتاره شلون افتح معاه الموضوع من جديد لانه من زمان ومااتفقنا على حل وسط يرضي الطرفين شلون افتح الموضوع واييب طاري
بعدين اهوا يبيني البسه مثل خواته ليش انا مالي شخصيه وراي مااحس انه ملتزم او مايبي احد يشوفني احس انه يبيني مثلهم وانه اهما اللي قايلين له لانه احسه شوي فري

 

[كويتية بروما]

مادري ان شاء الله البنات يفيدونج

 

[-فلانة-]

منتي مجبورة على النقاب..
ينقبج علشان خواته منقبات؟؟؟
حلوة هذي!!
خلي شخصيتج قوية و عطيها إياه من الآخر..
عجبه كان بها..مو عاجبه ما يشوف شر..مو جارية عنده إنتي..
إنتي بعد لج رايج و رغبتج و لازم يحترمها.​

 

[al-musk]

انا بالنسبة لي هالموضوع مهم واتفقو عليه قبل الزواج وياتكملون يالا

 

[ابيك م ابي غيرك]

حبيبتي .. برااحتج .. انا قلت لج الي اشووفه صصح ..!
اذا ع قولتج ماملجتي اتفقي قبل الملجه وقوولي لازم انخلص من هالموضوع قبل نملج ...


بالنسبه انه يبيج نفس خواته .. ! اهو متربي انه جذذي صصح
ومتعود ان البنت تتنقب ! ممكن انه يكوون مو دين بس ممكن عادات وتقاليد

سواء دين وعاداات .. احسهاا صعبه يتركهاا .. !
اما اذاا اهما اللي قايلين له .. اهني ممكن يتغير رايه ..


والله يهديج للحل الصح ..

 

[Alias]

شنو شخصيته

 

[كـويتية]

حبيبتي زوجي خلاني البس نقاب وخلاني البس قلافز وعبايه حبيبتي هذا من غيرته علي ما يبي احد يشوفني

يغير عليج يا حبيبتي يمكن !!

موفقه

 

[BeNt PaRiS]

ما يفيد هههههههههههههههههههههه




حاولنا قبلج و ما قدرنا




لبسني نقاب و عباية راس




و الحين توه يقط نغزات عالتسوس و الغطوه



واااااي بستخف منه



والله يا اختي بعضهم ما تقدرين تكلمينهم


انا ناقشته و بغيت اخرب بيتي


تعوذت من ابليس و لبست النقاب و عباية الراس عشان احافظ عليه و أبعد المشاكل


بس والله يوم سويت جذي كبرت بعينه


و اغلب الرياييل يحبون المره اللي تسمع الكلام يعشقونهاا

 

[DO7AWE]

إستغفار جميل جدا

يقول الشيطان: أهلكت بني آدم بالذنوب فأهلكوني بالإستغفار يقول الله سبحانه وتعالى

استغفروا ربكم إنه كان غفاراً(1) يرسل السماء عليكم مدراراً (2) ويمددكم بأموال وبنين (3) ويجعل لكم جنات و يجعل لكم أنهاراً (4)
*******
تعال استغفر معي
أستغفر الله العظيم من كل ذنب أذنبتـــــه
أستغفر الله العظيم من كل فرض تركتـــه
أستغفر الله العظيم من كل إنسان ظلمتــه
أستغفر الله العظيم من كل صالح جفوتــه
أستغفر الله العظيم من كل ظالم صاحبتــه
أستغفر الله العظيم من كل بر أجلتـــــــــه
أستغفر الله العظيم من كل ناصح أهنتـــه
أستغفر الله العظيم من كل محمود سئمته
أستغفر الله العظيم من كل زور نطقت به
أستغفر الله العظيم من كل حق اضعتــــه
أستغفر الله العظيم من كل باطل إتبعتـــه
أستغفر الله العظيم من كل وقت أهدرتــه
أستغفر الله العظيم من كل ضمير قتلتـــه
أستغفر الله العظيم من كل سر أفشيتــــه
أستغفر الله العظيم من كل أمين خدعتــه
أستغفر الله العظيم من كل وعد أخلفتـــه
أستغفر الله العظيم من كل عهد خنتـــــه
أستغفر الله العظيم من كل امرئ خذلتـه
أستغفر الله العظيم من كل صواب كتمته
أستغفر الله العظيم من كل خطأ تفوهت به
أستغفر الله العظيم من كل عرض هتكته
أستغفر الله العظيم من كل ستر فضحته
أستغفر الله العظيم من كل لغو سمعته
أستغفر الله العظيم من كل حرام نظرت إليه
أستغفر الله من كل كلام لهوت به
أستغفر الله العظيم من كل إثم فعلته
أستغفر الله العظيم من كل نصح خالفته
أستغفر الله العظيم من كل علم نسيته
أستغفر الله العظيم من كل شك أطعته
أستغفر الله العظيم من كل ظن لازمته
أستغفر الله العظيم من كل ضلال عرفته
أستغفر الله العظيم من كل دين أهملته
أستغفر الله العظيم من كل ذنب
أستغفر الله العظيم من كل ما وعدتك به ثم عدت فيه من نفسي ولم أوفي به
أستغفر الله العظيم من كل عمل أردت به وجهك فخالطني به غيرك
أستغفر الله العظيم من كل نعمة أنعمت علي بها فاستعنت بها على معصيتك
أستغفر الله العظيم من كل ذنب أذنبته في ضياء النهار
أو سواد الليل في ملأ أو خلا أو سر أو علانية
أستغفر الله العظيم من كل مال إكتسبته بغير الحق
أستغفر الله العظيم من كل علم سئلت عنه فكتمته
أستغفر الله العظيم من كل قول لم أعمل به وخالفته
أستغفر الله العظيم من كل فرض خالفته ومن كل بدعة إتبعتها