شلون افاتحهم بالموضوع ؟

[بنت ديرتها]

انا وياج من ناحية الشهاده صج الواحد بدون شهادة يضييع
بس سالفة السفره احسها صعبه انتي بالأخيير تبين شهادة من قريب ولا بعيد

و عندج كلية القانون اليديده الي بالدوحه كملي فيها
و اخذي البكالاريوس و الي سمعته بعد فيها ماجستير يعني تقدرين تحققين احلامج
والله يوفقج

 

[q8dvd2000]

اختي مادري شقولج
عجبني طموووحج بصراحه وخوفج على مستقبلج


طيب مافي مجال تكملين باحدى الجامعات الخاصه ؟؟؟؟؟؟؟؟؟ او تدرسين مثلا انتساب بره يعني تسافرين حزه الامتحانات بسس



عندي لج حل ثاني في حال الله لايقوله تسكرت الطرق بويهجج وماقدرتي تسافرين بره ولا لقيتي جامعه خاصه بالكويت بنفس التخصص مالج

عيدي الثانويه العامه بسسسس اخر سنه
ودخلي جامعه الكويت
تحياتي

 

[بحر الرمال]

كملي بجامعه الكويت
انا اعرف شكثر موظفات ياخذون اجازه دراسيه و يكملون بجامعه الكويت و تكون شهادتهم القديمه دبلوم تطبيقي
شلج بالسفر و التمرمط ترا مو شي سهل حتى لو دوله عربية

 

[* Snow White *]

بنات ممكن تركزون على سؤالها وتساعدونها؟
بدال هالبلبله وتفتحون مواضيعها الخاصه اللي ماله شغل بموضوعها؟

حبيبتي، شوفي قولي حق امج اول شي ..
بعدين خل تقول حق اخوانج ولما تقولهم خل تقول حق اخوانج انهم يقعدون وياج ويتناقشون وياج السالفه
وحاولي تقنعينهم باسلوب المنطق واهم اشياء وجذي وانه مستقبل
واذا رضوا اخوانج، وابوج مايدري عنج خلاص امشي ورا راي اخوانج لان اكيد اهما كبار و واعيين وناضجين
بس هم لازم يدري ابوج

واذا لا سمح الله، الله ماكتب، كملي بالجامعه العربيه المفتوحه وانتي موظفه وعشان تدفعين رسوم الجامعه
والله انها عجيييييييييبه وطق مطاقق عليها، وتاخذين شهادتين وحده من بريطانيا والثانيه من الكويت
دوامهم وايد حلو ومرتب وخاصه حق الموظفيين وتخصصاتها روعه وكافة المجالات، والله يوفقج

 

[قمر كويتي]

طموحج شي حلو الصراحه شوفي دامج انتي عايشة مع امج فاتحيها بالموضوع وقوليلها ودي اكمل دراستي واحسن وضعي وشوفي شنو راح تقول لان رأي الام والابو مهم يعني لو رفضوا الصراحه لازم ماتروحين بدون رضاهم وانتي ترى توج صغيره مو مشكله انا كاني كنت دبلوم واشتغلت وقدمت على جامعه خاصه بالكويت والحمدلله كاني خلصت وخذيت الشهاده الجامعية بالكويت يعني اذا اهلج رفضوا لا تتحطمين في مجال ان شاءالله تكملين بالكويت والله يوفقج بس اذا كان الابو قاسي خلج انتي الحنونه والله والله يحنن قلوبهم عليج وقلبج عليهم

 

[Nmnoum]

حبوووبة بصرآحة انا ما اشوف ان شي غلط انج تسافرين برى بالعكس ., و نا توقعت انج بتروحين ديرة اجنبية بالعكس ما اشوف ان هالشي غلط كلش ., الله وياج يا قلبي بس انتي إسعي واسعي وإسعي ماكو شي راح إييلج بسهولة كلمي أمج بالأول ., و بعدين كلمي واحد من اخوانج و نصيحتي لج خلي امج تيي معاج جم شهر هنآك إن شاء الله إن الله كتب لج ... و بين فترة وفترة تيي تزورج و تتطمن عليج مو صعبة

الله يسهل عليج إن شاء الله وتحققين كل اللي تبينه يآآآآآرب

كلمي أمج و ترى بالعكس اذا يت لج من فترة لي فترة هالشي ما رآح يأثر على مسؤوليآتها يآ قلبي منها تيي تتطمن عليج ومنها تغير جو وإن شاء الله الله يكتبلج اللي فيه الخير لج يآ قلبي .,


تقبلي مرووري =^.^=

 

[noorq8]

أول شي استخيري , وتالي راسلي الجامعات ولي قبلوج قولي لأبوج وخل واحد من عمامج أوجدك يتوسط لج

 

[Qatar girl]

طيب يا عسل ليه ماتكملين بالديرة؟؟

شنو الفرق انتي تبين شهادة صح؟ اخذي الشهادة بالديرة إلا لو بتدرسين طب هنا اشجعج تدرسين برا لانه افضل

اما تخصص كمبيوتر مدري ادارة اعمال ولا اقتصاد ولا محاسبة ولا تخصصات ادبيه كلها متوفرة بالديرة ليه السفر والغربة

هل فيه وحده من بنات العايلة سبق وسافرت بروحها ؟؟؟


بعدين السفر بدون محرم حرام شرعاً وانتي بنت صعبه تتغربين لوحدج بين وحوش العالم

وماتقدرين تسافرين بروحج بدون موافقة من ولي الامر في المطار يرجعونج لازم ورقة من الاب انه موافق يعني انسي تسوينها من ورا شور ابوج

والدراسة والشهادة تقدرين تاخذينها في بلادج او انتساب او دراسة عن بعد ماله داعي الاصطادم مع الاهل

 

[اميره1980]

ليش ما تاخذين البكالريوس هني من الكويت بدل الغربة ؟؟
انتي تبين تدرسين بدولة عربية و انتي شايفة الاوضاع الحين كله ثورات و الحال ما يطمن ابدا و انتي صغيرة بالسن كملي بالكويت احسن لج
و اذا حابه بره ليش تفتحين عين ابوج عنج ؟؟ لا تعلمينه و الحين ولي امرج امج و اخوانج دام ابوج شايل ايده منكم كلمي اخوانج و ان شاء الله اذا كان في خيره لج يرضون و اذا ما رضو هم خيره كملي بالكويت
موففففففففففففففففففففففقة

 

[Tom ♥ Jerry]

,


برايي تقولين حق آمج أول اذا وآفقت اهيه تعطي خبر حق آخوآنج
و آخوآنج آهمه الي يوصلون الحجي حق ابوج !
و خل يقولون له انه اهيه تبي تسافر بحسابها الخاص ؛) !

الله يوفقج و واصلي ابوج حبيبتي
مهمآ يكون لا تقطعينه ترا تاخذين اثم ،

 

[عاشقة هواك]

اقول يا حجية ياجعلج منتي بنتن لي @@


بس شوري لج ليش تفاتحينه اذا على قولتج مو كفو يكون ابو روحي الله يستر عليج بس

شنو هالاسلوب البربري يعني جذي قاعده تنصحينها نصحي نفسج بالاول جوفي اسلوبج

الحمد الله والشكر بس

 

[ربي محتاجتك]

بنات شفيكم عالبنت مو كل واحد ينقال عنه ابو الابو اللي يربي
المهم نرجع لموضوعج انتي الزم ما عليج ان تكلمين امج اذا وافقت تروح تقنع اخوانج ما اشوف فيها شي لو سافرتي برا وابوج بس عطيه خبر
اتتي شدي حيلج الزم ما عليج مستقبلج اذا قدرتي تسافرين خير علا خير واذا ما قدرتي يا كمر الجامعات الخاصة درسي اللي تبينه
بس علا فكرة اغلب الول العربية ثورات اب ثورات انصحج تروحين دولة اجنبية احسن واضمن
الله يوفقج وييسر دربج