شلون افاتحهم بالموضوع ؟

[حجية قدرية]

أنا عمري 21 سنه وموظفه بس شهادتي دبلوم وأبي أسافر برا أقدم على بكالوريوس

مشكلتي مادري شلون افاتح أهلي خايفه لأن مادري شنو بتكون ردت فعلهم أمي عادي سهل اقنعها بس المصيبه أبوي ! أبوي من سنه يدي مو شايفته وبيني وبينكم أنا مايهمني رايه لان مايستحق يكون ابو (مو موضوعنا)

المهم شلون بفاتحه وأقوله وأهو مسافر وأتوقع مهاجر بعد لأن من زمان وأهو يقول ان بيطلع من الديره وابوي عصبي وتفكيره معقد وبخيل حيييييل !!! وأنا بروح بفلوسي مراح أخذ منه شي وأنا كلش كلش ما اقعد معاه ولا أسولف معاه نفس باجي البنات مع إبهاتهم يعني بتكون صعبه علي افاتحه بموضوع مثل هذا مع ان هالشي يخصني ويخص مستقبلي ( رجاء بنات مابي أحد ينظر لي بنظره شفقه عشإن أبوي قاطني ومايدري عني أنا قاعده اشرح الحال والظروف)

المهم حتى إخواني شلون افاتحهم شنو أقولهم شورو علي بليز

واستفسار أخير أنا معديه السن القانوني يعني إقدر أسافر واروح وأسوي بدون موافقه أحد؟
لحد يضحك ترا ما أعرف بهالسوالف أنا والسؤال مو عيب

 

[ليه الجفآ]

حبيبتي موزين تقولين عن ابوج مايستحق يكون ابو !

لو شنو فيه .. لو مهما سوى .. لو مهما فعل .. لو بخيل لو لو لو ....

استغفري ربج وتوبي له عن هلحجي ..

هذا اولا


ثانياَ

اقعدي مع امج وكلميها ...

وافقت خلاص اهي تسوي الباجي اهي اللي تحاجي ابوج واخوانج .. او تساعدج

اذا جيتيه وقلتي له .. وتكون معاج لما تسولفين لاخوانج ...



الله يهديج وييسر امرج ...​

 

[حجية قدرية]

أمي وابوي مطلقين وأمي ما تحاجي أبوي

 

[Eva-SS]

اقول يا حجية ياجعلج منتي بنتن لي @@


بس شوري لج ليش تفاتحينه اذا على قولتج مو كفو يكون ابو روحي الله يستر عليج بس

 

[ليه الجفآ]

أمي وابوي مطلقين وأمي ما تحاجي أبوي

واذا عاد مطلقين ..؟!

هم هذا ابوج​

 

[*غلا الكويت *]

حبيبتي مهما كان هاااااذا ابوج

وانتي فاتحي امج بالموضوع واهي تسوي الي تقدر عليه واهي تكلم اخوانج او خلي اخوانج يكلمون ابوج:eh_s(17):

 

[ميس المشاعر]

اي صح صح كلمي امج وواقنعيهااا واهي تكلم اخوانج
واخوانج يكلمون ابووج وبعدين اذاا بترووحين لاازم مرافق معاج اخوج او امج
الله يحفظج ... مايجوز تروحين مغتربة بروحج ومحد راح يقتنع بالسالفة كلهااااا

 

[mf6nt el3lat]

ليش ما تسافرين انتي وامج ؟! وتكملين دراسه وامج تغير جو واخذو واحد من اخوانكم ،
والله يكوون بعوونج وموفقه ياحياتي عساج للددكتوراااه قولو امييييييين

 

[om-3azo-83z]

كلمي امج تكلمهم كلهم و تروح معاج بعد

 

[sosowaty]

شلون اتقولين عن ابوج جذي

حرام نسيتي بر الوالدين

و شلون اتسافرين بروحج ما تخافين من حقهم يمنعونج لان اول شي حرام

ثانيا لانهم خايفين عليج

و عسا الله يهديج و غلط اتقولين عن ابوج هالكلام لا تصيرين عاقه. و ربي بعدين يحرمج من النار

 

[! هُوْ وِينِه !]

قدمي بآلكويت

 

[om-s3oodi]

حبيبتي ..
بطلي معاهم الموضوع .. بطريقة عادية ..
وقولي لهم بخاطرج تكملين .. وجوفي ردّة فعلهم ..

بس السؤال : أنتي أسم الله عليج توّج صغيرة .. أشلون بتسافرين أبروحج ؟ هذا من ناحية ..
من ناحية ثانية .. منو مُحرمج بإيكون ؟!

فيه جامعات خاصة في الكويت .. جوفي وحدة منهم وسجلي فيها .. واايد أريح لج حبيبتي من أنج تتغربين ..

الله يوفجج يارب . . ويجعلج بارة في والدينج يارب ​

 

[حجية قدرية]

إمبي بنات لا تحطموني وتكسرون مياديفي

أوكي أبوي مو موضوعنا الحين وأنا انقد على تصرفاته بس أنا أحبه وباره فيه عكس إخواني يلاسنونه

أنا عندي أهم شي شهادتي وشنو المانع أني أكمل ؟؟؟؟ حتى لو برا ؟؟؟ وأمي وراها مسؤوليه وبيت مو فاضيه عشان تتفرغ لي

وأخواني متزوجين وحريمهم يدرسون بالجامعه يعني محد فاضي لي وأنا مستحيل ومن سابع المستحيلات ان اتنازل عن حلمي وابوي بنفسه كان رافض ان أخذ دبلوم بس الله كتب أني أخذ الدبلوم لان وقتها ماكان عندي خياروأنا توني صغيره مابي أضيع سنين عمري تالي اتحسف وأشوف الناس كل واحد ورافع رأسه بشهادته بس أنا ماقدر أرفع رإسي يعني مايصير أضيع مستقبلي عشان ما عندي أحد يروح معاي وأنا مو رايحه العب رايحه ادرس والرسول عليه السلام قال اطلب العلم ولو بالصين

 

[بدورة القمورة]

حرام شلون اتقولين عن ابوج جذي..

 

[حجية قدرية]

أم سعودي واللله صعبه يكون معاي أحد بس ممكن أحد من خواني يأخذ أجازه ويروح معاي جم يوم يتطمن عالوضع هذا على حد علمي لأن أحس مأكو حل إلا جذي لأن أنا حيل حيل حيل حيل مضايقه من وضعي الدراسي والمهني

 

[om-s3oodi]

أم سعودي واللله صعبه يكون معاي أحد بس ممكن أحد من خواني يأخذ أجازه ويروح معاي جم يوم يتطمن عالوضع هذا على حد علمي لأن أحس مأكو حل إلا جذي لأن أنا حيل حيل حيل حيل مضايقه من وضعي الدراسي والمهني

أنزين حبيبتي .. خاطرج شنو تكملين . .أي تخصص ؟!
برافو عليج .. آنا معاج أنه الشهادة أهم شي بوقتنا هذا ..
و بإذن الله بتكملين دراستج .. و تحققين حلمج ..

 

[ميس المشاعر]

حبيبتي كلامج كلاااا صح
بس هم الزمن يخرع هالايااام احنااا قاعدين بديرتنااا وخايفين على رووحنااا
الجمعية مااا اروح بروحي شلون تبين سفر وغربة الله يهدااج بس شي ما يدخل العقل
انااا قلت هالكلااام لأنج اذا فاتحتيهم ودروااا انج بتروحين بروحج مستحييل يوافقووون وعششان ما تنصدمين من ردة فعلهم
والحديث اللي قلتيه عن الرسول عليه السلاام ((اطلبوااا العلم ولو في الصين )) ماا اختص ريال ولا امرأة وماقال روحوااا بروحكم مووو حجة مقنعه بصراااحة
مشايخناااا قالوااا حتى الرجل يمنع يروح بروحه لازم يكون معاه اثنين او واحد ع الاقل من الرجال خوفااا من الفتن هالدوور تبين بنت وبروووحهااا ومو متزوجه الله يستر عليج
على الاقل أجلي الموضوع شوي لين الله يرزقج الريل الصالح وتروحين انتي معاه وتكملين دراستج
لا تزعلين من كلامي والله اني خايفة عليج وحق مصلحتج ...أنا من عمرج عمري 22 وعارفه طموحج كبيرررر
الله يوفقج ان شاءالله

 

[حجية قدرية]

أم سعودي أنا أبي قانون



شوق البرازي

قظبي لسانج حجيه شنو عيب ما عيب يايه تعلميني العيب ؟؟ علمي روحج أول وأنا حاشمه نفسي قبل لا اشوف رقعه نكج بعدين شنو عن الهياته ؟؟؟ شنو رايحه عند الرجال عبالج نفسج ؟؟؟ ولا انقرصتي من موضوعج ويايتلي هني ! وإذا مفكره ان إلي تدرس برا أنها رايحه تصيع فالله يعينج على عقليتج المتحجره شكلج محكوره بين 4 أطوف وماتعرفين الناس شلون عايشه
ترا السكوت من ذهب الله يعينج على نفسج

 

[حجية قدرية]

وأنا بروح دوله عربيه مو أوربا أو امريكا

 

[ميس المشاعر]

حبوبة حتى لو دوله عربية تعتبرين مبتعدة عن العمرااااان مايجووز بروووحج
وتخصصج قانون حلو ما شاء الله واعرف وحدة قاعدة تكمل مثلج بالكويت
اذااا تبيني أسألهااا عن التفاصيل قوليلي خيتي ؟؟؟

حاولت اضيف التعدديل بمشاركتي بس ما يسمح
حديث
اطلبوا العلم ولو في الصين حديث مكذوب ​

أدرس في أمريكا ، وعندما أذهب لجامعتي فأنا أغطي نفسي بملابس فضفاضة وأرتدي الحجاب . لكن المشكلة هي أن الجامعة جامعة مختلطة . وأنا أحاول أن أتجنب التحدث إلى الرجال ، لكني أجبر أحيانا على التحدث إليهم . أريد أن أكمل دراستي هنا ثم أنتقل لأعيش في أي بلد إسلامي . هل يجوز لي أن أدرس في أمريكا ؟ وهل ينطبق هذا الحديث : " لو كان عليك أن تذهب للصين لطلب العلم ، فاذهب " على النساء أيضا.

الحمد لله
أما دراسة الفتاة في مثل هذا المجتمع المختلط وهذا الوضع الفاسد فيراجع جواب سؤال رقم (5384)
أما الحديث المذكور وهو حديث : ( اطلبوا العلم ولو بالصين ، فإن طلب العلم فريضة على كل مسلم )
قال الشيخ الألباني في ضعيف الجامع ( موضوع ) برقم (906) .
والحديث الثابت هو ما رواه ابن ماجة من حديث أنس بْنِ مَالِكٍ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ ( طَلَبُ الْعِلْمِ فَرِيضَةٌ عَلَى كُلِّ مُسْلِمٍ ) ( 220 ) وصححه الألباني في صحيح سنن ابن ماجة . والمقصود بالعلم هنا هو العلم الشرعي . قال الثوري : هو العلم الذي لا يُعذر العبد في الجهل به ، والله أعلم .​

المرجع:
الإسلام سؤال وجواب
الشيخ محمد صالح المنجد

موفقه ي الغلآآآآآآآآآآ

​