شلون اعلم ولدي على الحمام عزكم الله؟؟؟؟؟؟؟؟

[al.nada]

انا ولدى كمل سنتين وشهر تعبت معاه اول شى شريتله بامبرز صروال اشوفه كل شوى يسوى بالحفاضه بعدين قلت البسه صروال نايلون

علشان يحس لين يسوى شى ويتعلم هم ماكو فايده جربت على الشهر اعلم فيه اه منه ماكو فايده يقولى بس لين يخلص ويسويها بنفسه

ولدى الى قبله علمته كان عمره سنتين ونص ماشاالله عليه باسبوع تعلم احس الياهل كلما علمتيه اكبر كلما ريحج وتعلم بسرعه وها انا اعانى

مادرى شلون ولى متى وانا ما يأست وباستمر وبشوف

 

[Pissy Missy]

انا بعد نفس الحاله
بس ولدي كبير عمرا 3 سنين ونص صج تعلم يروح بروحا الحمام
بس وانتوا بكرامه لي الحين مايعرف يوصخ بالحمام لازم البسا بابرز ولا يسوي على نفسا
هالشي واايد متعبني
والمشكله الاكبر السنه اليايه روضه ومدرسه انجليزيه يعني اذا مايروح بروحا الحمام يطردونا من المدرسه
وحدي خايفه من هالشي

عالعموم تو الناس على ولدج خليه يكبر شوي عشان يفهم شنو حمام لان ترا توا صغير على هالسالفه
راح تعانين معاه واايد على ما يفهمج يعني لما يكبر شوي راح يفهم ويستوعب وماراح يتعبج مثل لما يكون صغير

كأنج قاعده تتكلمين عن ولدي
نفس حالتي بالضبط مايرضى يسوي يوصخ بالحمام
تخيلي اذا بيوصخ اييبلي البمبرز ويقولي ماما ابي اسويه كاكا
تعبت معاه حاولت بكل الطرق مو راضي يتعاون معاي لدرجه اني فكرت اوديه اخصائي نفسي اشوف شسالفته

بالنسبه للأخت صاحبة الموضوع
اشجعج انج نعلمينه من الحين بس مو تتأزمين عندج وقت كافي اهو ماراح يبدي يفهم عدل ويتحكم بنفسه عدل الا عقب السنتين
بس لا تيأسين حاولي معاه تودينه كل نص ساعه الحمام وتيبيله العاب وستيكرز يلزقهم على الطوفه واهو قاعد بالحمام

 

[الباسمه]

مشكووره ياقلبي على الرد
والله يعينا عليهم

 

[elzain^kella]

me too