شلون اعرف ان الحيوانات المنويه تدخل؟

[نف نف22]

بنات شلووووونكم
حبيت اطرح موضووع عن الحيوانات المنويه انا هالشي محيرني ولا عارفه لها حل وقت الجماع احس واايد يطلع مني وشلون الوحده تعرف ان الحيوان المنوي دخل هل اني اراجع الدكتووور عقب الجماع مباشره يصير عادي ؟ريحووووووني بنات اللي عندها فكره . شلووون يعرف الدكتور مسحه ولا سونار؟

 

[الزمردهA]

مرحبا بصراحه ودي اعرف مثلج
لان السؤال محيرني من زمان

 

[اضوى]

سوي فحص لقناة فالوب اخاف فيه شي لاني نفسج وطلعت مسدوده والله يسمعج خير

 

[bintq8]

بعد ماتخلصين لازم تكونين نايمه وماتقومين عالاقل لمدة نص ساعه بس الي لونه شفاف هذي النهايه اللي اهو آخر شي

 

[frutty]

والله اني داشه المنتدى بسأل نفس السؤال... انا بعد الجماع على طول يطلع السائل مني بكمية كبيرة. . و ماني عارفة اذا هالشي طبيعي ولا لا... انا سألت دكتورتي قالتلي عادي بس الاخت اضوي تقول لانها كانت مسدودة... يا ريت البنات يفيدونا اذا يعرفون عن الموضوع

 

[frutty]

على فكرة هالشي يصير حتى اذا انسدحت على ظهري بعد الجماع

 

[اضوى]

انا حبيبتي لو انام ليباجر الصبح اقوم من النوم كله ينزل مني ولما كنت اقول للدكتور طبعا بعد ماسوالي اشعه الضبغه طلع السبب انسداد قناه فالوب الي يدخل كله يطلع ماله مكان داخل مو شرط انكم تكونون مثل حالتي والله يسمعكم خير

 

[تفااحة]

ترا عاادي يابنااااااااااات لا تحاااتون وال ينزل هذا السائل مو الحيوانت المنوية لان مع القذف سيدة الحيوانات المنوية تطير لرزقها بسرعة كبيرة اذا كان ريلج مافيه شي والي يطلع زايد عن الحاااجة وبعدين سبحاان اللة طبيعة الحيوانات المنوية انها تركض للبويضة بعد ماتفرز البويضة سائل تشم ريحتة الحيوانات المنوية سبحااااااان اللة وتتجه للبويضة بعضهم مايكمل يموت واهو بالطريج او يلزق على جدارالرحم والاسرع والاشطر يوصل للبويضة مع ربعة يلزقون على جدار البويضة والذكي ال يخترق الجدار ويدش ةهني سبحااااان اللة يصير الحمل عقب مايخترق الحيوان الاحسن والاجمل والاسرع والاذكى تحدث انقسامات داخل البويضة ويبيلها 7 ايام تنزل من القناة وتنغرس بالرحم ويكتمل الحمل يعني من بي الملااااااااااااااااااااااااااااااااااييين وااااحد بس بس بس بس بس الي يوصل تخيلوا المنظر سبحانك ياربي .......

اما بالنسبة لي كان ينزل مني وانا مسوية الاشعة الحمداللة مافيني انسداد ...................
لاتخااااافون بس اذا نزل منكم ثاني يوم اونفس اللحظة السائل ثقيل حيل ومتلبك هذا مو زين يمكن لزوجة معاااااااااااااااااااة ... لازم ياخذ علاج مذيب للسائل ......................................
اتمنى انكم استفدتم .................

 

[klara-76]

مساء الخير جميعا شخباركم ؟؟؟؟ مشكوره اخت نف نف 22 على سؤالج الحلو كان ابالي من مده بس اتوقع عادي السائل الزائد يطلع بس تمي منسدحه على ظهرج همن انا جذيه مو شرط يكون كله داااخل سبحان اللي ياخذ شي معين ويبقي الباجي بس اللي بعرفه هالكميه الداخله ليش مايصير حمل انا اوكي مافيني شي بس زوجي منه ويعالج فيه ضعف معقوووله مايصير حمل بنات في بنات وايد رياييلهم فيهم ضعف ويعالجوون بالحبوب ويصير حمل بس انا ماصار مادري ليش؟ صارلي سنتين .

 

[WaChoCha]

سؤالج عزيزتي والله انه بمكانه .... انا بعد عندي هالسالفة ان السائل يطلع كله وبكمية كبيرة يعني حسيت مافي شي يروح داخل ... عاد وانا اسوي فحوصاتي بمركز اطفال الانابيب اكتشفو ان عنق الرحم مسكر يعني مافي شي يروح داخل ....والحمدلله على كل حال فتحوه

بس ان شاء الله مافيج الا العافية

 

[بدون هويه]

بنات بشنو افتحو الانابيب عندكم فتحه من السر والا عن طريق المهبل وشنو اهى الصيغه اللى تتكلمون عنها

 

[WaChoCha]

بدون هوية اشعة الصبغة اهي اللي تفتح الانابيب من بعد ارادة الله ...يسوونها عن طريق المهبل

 

[الأمل باقي]

ياريت احد يكون فاهم بهالشي يجاوبنا
لاني انا بعد وينزل بكميات كبيره.... بس انا سويت تحاليل وسونار معقوله ماشافوا اذا فيني شي ولا لأ

 

[طيبة الطيبات]

اخواتى انا فى بدايلة زواجى كان شذى ينزل مثل الحنفيه وانا منسدحه ماقمت ببس من بعد مامرخت تقريبا 3اشهر لله الحمد ينزل شويه كان رحمى صاد ورحمى نازل

 

[نف نف22]

مشكوووووووورين على ردووووودكم والله بنات هالسؤال مهم وبس محد مهمتم فيه قلتبسأل وبشوف الردووود طلع مو بس انا متحيره الجميع متحير مثلي وانزين شنو الحل سمعت ان عادي في دكاتره يكشفون عقب المعاشره الحيوانات تدش ولا لا صحيح بنات اللي تعرف تفيدنا

 

[lolo6688]

وااااي نفس حالتي
ترى انا عندي بنته عمرها 3 سنوات
وحملت فيها علطوووووول
والحين صارلي 6 اشهر ماحملت
كل الحيوانات تطلع بره
احس مافيه شي يدش داخل
مادري شسوي
رحت جيكت قالتلي مافيج شي

 

[أحلى عيون]

معروفه يا بنات البنت الي ينزل منها الحيوانات المنويه يعني رحمها مرتفع مثلي تماما


اختي الغاليه بعد ما تخلصون جماع على طول نامي على بطنج وياليت تكون طريقه النوم (اعذريني على الكلمه ) يكون وضعكم الفرنسيه اذا ما تعرفينها اهيا الي نفس حركه السجود


والله هذي عن معلومات دكتوري لانه يوم سويت اطفال الانابيب بعد مارجعوا الاجنه نمت على بطني استغربت وقالي رحمج مرتفع واذا نمتي على ظهرج راح ينزل كله

شوفي الطريقه هذي وادعيلي وحتى لو كان وضع الجماع عادي بس تخلصين نامي على طول على بطنج وشوفي ولا شي يطلع منج


والله الموفق

 

[مهاوو]

اللي ينزل يابنات طبيعي

 

[السمرة~القمرة]

شنو سالفة اللزوجة

وشلون اكتشفها ؟؟
لازم فحص ؟؟

والانسداد يبين بالسونار الداخلي أو سونار التبويض؟؟؟

 

[Samora]

ترا والله عادي انا بأول زواجي كان نفس الشي ... وكنت اقوم اغسل وعادي
بس لما كنت ابي احمل بإذن الله يعني .. كنت ما اقوم من السرير بعد الجماع وارفع ريولي خمس دقايق .. ونام لي ثاني يوم وغسل ما في شي
وحملت الحمد الله .. من ثاني شهر زواج
يعني اهم شي انتي لا تقومين بسرعة بعد الجماع وصح بعد الجماع من الخلف بعد يساعد بهل موضوع ...