شلون اعرف اذا ريلي سافر بالبطاقه الذكية ؟؟

[أميرة موناكو]

دقي عليه بالدوام وتأكدي شوفيه مداوم والا لاء ودقي علي موبايله يبين اذا اهو بالديره والا بره ليش تدعين عالريال بالماحي وانتي مو متأكده ياويلج من الله

ام نونو يالغاليه انا قلت اذا كان مسافر ويجذب علي . اما ادا صاج مو ياعله للماحي :eh_s(7):
خطه مفصووول منذو مبطي مايفكر يرده يقول جذي مرتاح ، عشان جذي مايبين رنة التلفون
ونتواصل ببرامج الاتصال ملوت الايفون / خط نت ،



ساعات اقووله دزلي موقعك الحين ، دزلي مره ومرتين وبعدها قام يتنرفز : شنو انتي شاكه فيني
مو واثقه فيني هذه طبيعة دوامي

بنات اللي قالو جيش او بترول اعرف انه دوامهم فيه شفتات بس ياربي مو طول السنه
اللي ياخذ شفتات يعطونه راحه مثلهم او دبل الايام اللي قعدهم ، ريلي بالمره ما شوفه الا يوم
او يومين بالاسبوع،








واللي سألت شنو البطاقه الذكية ::: اهيا البطاقه المدنيه اليديده
تسمح بالسفر لدول الخليج من غير جواز


*

 

[تسوآهن]

ان بعض الظن اثم وليش دورين وراه وتشتتين تفكيرج وتكبرين اكبر من عمرج بالهم خليها على الله وادعيله و لاتفتحين عيونه على شي غافل عنه ودايم الحرمه شكاكه والله يعينج لان الشك مرض ولا تخلينه يتمكن منج وعيشي حياتج عادي وحاولي تخلينه ياخذ اجازة وروحي معاه فندق ولا سافري وغيري جو روحي عمره يمكن الله يهديه وغيري شوي من اسلوبج وحياتج جددي والله يسخره لج ولا يشوف غيرج من الحريم يارب

 

[PuPa^^SWeeT]

لاا الجيش فعلا ترا يصير اربع ايام محجوز و يوم ولا يومين يفجون عنهم


رفيجتي حتى اتقول مايي الا يوم و نص و استحي اقوله ييبلي الماجلة لأنه يبي ينام فيهم دوامه متعب حده

 

[sara 88]

ولو سافر يعني شنو بتسوين؟

شاغله نفسج ومهتمه بشي احتمال 1% انه صحيح

احس انج افضى امراه في العالم لو غاب زوجها عنها تفكر شنو يسوي

 

[! بــدويه وآآيــد !]

،


اسهل شي لازم تعرفين احد بالداخليه يقولج من وين طلع واي دوله راح والساعه جم وكل شي برنت
انا زوجي لما سافر السعوديه جيكت من وراه وفعلا طلع رايح السعوديه وعرفت من اي منفذ وكل شي
مافيها شي اذا الوحده جيكت ورا زوجها اذا مو متاكده
دوري احد بالداخليه ويعطيج برنت

 

[blue rain]

طيب بنات فيدونا الله يخليكم اللي تعرف
لان زوجي كل جم شهر يقول عنده حجز ويسكر تلفونه
وانا اشك انه يسافر بالبطاقة الذكيه
تكفووووووووووووووون ساعدوني وبردو قلبي الله يبرد قلبكم دنيا واخره

 

[LuLiTa]

ليش اتعورين راسج و ادورين الطلايب ؟
ترا صج في ناس يكونون محجوزين بالدوام بـ الايام و الاسابيع خصوصا الجيش و البترول .. لا ادورين من وراه و لا اتيبين الغثا حق روحج ...

 

[فوفو22]

رنه الموبايل نفسها تتغير بالسفر وتصير نغمتها اطول

بس ركزي على النغمه


فوفو

 

[marroqo]

انتي ليش خاايفه بعرف استغفري ربج بس يمكن صاااج
بعدين حتى لو بيسافر بالبطاقه وين بيسافر يعني غير السعوديه والبحرين وقطر الزبدة البطاقه تطلعه لدول الخليج بس واذا فيها خووف ع دبي بس انه ما يسافر لها مو احسن من مصر وسورياااا وغيرهااا.......
انا اقول ادعيله بالهدايه سوا مسافر وما قالج ولا مو مسافر احسن من انج تدعين عليه
وربي يسخره لج حبووبه
وتقبلي مرووري

 

[دلع انثه]

ماعندي فكرة

 

[الله كرريم]

بنااات لا تسوووي كل وحدة نفسها حكيمة زمانها ،، يعني لو غااب زووجج جم يوم واكثر من مره وماكلمج ماتسووين شي !! اسمحيلي اقولج وين عايشه انتي ..


البنت شاكه بزوجها وتبي طرريقه تحل مشكلتها.. شكووو تقولون لها لا تظلميينه ،، والله هو اللي ظالمها ومخليها ومو مطمن قلبها !!*