شلون اعرف اذا ريلي سافر بالبطاقه الذكية ؟؟

[أميرة موناكو]

شلونكم



حبايبي مثل ماهو واضح بالعنوان شلون اعرف

يعني بالجواز يبين ختم الدوله اما البطاقة الذكيه مايبين فشلون اعرف ؟
لانه ريلي يغط ثلاث اربع اياااام ومادري عنه كله يقووولي يااعمري وين بكوون اكيييد بالدوااام

فبعررف اهو بالكويت ولا مسااافر ياعله الماحي اذا كان يسافر ويجذب علي

 

[زوجة عزيز]

امبيه ماعندي فكره والله ان شاء الله البنات يفيدونج

 

[ryoonah]

الله يعينج شنو اربع اياام بالدوام

 

[يافديت الدلع]

والله مادري انا ملجه لحد اللحين مارحت عنده

 

[الغاليه نونو]

دقي عليه بالدوام وتأكدي شوفيه مداوم والا لاء ودقي علي موبايله يبين اذا اهو بالديره والا بره ليش تدعين عالريال بالماحي وانتي مو متأكده ياويلج من الله

 

[حطمۈكہ يآقلبي]

ااااب

ماعندي فكره ​

 

[درب المحبة]

ماعندي فكره حبيبتي

 

[miss_whitemocha]

إذا تعرفين أحد بالجوازات تقدرين تسألين إذا أهوا مغادر البلاد أو لأ.. بس عفوا سؤال بسيط يعني؟؟؟ شنو طبيعة دوام زوجج؟؟ انا كنت أداوم في شركة بترول قطاع خاص و كنت أبات برة بالأيام..وبعض الشباب اللي معاي كانوا يقعدون برة بالأسابيع..لا تشينين النية..يمكن إنه صاج.​

 

[$ الـسـلـطـانـــــه $]

شهالدوام اللي يغط اربع اياام
دقي عليه كل يوم وتأكدي بسسسس

 

[حلوه بس بلووه]

اب لعيونج

 

[وردة-الكويت]

تركدي قبل لاتتهمينه يبين اذا هو بدوام او مسافر يبين من رنه التلفون

وان شاءالله يكون صادق وياج

 

[هيبة ملك]

فعلا رنة التلفون تبين

 

[شاهي بالحليب]

عفوا ممكن أعرف وشي البطاقة الذكيه

 

[PuPa^^SWeeT]

حبيبتي ليش اتدورين الطلايب

سافر ولا رد

ريلج دوامج بالجيش ؟؟؟؟

ولا بالبترول


اكيد يغطون شوي

لاتفكرين بوساوس الشيطان

اذا مسوي شي غلط ادعي انه ربج يهديه اذا تبينه

اذا ماتبينه قولي يارب اكشفه لي

 

[كـ غلا ــلي]

لا تتصلين عالدوام خوفج يجكج انج تسالين من وراه ومو واثقه فيه وتالي ما تسوا عليج

او يمكن مثل ماقالوا البنات طبيعه شغله تحتم عليه يغط بالايام

 

[FeShinGoOo]

دوام 4 تيام ؟؟


ليش ريلج وزير ؟؟؟؟ :/

وانتي خلال هال 4 تيام ماتدقين عليه ؟؟؟

 

[طـير7]

!!!!!!!!!

 

[مكنتوشه]

الصراحه سؤالج وايد حلو

ودايما اسأل نفسي شلون بعرف اذا سافر ؟؟

سالت اخوي قالي بس مو متأكد من الجوازات

 

[om MaRyooM]

اذا عندكم احد بالمطار او الجوازات يبين علطول

 

[كويتية بروما]

حرام تدعين عليه بالماحي ماتبينه امه وابوه واهله يبونه استغفري ربج
وان كان يحب السفر والخرابيط ليش تزوجج جان ماتقدم لج وملج عليج ان بعض الظن اثم
شنو دوامه ان كان شفتات عادي
المهم انتي مو عنده لا خداج احكميه حكم وتقدرين تسيطرين عليه
النصيحه الحين تركيه بحاله لاتدورين وراه