شلون اصالحة وارد المياه لمجاريها ؟

[Q8Lily]

مساء الخير بنات

هذي أول مرة اكتب فيها مشكلة بهالقسم وان شاء الله ربي يجعل حل مشكلتي عند العاقلات منكم ....


قبل جم يوم صارت بيني وبين زوجي مشكلة كبيرة حيل حيل كادت ان توصل للطلاق !! وبصراحة الغلط فيها مشترك تقريبا بنسبة 50 %

اهوا ما قصر و انا ماقصرت بس جنه اهوا زودها شوووي

زعل ومايبي يرد المياه لمجاريها !!! وطنقر ولا يببي يكلمني ولا يبيني اكلمه

قالي انا اكتشفت ان انتي ما تفهميني وانتي فيج وفيج ومصخها شوي معاي

انا شريت بيتي وسكت ما رديت على كلامه !

ابي ارد المياه لمجاريها شلووووووووووووووووووووون شسووووووووووووووي

احس انه حاقد علي وبيشيلها بقلبه !!! لاني اعرفه اهوا من النوع الحقودي شوي ويشيل بقلبه !!!!!

عطوني افكار ابي ارد المياه لمجاريها ابيه يرد لي مره ثانيه ومابي المشكلة تكبر اكثر !!

علموني شسوي

وادعووووووووووووولي بنات الله يصلح بيناااا

 

[مولاي الفرج]

حبيبتي الكلمه الحلوة كافيه خليه فترة بعدين كلميه بكل احترام سويله شي ياكله وقعدي عاجله ههه وبس

 

[miss_7sawiya]

تبين نصحيتي الريال نفس اليااهل واكتشفتهاا الحين بالفترة الحالية طبعاا انا توني متزوجة وشهر 6 انشاالله رااح اولد واكمل سنة من زوااجي ( بجرية ) عندي قااعدة لازم اطوووف وعقب سااعة سااعتين افتح والموووضووع بس شلوون بطريقة حلوة وداايماا احط حرتي بالكشخة علشاان احره >> وهذا الصج عااد اهوو بسرعة يطخ وايي يرااضيني سوويو طريقتي يمكن تنفعج بشي
انشااالله يااار ب

 

[أحلا اثنين]

الله يصلح بيناتكو
ما الك غير الرومانسية,, بدلع حسيسيه لنك بتحبيه وانه المشكلة خلص انتهت وانه كل الناس بسير بيناتهم سوء تفاهم
لما تجو تنامو لا تتركيه ينام لوحدو روحي معه واحضنيه, وان صدك اعتذري منه
والله يهديه ويستجيب وساعتها تفاهمو وكل واحد بعتذر عن غلطو
والله لا يجيب مشاكل

 

[دلوعة مبارك]

انا اقـــول بالرومانسية مثل كلام احلا ثنتين .... يعنـــي اذا اهو يسهر عند ربعة للساعة 1 او 2 انتي روحي تكــشخي عدل مدل .... وطفي الليتااات واترسسي الارضية شموع وبخري البيت خلي الريحة تعطعط بكل مكاااان .... والبسي القميص الي اهو يحبة مع العطر الي اهو يحب يشمة فيج .... وحطي بالغرفة طاولة فيها الحلا الي يحبة ..... واعتذري بطريقة رومانسية ... وبدلع ... عاد اهو بيجي من اقصصصصصصصصصصصصاة .... مايصدقون خبر بهالامور .... وبيعتذر لج اهو بعد ..... وانشاللة الامور ترجع لطبيعتهاااااا يارب
عساللة يخليـــــكم لبعض ولا يحرمكم من بعض

 

[كادى الحب]

اللة يسخرة لج يارب

 

[المكسيكيه]

قولي له كلام حلو ان شاء الله قلبه يلين حقج

 

[A.E]

الله يسخره لك

رفع

 

[om mishaal]

أول شي لازم تقعدون تتفاهمون بهدوء بسبب المشكلة وتوجدون حلها
وتنتهي المشكلة على خير تماما وما يكون لها رواسب
بس النقاش يكون بقعدة رومنسية هادية ضبطي للقعدة على ذوقج وهدي نفسج وصوتج وانتي تكلمينه
ومهما قال لا تعصبين ولا تنرفزين خله يطلع اللي بقلبه
وفهميه كل البيوت فيها مشاكل وخلافات بس ما توصل للطلاق
وانه انتي شاريته وتحبينه وما تبين تتركينه وخليه خليه خليه يشعر إنج فعلا تحبينه وشاريته
ومفروض عقب كل هذا هو يلين ويحاول يتقرب
ولو عقب كل هذا ما حس تركيه فترة وهو يهدأ بروحه يمكن من النوع اللي ما يحب الحنه والزنه فوق راسه
الله يوفقكم

 

[dectora 7elwa]

الله يصلح ما بينكم باسرع وقت يارب
اغلب الرياييل ماايطيح اللي براسه
اللي خبري خبرج
انتي بادري بيطيح نص اللي بخاطره

 

[lolayasmeen]

احسن طريقه اذا ماتعرفين تعبرين تكتبين له رساله اعتذار وتعبرين عن اللي في خاطرج وانتي اشكثر تحبينه وتخافين علي زعله
وحطي عليها بوسه بالحمره مع الكشخه طبعا والعطر وانتي بعد اكيد تعرفين طبع زوجج وشنو اللي يجيب راسه والله يصلج ما بينكم

 

[نفهمها صح]

النووع اللي زي رجلج ينترك للين يطيح اللي براسه
يعني مارسي حياتج طبيعي مثل قبل وتكلمي عادي
بسسس لاتحاولين جربيين يمه لين اهوو يبتدي بلكلام
(ههههههههه) نفسس طبعا اللي تكلمج

 

[dectora 7elwa]

واذا تطلب الامر كلمات تحوي معنى الاعتذار ما في مانع مثل
اعذرني
فوتها
ماراح تتكرر
المسامح كريم ومن هالكلام

 

[NODA 2]

تكفووووووووووووووووووووووووووووون الي يقولون كشخي واااااااااااااااااي وين عقولكم وبعدين كشخت الحل بالكشخه مثلاا
واااي الناس وصلو القمر واحنا للحين بس نفكر نراضي ريايلنا بالتكشخ

سمعي حبوبه اول شي اذا انتي توج متناجره معاه نصيحه لا تكلمينه الحين ساعات الواحد يحتاج يكون بروحه يفكر بردة فعله و بالكلام الي قطاه عليج وانتي نفس الشي قعدي فكري ليش وشحقه وصلتو لي هالطريقه و شنو سبب النجره الاساسي صدقيني راح يطخ من نفسه وهم انتي راح اطخين و علي الاقل لما يرد يكلمج بعد يومين راح تتكلمون بهدوء و صدقيني لابد يشرحلج تصرفه معاج وحتي انتي قوليله اسفه ما اقصد وراح يطيح الحطب بس اهم شي لازم تعطينه مجال ياخذ راحته ترا الريال غير عن المره والله يهديكم ويهدي الجميع

 

[Q8Lily]

واااااااااااي حبااااااااااااايبي احبكم كلكم

انا قبل لا يطلع الموضوع بالقسم رحتله صج بدون كشخة يعني على بو عفوية وراضيته بال احم احم لوووووووووووول

بس للحين احس المياه ما رجعت لمجاريها مثل اول

 

[faith1]

حبيبتي فالموقف الرومانسيه والكشخه ماتنفع الرجال حاقد عليها وانتو اتقولون اكشخي وحريه!!!!!!!!!!!!!! شهالمنطق واشدعوه اهو بيطالعها اذا كان زعلان وشايل بقلبه................نصيحه مالك الا الدعاء وقعدي معاه وتفاهمي واعتذري وفهميه ان بينكم عشره واعيال وان هذه الدنيا مايجتمعون 2 تحت سقف واحد الا تمر عليهم مصايب وبلاوي مايعلم فيها الا ربك بس بالصبر والتضحيه تعدي المصيبه على خير ...........والله يوفقكم ان شاءالله

 

[زوجة عزيز]

الله يهيديه ويسخره لج

 

[الترفة]

طوفي ماراح تاخذين من الدنيا شي وخلي اسلوبج معاه حلو واذا شفتيه معصب خلي المكان واطلعي ردي بعد شوي
كان شي ماصار وادعي ربج ان يهديه ,,,

الله يوفقج ويسخره لج ويسعدج