شلون اصارح مرت اخوي

[بنت التمايمة]

طيب لو هي ماتبي تسوي كيراتين وتخاف على شعرها من المواد كيميائية
روحي مع اخوكي السوق وجيبوا لها الة تمليس بيبي ليس اخر موديل نزل لونه اسود خطير والله عجيب
يخلى الشعر كانه حرير مافيه ولا كسرة وسريع
اخوكي يعطيها الجهاز على انه هديه ويقولها خاطري اشوف شعرك بلوك غير ويقنعها تقص شعرها مدرج ويمدحها كل ما سوته
حتى انتى امدحيها وقوليلها الصراحه احلى عليكي وبالنسبه للمكياج قولى لها مافيها شي بس بطريقة لطيفه بدون احراج

 

[غدووور الكويت]

ماكو على الكيراتين توني مسويه يهبل خلي اخوج يكلمهاا

 

[أم^تركي]

المختصر المفيد مالج شغل فيها زوجها بينها وبينه
مو حلوة بنت توها ما تعرفج ما تعرف خيرج من شرج بعدي عمرج عن الحريم ما وراهم اللا عوار الراس
زوجها يقولها انتي شكو حتى لو علق اخوج لا تعلقين

 

[هيبة ملك]

اخاف تكلمينها وتزعل!

 

[يارب احفظ عيالي]

خلي ريلها يكلمها احسن

 

[قطرة من سحاب]

خلي اخوج يشتري لها هذا وتدعوون لي والله يخلي الشعر املس وناعم ويلمع

 

[FeShinGoOo]

معقوله خواتها او امها او ارفيجاتها مانصحوها ماتوقع ..
عشان جذي اقولج اتأكدي 1000% انها تدري مو جاهله هالموضوع بس يمكن اهي اتحب اتكون واثقه بنفسها لو مهما كان ويمكن حاولت تنعم شعرها بس ماحصلت نتيجه ..

انا اقول الحين خلج لاتكلمينها وبعد فتره روحيلها وقوليلها فلانه شعرج متغير مو نفس قبل احسه جاف لاتقولينلها كشه وخشن لا قوليلها جاف اشرايج نسوي انا وياج كيراتين وانتي سوي معاها علبو انه يتشجعينها وعلبو انج انتي بعد محتاجه

او خلي اخوج يوصلها المعلومه بدون مايجرحها مثلا يسوي روحه يلعب بشعرها واصابعه تتشابك
اهي راح تفتشل وراح تفهم ان اخوج مايبي جذي

واذا كلش كلش اخوج تعبان نفسيا من شعرها خل يقولها بس بطريقه حلوه

 

[الجو رايق ~]

عادي زوجها يقولها بوديك سوي كيراتين مافيها شي ومنه بتتقبل اكثر .
الحواجز بين الزوجين مالها داعي ...

 

[عطر الدوحه]

خلي اخوج يقولها

اتوقع كل شي سولفوا فيه مو عيزان لايلمح لها او يقط نغزه


انتي طلعي من السالفه لان خوفج بكرى السالفه تقلب عليج وانتي على نياتج

 

[گـحِـلْ |~]

.

إقترحي عليهآ إقترآح

لآتخلينه على طريقة أمر ..{

 

[انصاريه قمره]

مشالله عليج الله يحفظج
صج اصيله لو غيرج جان سوهاا مطنزه

 

[last-moon]

شوفي انا من راي انج اتقولين لها ان وحدة من باب السوالف والرفيجات يعني يبي الموضوع على ضحك
من وحدة من رفيجاتج اتقول ان شعرها مو ناعم وتحاول اتسوي كيراتين
لان زوجها موعاجبة الوضع ومن هذا الحجي وشوفي رايها في الموضوع

 

[فنونه التميمي]

هلا والله
أنا والله احترت بعد ما قريت ردود البنات
بس انا مع اللي تقول لا تتدخلين بينهم بعدين تاخذ بخاطرها عليج
واذا خلاص ناويه تكلمينها اصبري شوي لما يكون بينكم ميانه وتقعدين تمدحينها في كل شي بس ما نقصج الا شعرج يبيله كذا وكذا
اما المكياج لو تقولين لها وش رايج تجربين مكأبي شكله بيناسب لج اكثر مني احسه مو على درجتي ( حتى لو تكونين شاريته خصيصا لها على درجة لون بشرتها )
آسفـــــــــــــــــــــــــــــــــــــــــــــــــــــــــــــــــــــــــــــــه ع لإطاله

 

[om_dodo]

مادرى قويه يمكن تنجرح
بس والله فيج الخير تبين مصلحتها
لازم تقوليلها بطرقه دبلوماسييه

 

[sosa_23]

رايي حبوبه لا تدخلين خلي ريلها يقولها احسن يمكن تتحسس او تاخذ منج موقف و اهي بعدها عروس ماتعرفج

 

[دفى نجد]

ليت كل الحموات مثلك تبارك الرحمن ..,

لاتقولين لها بتفهمك غلط ..خلي زوجها يقول لها أحسسن ..,

 

[عاشقة هواك]

لا تقولين لها شي قوليلها امشي خل نروح الصالون لما تروحون الصالون قوليلها شرايج تسوين كراتين تصيرين احلى

جذي ما تزعل ولا تشيل بخاطرها

 

[lamoshty]

نصيحة لاتقولين مالك شغل

و اخوك بيجي اليوم الي بيقول لها

والله بيجيك يوم بتندمي على هالشي ماتدرين يمكن تقلبها عليك وتسويها سالفة ماتدرين عنها
فأنتي مالك شغل اذا هي ماحست ولا جتها الغيره من الي معها بالبيت احلى منها واذرب منها فاتوقع مو انتي الي بتغيرينها

اكيد تعرف بهالسوالف بسس البعض ماعنده روح التغيير ... توقعع ..


الله يصلح الحال ..

 

[لورا 22]

ما راح تقبل منج اخووووج يقول احسن اول شي تدري انه مضايقه أكيد ان راي رجلها عندها اهم يمكن ما يهمها رايج

 

[فرحه عمر]

حبيبتي لا تتدخلين مو كل الناس تتقبل يمكن الحين تضحك بويهج واي وان شاء الله بسوي كيراتين وتروح من وراج تتشكي عليج انج حشريه

مو قلتي انها تنزل عندكم ومن غير ملفع يعني اهي لو مفتشله من شعرها جان على الاقل قطت على راسها ملفع بس اهي عادي عندها مو هامها ولو انها شوي محتره من الباقين او ودها تجاريهم جان على الاقل سشورت القذله حتى لو ماعندها قذله تسوي شعرها اللي جدام بس هذي عااااااااااادي الامور عندها وسهالات

ومعلش ياقلبي ماكان المفروض تفاتحين اخوج بالموضوع وتكبرين السالفه براسه