شلون اسوي مرق سمج...بايز ساعدوني

[saratee]

السلام ....

بنات بليز شلون اسوي مرق سمج بدون زفر وشنو نوع السمج ...يصير مع النويبي والا لازم هامور
والا شي ثاني بليز فيدوني

 

[جارة القمر]

رد : شلون اسوي مرق سمج...بايز ساعدوني

تفضلي طلبك


http://www.q8yat.net/showthread.php?t=94441


http://www.q8yat.net/showthread.php?t=452965


http://www.q8yat.net/showthread.php?t=240191

 

[ام الدرر]

مرق السمج حبوبة يصير بالزبيدي -النقرور حجم صغير -الشعوم
نظفي السمجة وحطي ببطنها خل وفركيه شويه وعقب غسليها
تبليها ببهارات مخلوطة وملح من داخل وبره وعقب رشي عليها طحين واقليها بزيت نباتي تتحمر بس مو تستوي
خلطي حبات طماط بالخلاط وحطيه بجدر على النار يطبخ
بجدر ثاني حمسي بالترتيب
سمن وزيت نباتي +بصل ناعم +كزبر وشبنت مفروم ناعم +مكعب ماجي خضار +ثوم مدقوق ناعم قلبيهم شوي
وحطي عليهم نص علبة معجون طماط +لومي اسود حبات +فلفل اخضر كامل
اخذي السمجة وحطيها على الحمسة وقصري النار 5 دقايق والجدر مغطى
عقب صبي الطماط اللي انطبخ على السمجة وحركي السمجه يمين ويسار شوي شوي ووتاكدي من الملح وغطي الجدر مرة ثانية 10 دقايق الى ربع ساعة حسب حجم السمجة
وبالعافية حبوبة​

 

[saratee]

رد: رد : شلون اسوي مرق سمج...بايز ساعدوني

تفضلي طلبك


http://www.q8yat.net/showthread.php?t=94441


http://www.q8yat.net/showthread.php?t=452965


http://www.q8yat.net/showthread.php?t=240191

مشكوره يا حياتي تسلمين

 

[saratee]

مشكوره ام الدرر عساج ذخر ...بس هل يصير اسويه مع النويبي ريلي يحبه وايد

 

[almjroha]

رد : شلون اسوي مرق سمج...بايز ساعدوني

السلام عليكم هذي طريقتي الخاصة مرق اسمج انا احسن شي ازبيدي او نقرور اوشعوم اتغسلين اسمج وتملحينا مع عصير ليمونة ويترك ساعة ويخلط لبهار كمون ولومي اسود ناعم هيل وفلفل اسود قليل وكركم وكزبرة ناعمة وتفرم بصلة ناعمة واثين فص ثوم ودارسين ناعم الطريقة يسخن زيت في مقلة عميقة يغسل اسمج ويتبل في لبهار داخل اسمج وبرة وتمسح من برة بدارسين ويقلة في ازيت يحمر الجهتين لايحرك اسمج ويحمر و يترك على جنب ويحمس البصل في زيت اسمج قليل ونضع اثوم ومعجون طماط ويحمس وثم نخلط طماط طازج في الخلاط ونضعة على البصل ويسبك على نار متوسطة بعد خمس دقائق الومي لسود وكزبرة طازجة ونضع الماء تقريب اربع اكوب وبعد خمس دقائق نضع اسمج قليل قليل يترك خمس دقائق ويملح حسب ارغبة ويسكب في بادب بالعافية

 

[saratee]

يعطيكم العافيه

 

[فتافيت الكويت]

[البنات ما قصروووووووووووو[/b]