شلون استقبلتي أهلج وضيوفج بعد العملية القيصرية

[so0os]

في عوار بس يخف اهما السسترات راح ايون ويمشونج غصب ويدخلون معاج الحمام وانتي بكرامه بالاول بتكونين خايفه لان ما تعرفين شنو نوعية العوار بس تمشين ويساعدونج السسترات يهون عليج كل شي يروح الخوف فا تنسين العوار اهم شي ادفي لان كل ما بردتي زاد العوار

 

[Bio_reem]

سووسا
انا قيصريه ثاني يوم سبحت بالمستشفى
يكونون حاطين عازل للماي فوق الجرح وعادي

سعادة القلب ًوياه

والالم يعطونج مسكن حتى لما تطلعين من المستشفىى يخفف العوار وهو عوار محتمل وقت لما تتحركين بطريقه معينه او نايمه وبتقومين بس انا اسبوعين راحه بعدين داومت بالجامعة عادي
الله يقومج بالسلامه ويسهل عليج

 

[Capsopen]

اي و الله ! انا محتاره بعد لانه حالتي قيصريه
مفكره اولد بدون استقبال للكل عشان اخذ راحتي
يعني شاينا و قهوتنا و حلو نوعين عادي و لا ورد و لا شي
تالي اروح البيت و لي ارتفعت الحبيايب حياهم الله اب اي وقت الشاي و القهوه و الحلو و المالح موجود
كللش مالي خلق مقاقه استقبال

 

[british rora]

انا كنت والده قيصريه وكنت اول وحده تولد قيصريه ماكنت ادري شنو القيصريه اول يوم استقبلت اهلي و حمولتي و تحسفت قد شعر راسي لاني توني طالعه من غرفة العمليات وبنج و كنت ماقدر اتكلم لان الكلام يطلع معاه هوا تنفس يحرك بذنج فكنت بس اقول حرف واحد احس بعوار صوب بطني العمليه هذا غير عن دوخة البنج و كانو اهلي متعطرين والعطر موزين مع البنج هذا غير عن البوس والسلام ماكنت اقدر ارفع راسي ولا اقوم لازم اول جم يوم منسدحه على ظهري ترا القيصريه مو ولاده عمليه

 

[british rora]

بذنج = بطنج