شلون اسبح القطاوه ....؟الي تعرف شلون تساعدني ..:)

[عسوله تحب بطسايه]

سلام بنوتات

شلونكم شخباركم ..انشاءالله سافا ...



بنات انا كل سنه اشتري قطاوه ..وبعد فتره اوزعهم والسبه انه تطلع فيهم ريحه وماعرف اسبحهم

عفيه فيدوني اشلون اسبح القطوه...من غير لا تشمخ !


وبعد اسبوع بشتري قطوه ...اشتري ذكر ولا نثيه ...واخذها صغيره ولا كبيره


الانه العام شريت ثلاثه صغار اذوني مايعرفون يروحون حمام ويوسخون وطلعت فيهم ريحه ...:eh_s(11):



بنات امانه نبي تجاربكم وخبراتكم ...


دمتم بود​

 

[Gap Junior]

على حسب من قطوة لي قطوة يختلف

في قطاوة تحب الماي و قطاوة تخاف

بس اذا انتي اول مرة خلي احد معاج بالحمام اختج مثلا

وحدة تمسكها و الثانية تغسلها

ابتدي من رقبتها بعدين بطنها بعدين ذيلها و ريولها

اذا غسلتيها الاحسن ان ما تغسلين ويها لان اذا دش الماي بأذونها تموت بسرعة فديري بالج

و اذا غسلتيها و خلصتي نشفيها عدل مدل و خليها بغرفة و سكري عليها الباب عشان لا تستمرض برووحه الجو بارد

و اذا تبين تشوفين دشي يوتيوب و كتبي cat shower


:
:

بالنسبة للقطاوة الصغار

النثية وايد انظف من الذكر

الذكر وايد وصخ

 

[Gap Junior]

و نسيت اقولج اذا تبين تدربين الصغار على الحمام

كل 3 ساعات انتي اخذيهم و وديهم الحمام

لمدة 5 اياام

و بعدين انتي بتشوفينهم تعودوا و بروحهم راح يروحون

 

[kikoo]

أحسن شي انه اتكون القطوه صغيره علشان تتعلم عليج

بس المشكله انها تمرض بسرعه

أول ما اتييبين القطوه لازم تحبسينها تكرمين بالحمام مع صندوق الرمل
واذا كانت حيل اصغيره عقب ما تاكل حطيها بقوطي الرمل أهم بروحهم ايعرفون

خليهم لمده يوم كامل وليله بالحمام لمن ايدلون عدل وحطيلهم الماي بالحمام
عقب لمده أسبوع كامل قبل لا اتنامين رديهم الحمام وبس خلاص راح يتعلمون

واذا تبين اتسبحينهم لازم من الباديه ما اتخلينهم كل أسبوعين أو على الاقل مره بالشهر اذا ما تطلع القطوه بره الحوش
أول شي رطبي ايدج بماي اذا اتخافين القطوه اتشمخج وحطي شامبو جونسون وفي شامبو خاص للقطاوه ينباع بكارفور وأيس
وفركي القطوه تالي اذا ما اتخافين منها حطيها بسرعه تحت الماي وفركيفها بس لا ايحوش الماي ويهها علشان لا تخترع
حاولي اتكونين سريعه
واذا اتخافين منها اتشمخج اذا خلصتي فركتيها بالشامبو رشيها بالهوز بس لا اتخرعينها اشوي اشوي

وعقب ما اتخلصين لازم فطوه وسشوار
نشفيها عدل بالفوطه وتالي سشوريها مسكيها عدل لأنها تخترع من صوت السشوار مع الوقت تتعود ومشطيها وانتي اتنشفينها بالسشوار وسلامتج

 

[عسوله تحب بطسايه]

مشكوره حياتي قاب


يعطيج العافيه حوبي على المعلومات


ايه انا هذا االي كنت اسويه بس وايد يتحركون وما يثبتون


ولما اشغل السشوار تتحرك وتصرخ مادري ليش


زين قوليلي شنو احسن نوع قطاوه ابي شي حلو يعني شيرازي بس فصيله حلوه !

دمتي بود

 

[عسوله تحب بطسايه]

كيكو حبيبتي مشكوره بعد عمري ...:d

يعطيج العافيه ...بس شلون احطهم بالحمام اخاف يخترعون بروحهم !






دمتي بود

 

[حبآري]

ما اقوووووووووووووووووووول الا ما شاء الله عليكم
لاني انااااااااااا كلش ما احب القطوووه وما احب طل الحيوانااااات وااااااااااااايد
اخااااااااااااااااااااف وابجي واتمنى اني ما اخااااف اخ اخ بس ما اقــــــــــدر

 

[عسوله تحب بطسايه]

حبوووره


نورتي حوووبي

حياج الله


:d

 

[خليج***]

اشتري صغيرة احسن,,

بس لازم تشترين الرمل الخاص مال القطاوة تلقينه بمركز سلطان,,
هالرمل ميزته مايطلع ريحة,,

وطبيعي لازم تسبحين القطوة,,

ممكن اتيبين الهوز وشوي شوي تحطين الماي عليها وفي شامبو بعد مال القطاوة,,
او ممكن تخلينها داخل المخسلة وتبطلين الماي,,
او بالبانيو,,

وبعدين لازم تنشفينها,,
مثلا بالسشوار
اذا تخاف,,
حطيها بقفصها وشغلي السشوار طبعا القطوة راح تتصروع نياهاهاها
او يبي فوطة ونشفيها عادي,,

وترا مو كل القطاوة يخافون من السباحة,,

 

[خليج***]

وعشان تتعلم القطوة تروح الحمام,
زهبي الرمل وحطيه بمكان مو مخشوش عشان تشوفه,,
وحطيها عالرمل عشان تعرف ان هذا رمل,,
وكل شوي خليها عند هالرمل وسكري الباب مثلا حزت نومج خلي القطوة بالمكان اللي فيه الرمل,,صح ممكن تضايق اذا قعدت بروحها بس احسن من انها توصخ لكم البيت,,وسوي جذي لمدة 3 ايام وبعدين اهيا بروحها راح تعرف المكان,,

وللعلم القطوة من النوع اللي تحفظ المكان اكثر من حفظها للاشخاص,,


معلومة جانبية,,
يقولون ان القطوة ماتشوف الالوان بس اتشوف ابيض واسود.

 

[دلوشه]

الله يعينج حشى ياهل مو قطوه لووووووول

تبين قطوه ثانيه شوفي توقيعي

 

[عسوله تحب بطسايه]

مشكوره ورده فديتش


تعبتج وياي ...:d

دمتي بود

 

[عسوله تحب بطسايه]

:eh_s(6): دلوشه طانكس حوبي



ماشوف شنو في توقعيج

دمتي بود