شلون ارضع ولدي بالدواماات :( انا بعييييده عنه .. تكفون هيييلب

[نبرمان]

سلام عليكم امهاات

شلونكم .. وشلون صحتكم وصحة عيالكم ..

سؤاااااااااااااااااااااااااالي

انا ارضع ولدي .. والحين ما بقى شي عالدوامات .. شلون ارضعه ؟ بتم غايبه عنه اكثر من 4 ساعاات

وبعدين انا اخذ حبوب منع حمل ملوت الرضاعه .. واذا ما ارضع 100 بالميه .. مايمشي مفعول الحبوب عدل

بنات لاقولي حل عفيه .. مااابي افطمه توه صغير

وشنو حلكم اذا اداوم شلون افرغ صدري من الحليب اذا توهقت ؟

وشرااااااااايكم باللولب مع الرضاعه .. عادي ولا يضر !!

وهل صج الرضاعه تأخر الحيض .. ؟ لانه انا غايبه صارلها شهر

سوري بنات لعوزتكم بس بليييييييييييييز مساااعدتكم

 

[a7la wa7da]

هلا حبيبتي إنتي من بليل شفطيله وحطي بالمميه وخليهم رضعتين او ثلاث لما ترين رضعي من صدرج آنا مفكره أسوي جذي :cxxxp:

وعلى الحبوب ما عندي خبر روحي دكتورتج أحسن لج :tek:

 

[نبرمان]

المشكله مو بشفط

المشكله اني لمن اكون بدوام .. امتلى صدري ؟؟ شسوي اصلن مافي مكان اشفط فيه وهمن مو زين ايتم بصدري ومايرضعه ولدي ؟

اخاف يخف *_* والسبه عدم الرضاعه المستمره

 

[om_3azoz]

حبيبتي انتي الصبح قبل لاتروحين الدوام شفتي له 3 رضعات او اذا تقدرين 4 ولمن تردين الظهر عطيه من صدرج
بخصوص الحبوب انا كنت اخذهم يوم كنت ارضع ولدي بس امي زفتني قالت غيريهم لان حيل خفاف ويعتمد على الرضاعه تقولي راح تحملين عليهم وصج غيرتهم والحليب نشف عندي

 

[_Pure_]

والله حسب عمر ولدج ماقلتي جم عمره

انا مثلا فبنتي داومت لمن عمرها ست شهور
و خذيت ساعة رضاعه بنص الدوام اروح البيت ارضعها لان صدري حيل ينترس
بس شوي شوي مع الوقت صار صدري ما ينترس حيل وقت الدوام و ماقمت اروح ارضع بنص الدوام خصوصا انها كبرت

حق هالبيبي ان شاءالله ناويه اداوم بعد ست شهور
و ادخل الصناعي عالشهر الخامس عشان تتعود عالمميه و يتعود صدري اني ما ارضع الضحى قبل لا داوم

و بالنسبه لج لاتحاتين الحليب يتجمع بالصدر لان بس اول فتره بعدين يتعود الصدر مع الوقت و ما ينترس بسرعه

 

[Dalal.al3tibi]

رد : شلون ارضع ولدي بالدواماات انا بعييييده عنه .. تكفون هيييلب

شفطي الصبح واذا انترس عليج بالدوام شفطيه بالدوام

 

[miss-winter]

في شفط تشفطين الحليب وفي مميات للتخزين تخزنينهم لمده شهور بالفريزر بس مو بالكويت طلبيه من امريكا تطلبينهم

 

[أم فتوته]

رد : شلون ارضع ولدي بالدواماات انا بعييييده عنه .. تكفون هيييلب

إنتي نفس حآلتي تقريبا من نآحيه برضع بنتي وخآيفه ينترس علي بالدوآم
فاحسن حل الصبح قبل لا أروح الدوآم اشفط لهآ 3 رضعات واحطهم بالفريزر
بس إنتي الله يعينج صج على الأقل آنا ادرس وموآدي شوي ساعه 10 - 11 طآلعه من الدوآم

وانشالله البنآت يفيدونج أكثر

أم فتوته

 

[f00f00]

انزين شلون تشفطون للبيبي رضعتين ولا ثلاث....
اناااا قبل لا اطلع ارضع ولدي وقتها يكون صدري متروس..
وبعدها على طول بشفط له رضعه مااااكو غصب يطلع..!!!
ويطول على ماتترس الممية.. غير لمن يكون الصدر منترس

:/

 

[مدمنة ككاو]

وحدانيه امبلا الاله موجوده شفتها بصيدلية بوتس
اله شفط شكبرها بمكينه وفيها هوزين وفيها مميات وحافظة حليب ومثل صندوق تحطين فيها الرضعات بالفريزر او الثلاجه

سعرها تقريبا 170 دينار شي جذي

 

[DALAL25]

حبيبتي ليش الحبوب اصلا الرضاعة تمنع الحمل ماتشوفين مايتلج الدورة سبحان الله انا من رايي قطي الحبوب ومثل ما قالو البنات شفطي عدل قبل لا تطلعين من الدوام واذا ما يكفي شفطي قبل لا تنامين بالليل وحطيه بالثلاجة والصبح كملي ولا تحاتين اصلا موعد الرضاعة راح يتغير سبحان الله الجسم يتعود اذا فترة الدوام اذا ما رضعتيه ماراح يفرز هالحزة حليب يصير الفرز وقت الرضاعة والشفط ساليني انا نجربه والله ياجرج حبيبتي

 

[دلال الكويتيه]

الله يعينج

 

[*ريما*]

رد : شلون ارضع ولدي بالدواماات انا بعييييده عنه .. تكفون هيييلب

الله يعين

 

[a7la wa7da]

للرفع :sfg:

 

[*Little**Angel*]

نفس مشكلتي

انا راح اداوم بعد شهر

ودوامي طوووووووووووووويل وايد من 7 لي 3 غير مسافة الطريج للبيت

واحاتي بنيتي لما اداوم شلون ترضع خصوصا انها ما تبي المميه خير شر

الله يعينا