شلون احل هالاشكاليه ؟ زوجي مو عاجبه الوضع!

[كادى الحب]

اللة يعينج ليش الضيق ملفى مجال انج تسوين توسعة فى الشقة اويتكرم ويطلعج بيت ثانى

 

[ناتشوو]

اي عفييه عليج فهمتيني

انا باب غرفتي يطل عالصاله عرفتي ؟

فأسمع صوت ولدي بس زوجي مو عاااااااااااااجبه!!

يا انومهم بغرفتي يا انام معاهم برى

وانا مو عاجبني لان بنتي كبيره وتفهم خاااصه ان غرفت النوم تصير اشياء خاصه لازم ماتكون البنت موجودهـ

بالنسبه لبنتي خليتها معاي لين كملت سنه بعدين طلعتها برى لكن كنت انام معاها اخاف اخليها بروحها لانها اول وحده ونومها عسر تقعد كذا مره بالليل وما اعرف اتصرف عليميه بالاصح :eh_s(2):

البنت امرها مفروغ لازم بروحها تنام
خلاص مالج الا تحطينهم بالصالة ولو تخلينها غرفة نوم لهم احسن
وبعدين زوجج عودتيه انج برة تنامين
فعلشان جذي يقولها بلا حيا ولا مستحى انج تنامين معاهم
رايي( اذا زوجج ماراح يصر على رايه وتدخله )
انهم ينامون برة
وعلشان زوجج ف البداية خلي الباب مو مسكر

 

[أم عمر]

^
^
^
نفس رايهااا

ثانكيووو عالراي :eh_s(7):

 

[أم عمر]

البنت امرها مفروغ لازم بروحها تنام
خلاص مالج الا تحطينهم بالصالة ولو تخلينها غرفة نوم لهم احسن
وبعدين زوجج عودتيه انج برة تنامين
فعلشان جذي يقولها بلا حيا ولا مستحى انج تنامين معاهم
رايي( اذا زوجج ماراح يصر على رايه وتدخله )
انهم ينامون برة
وعلشان زوجج ف البداية خلي الباب مو مسكر

تسلمين ناتشووو ماقصرتي بجرب وباخذ برايج

بشوف اذا ماقال شي بخليهم بالصاله وامري لله

 

[تآعِبنْ قَلْبِيْ]

نوميهم معاج بالغرفه اذا كبروا عيالج خليهم بروحهم

 

[أم عمر]

اللة يعينج ليش الضيق ملفى مجال انج تسوين توسعة فى الشقة اويتكرم ويطلعج بيت ثانى

الله يسمع منج وانتوسع شوي

 

[أم عمر]

نوميهم معاج بالغرفه اذا كبروا عيالج خليهم بروحهم

لي جم سنه تخلون الياهل عندكم؟

 

[الدلال]

مالج الا تطلعين بشقه اوسع

لان كل حل راح يكون حل مؤقت, وريلج لازم يقتنع بهالشي

 

[أم عمر]

الدلال

معاج حق مفروض نطلع لكن على الاقل مو هالفتره مستحيل

 

[tmtmt]

خلي الخدامه تنام تحت عند خدم خالتج هذا اول شي
غرفتها خليها حق بنتج ام ٣ سنين صارت كبيره ولازم تطلع !!!

وولدج شي طبيعي فراشه بدارج وينام معاج بالدار
حالج حال اي وحده عندها ياهل بهالعمر !

ما اشوف ان في شي صعب !

وكلش كلش
صالتج قصيها بالنص وخليها غرفه وصاله
بعد شبتسوين لازم بتقزرينها جذي

باختصار الحل :

١- بنتج بغرفه بروحها .
٢- ولدج معاج لين يصير عمره سنتين .

 

[فجر الجنوب]

لا حياتي خليهم معك لفتره لما تحسي انهم بدو يوعوا ويعرفو الاكو والماكووو طلعيهم

 

[ام ناصر 2009]

انا ولدي عمره سنتين وينام معاااي يمه ابو 7 شهور بروحه
لا خليه معاج حرام

 

[۩۩ الجـــــود ۩۩]

الخدامه بالليل شحقه خل تنزل تنام مع الخدم
والغرف خليها للصغار اريح

 

[Tom ♥ Jerry]

.


معآه حق لا تخلينهم ينآمون بروحهم بالصاله !
يمكن وآحد يبجي خو ليلحينهم صغار .، !

سويلج ركن في غرفتج حطيهم فيه !
بعد شتسوين لمآ الله يفرجهآ و تطلعين و تتوسعين شوي ..
و حآولي تكلمين ريلج بهالخصوص !
قوليله ابي غرف زيآده ودي نأجر شقه ! اليهال كبروآ
و مآ يصير ينآمون بالصاله ! :/

 

[مقمش لولو]

بصراحه ريلج اناني كلنا انوم عيالنا معانا وهم بالاشهر والريل يتحمل شهالدلع خل اهو يروح ينام بالصاله

واذا موعاجبه الوضع خل ياجر لج مكان اوسع من هالقرقوراللى معيشج فيه(لاحول ولاقوة الا بالله)

 

[ورد]

ما اشوف فيها شي ،، دام انك تقدرين تسمعينهم اذا قامو ،، انا بنتي من عمرها 40 يوم فصلتها في غرفة لحالها ،، ومن اسمعها قامت او صاحت فزيت لها .. وارجع انام بغرفتي ،، والحين عمرها سنة وشوي ولبى قلبها ما فيها الا العافية ،، كل من حاسدني عليها ،، من يجي وقت نومها راحت وقفت عند الغرفة عشان تنام ومن احطها في السرير نامت ،، غير الي في عمرها ما يجيب راسهم الا نايمين وسط الماما والبابا ..


وبعدين دينياً احسن ،، لان ما يجوز البيبي يشوف او يسمع الشغلات الي تصير بين الزوجين ،، والواحد ما يدري وش يصير ،، ولا يقول بضمن انهم نايمين ،، يا ما قامو اطفال وبهدوء وشافو وسمعو ولا احد حس فيهم ..

يعني حاولي تقنعيه ان هـ الشي عادي ،، يعني متى بيتعلمو ينامو لحالهم بغرفة ،، كل ما كبرو استحالت طلعتهم ونومهم بروحهم

 

[PuPa^^SWeeT]

الصالة وينها بالضبط ظ؟؟

يمككم ؟؟؟ ولا بعييدة

 

[منجامور]

مكرررررر

 

[منجامور]

يا انج تنومي اولادج وياج بغرفتج وما تخلين زوجج ينام لحاله ولا ولدش ابو 7 شهور

مسكين في الليل يمكن تروح عليج نومة وماتقعدين له<<< مع انه المفروض خلاص ينفصلون عنج وياريت انا بعد اسوي هالخطوة عقبالي
وخصوصا ولدج اذا عودتيه ينام بروحه مابيتعبج اذا كبر

فالحل الصحيح:

تنزلي خدامتج بيت عيالج وتوسعي على اولادج وعلى نفسج

 

[توتا حمرا]

ياهل عمره سبع شهور ينام في الصالة !!
نيميه معاج بغرفتج والغرفة الثانية لبنتج
والخدامة في المطبخ أو مع خدم أهل زوجج​