شلون احط شدو!؟

[shahoda]

السلام عليكم
شلونكم كويتيات شخباركم؟
انا اليوم قعدت جابلت منتدى المكياج والعطور لاني اخيرا قررت اصير خوش بنيه واتعلم احط مكياج نفس كل البنات ...

الحمدلله انا احط مكياج بس عالخفيــــــــــــــــــــــف اقص على عمري وبشكل نادر بعد
يعني اي نصائح تعطوني اياها انشالله راح استوعبها وراح ادعيلكم وراح تكون في ميزان اعمالكم ..

السؤال خواتي بسيط...

شلون احط شدو!؟


ماراح تتعبون بالاجابه ادري

عندي افكار وجربت طرق وفي شغلات ضبطت مع رسمة عيني بس مشكلتي ماعرف شلون اتدرج باللون؟ تسمونها دمج الوان يمكن

قالولي مايصير بالاسفنجه الصغيره العاديه الي تكون مع علبة الشدو، لازم فرشه

شلون استخدم الفرشه ؟ ومن وين اشتري؟ يعني شنو احسن انواع فرش ممكن استخدمها ؟


في انتظاركم...

 

[رفرف]

رد : شلون احط شدو!؟

اختي شهوده ..
اول شي حياج الله بالقسم وانشالله تلقين كل اللي تبينه ..

ثاني شي ..
مافي طريقة معينة لدمج الشدو ولا نوع فرش معينه ..
في ناس يوزعونه باصابعهم ويطلع روعة ..
في ناس يستخدمون الفرش المتخصصة ومايطلع حلو ..


بس انا طريقتي ..
اول شي احط كونسيلر على الجفن .. بعدين اللون الاساسي على الجفن المتحرك واخذ اللون اللي ابي ادمجه معاه واوزعة بفرشة الشدو العادية الصغيرة .. وممكن استخدم اصابعي في دمج اللون ...
اما العين من تحت فاستعمل الفرشة المشطوفة المايلة من ماك او بودي شوب وايد حلوة حق تحت العين .. واذا ابي ادمج الشدو مع الكحل استخدم الفرشة العادية مالت الشدو ..

 

[حواء الكون]

رد : شلون احط شدو!؟

عندي افكار وجربت طرق وفي شغلات ضبطت مع رسمة عيني بس مشكلتي ماعرف شلون اتدرج باللون؟ تسمونها دمج الوان يمكن


نفس الحاله ... مادري اشلون يمزجون الشدو بالوان مختلفه

وشنو الالوان اللي تكون متناسقه لما تمتزج مع بعض

بانتظار ردود حلوه ويعطيكم العافيه

 

[shahoda]

رد : شلون احط شدو!؟

رفرف مشكوووووره وايد عالرد
حواء الكون.. ثانكيو عالاضافه وانضمامج لنادي الهواة معاي

وبنشوف ردود وايد عالموضوع ، البنات مايقصرون

 

[حواء الكون]

مشاركة: شلون احط شدو!؟

العفو حياتي وينهم البنات ماكو ولا رد

 

[shahoda]

مشاركة: شلون احط شدو!؟

حواء انا في تطور وتحسن بحالتي ، شريت شدوات جديده
.. قعدت اخبص بالالوان والله وفي نتايج حلوه وتبشر بالخير ، ايدي قامت تمشي اسرع شوي واثبت من قبل .. اتوقع مع التدريب والاستمراريه راح اتجرأ شوي بالالوان والتدرج

بس حسافه ماكو تفاعل مع الموضوع ... ضاق خلقي

 

[رفرف]

مشاركة: شلون احط شدو!؟

طريقة الدمج كل وحدةوطريقتها ممكن باصابعج او بالفرشة اللي ترتاحين لها ...
اما الالوان اللي تطلع حلوة ابدي بالاسهل ..
اخذي درجتين لنفس اللون

مثلا
اخضر فاتح وغامج
وردي فاتح وغامج
درجات البنفسجي
درجات الازرق

واذا خلاص ضبطتيها ..
جربي خلطي الازرق مع البنفسجي
الوردي والاخضر او التركواز
الازرق النيلي مع الاخضر يهبل يصير جنه طاووس
البني والذهبي ..
اللاسود والعنابي حق السموكي ايهبل

واي لونين تحسينهم متناسقين تقدرين تدمجينهم

 

[shahoda]

مشاركة: شلون احط شدو!؟

رفرف مشكوره عالرد وفعلا هذا اللي اسويه حاليا شغاله بس لونين نفس ماقلتي او درجات اللون الواحد وماشالله مو مقصرين بالدوام بتعليقاتهم عالصحوه المتأخره
والحمدلله

 

[ايرانية عسل]

مشاركة: شلون احط شدو!؟

بصراحة موضوعكم وايد حلو بنات
ومنكم نستفيد

 

[حواء الكون]

مشاركة: شلون احط شدو!؟

shahoda

ماتصدقين ايام المراهقه كنت فنانه بالشدو ولا وحده بالعايله تعرف وكلهم يقولون انتي اشلون تعرفين تحطين مكياج عاد وقتها ماكان الميك آب مسوي كل هالضجه خخخ

عاد اتصدقين لما يات لي حاله نفسيه واكتئاب من ظروف تركت كل شي والحين لما صرت مره قصدي امرأه لوول صرت ياحسره خيبه ليييش ياربي ليييييش

واكتشفت ان الانسان لو خبير لو ما كان يمارس الشغله راح يفقدها مع الايام وينسى حتى اساسياتها

وعالعموم حبوبه مبروك عالنتيجه اليوم ايدج قامت تمشي باجر ان شالله طيران خخخ وتخلصين بسرعه

ولا يضيق خلقج ولاشي يمكن يطلعون بنات كريمات امثال رفرف اللي حنت علينا

(اخذي درجتين لنفس اللون)

مو هذاااااا اللي قدرني الله عليه وايد علي بنفسجي على وردي او وردي غامج على وردي فاتح اي غيري مااكووو على هاللالوان موقادره اغير خخخخ

اوكى البرتقالي شنو يليق عليه! لاني احب الشدو البرتقالي اموت عليه وعيوني عسلي فاتح حلوين علي اللون

help us plzzzzzzz

ساعدونا بخبرتكم بالألوان

الدرجات الدافيه مثل البني والوااااانه خيال بس ماعرف ادمجه بلون يعطي العين جاذبيه اكثر واشراقه ماحبها تكون غامجه بالشدو جنا احد طاقني بوكس على عيني

 

[ذكريات]

مشاركة: شلون احط شدو!؟

انا بنات انظم صوتي لكم

انا قبل ما اتزوج ما كنت اعرف شي بالمكياج و لا اواطنه

بس لما تزوجت كل شي تغير

و الحين انا حدي ادمج لونين .. لا و بعد دايما نفس الالوان غيري لا ماكو كله وردي اموت على هاللون

حتى لما اكون خلاص مقررة اغير اشوف ايدي بروحها تروح على نفس اللون .. شسوي ؟؟!!!!

و زين مني تعلمت اشلون احط الكحل

 

[shahoda]

مشاركة: شلون احط شدو!؟

انا ماقعدت اتعلم الا لاني بتزوج

 

[حواء الكون]

مشاركة: شلون احط شدو!؟

ذكريات

الحين انا حدي ادمج لونين .. لا و بعد دايما نفس الالوان غيري لا ماكو كله وردي اموت على هاللون

حتى لما اكون خلاص مقررة اغير اشوف ايدي بروحها تروح على نفس اللون .. شسوي ؟؟!!!!

سبحان الله نفسي خخخخخخ

شهوده تعلمي

حاولي وحتى لو طلع مو حلو لا تيأسين بالمرات اليايه اتعرفين الي يناسبج اكثر

 

[مطفوقه^ملقوفه]

مشاركة: شلون احط شدو!؟

شوفي أنا قبل أصلا ما ألتفت عالمكياج بس قمت اطالع أختي أشلون تحط ودربت ايدي كل يوم احط شكل
والله قمت أخلط أنا وبنت خالتي ألوان مالهم شغل ببعض ويطلع يهببببببببل
وعلى حسب الفرش اللي تستخدمينها أنا في الوان أحطها بالفرش وألوان بأصابعي ويطلع روووووعه حتى مو مبين أن مكياج بين ولا يبيله تضبيط أو تنظيف عقب ما اخلص
أعطيج مثال عالتخبص اللي نسويه أنا وبنت خالتي
مره أهي قاعده تحط حق بنت خالتي الثانيه حطت عالجفن المتحرك درجة بيج وسط والجفن الثبت مشمشي هادي ودخلت من زاوية العين عنابي هادي شوي ودمجت شويه منه مع البيج وشويه مع المشمشي وحددت عينها بالقلم الكحل الأسود بس تحديد وبعدين رسمت الزاوي وشوي مطتها بالشدو الأسود اللي فيه غلتر وتحت الحاجب أبيض وماسكرا وطلع زووووووووووغه حتى ريلها استخف يقول مو مصدق انج مو حاطته بصالون
يعني خبصي ويطلع حلو
ممكن أنج تدمجين درجات الزيتي على الجفن المتحرك وحطي بيج خفيف عالثابت
ممكن تدمجين الأزرق مع الوردي الفاتح أو المشمشي ونفس الشئ الأخضر
وأخذي أقلام كحل وايلاينرات ملونه تره يغيرون من شكل المكياج وااااايد ونوع المسكرا تلعب دور بعد
ورسمة عينج بعد
وأذا تبين فرش روووعه عند الجوثن ورخاااااااااص تقريبا نص سعر بودي شوب وهالسوالف
ولا تنسين أن نوع الأساس والكونسلر وبودره المضغوطه اذا زينين يحلون المكياج كله واذا مو زينين ومو ماشين مع ويهج ونوع بشرتج ومكياجج بروفيشينال وروعه ماراح ينفعج
هالحجي عن خبره ويلي أكون فدتج

 

[بنات حواء2]

يعطيكم العافيه

 

[شندوخه]

شوفي هالفيديو وشوفي شلون تدمج الشدو بحركه دائريه
http://youtube.com/watch?v=T6QH4AKhOFk