شلون اثبتله :(

[طموحه بزياده]

تقدرين تغيرين من نفسج اذا مشتهيه تتغيرين

صراحه ماعندي نصيحه اقدمها بس انتي اللي تقدرين تساعدين نفسج وتضبطين اعصابج

 

[كويتيه مذهله 87]

المشكله يحب غيرتي .. اذا قال عن وحده حلوه وما علقت يقولي ليش منفسه :/ مادري شسوي عشان ارضيه

الحين تعرفين ان كلامه للممثلين غشمره يبي يطفرج ويحب غيرتج ليش تقلبينها مشكله وهواش !!!

الريال يحب الوحده الي تغار عليه بس بحدوود بدون مبالغه وتكبر السالفه

وسالفه البنت هذي موداشه برااسي وين ريلج عن هالموضووع !!
وليش ادق مرتين فيه ان بالسالفه


وسالفه شلون اثبتله حبيبتي بطلي غيره وسوالف شك وماشك وخليج خوووش مره :rerrerek:

 

[قصيمية موت]

شوفي حبيبتي حلو انك ودك تغيرين من طبعك ... اسمعيني ياقلبي مو كل وحده تتصل عليك وتكذب تصدقينها ؟؟ وانتبهي هذي وحده تبغى تخرب حياتك وتعرف انك شكاكه ...الرجل مايحب زوجته تشك فيه اففففف تجن جنونه ويكرهها كره فضيع .. بعدين اذا تقولين ان زوجك يمدح مماثله او فنانه صدقيني بعض الازواج يحب يختبر زوجته هي عندها ثقه بنفسها او لا ؟ هل هي تغار من البنات او لا ؟؟ انا مره زوجي جلس يمدح في المغنيه منى امارشا انا ربي الهمني الحكمه قلت معجبتك ؟ قال بصراحه ايه .. قلت غريبه عاد الي يشوفني يقول انك ذووق باختيارك واخر شي طلعت منى امارشا بعينك حلوووه ؟؟ ماعمري شفت احد يمدحها الا انت .. شككته بروحه ههههههه عاد بعدين قال وش رايك ب هيفاء وهبي ؟؟ قلت حليووه ما عليها بس في اجمل منها ... قال تدرين لا منى امارشا ولا هيفاء يعجبوني بس بشوف ردة فعلك ....يعني شوفي كيف يبغى يختبرني ... ادري طولت عليك بس بقولك اذا مدح فنانه ترى يبغى يختبر ثقتك بنفسك

 

[bto0olah]

الله يعينج وشخباري فاعلة خير هذي مالت المسلسلات عرفنا انها شر وتاكدي حبيبتي هذي ماجربت الحيله الوصخه هذي الا لانها لفت على ريلج بس ما قدرت عليه لانه اكييييد يحبج فبغت تجرب من صوبج وللاسف اقدرت تخرب فخلي عنج الغيره وخلي ثقتج بنفسج اكبر

الله يوفقكم

 

[pusy cat]

شوفي حبوبه

انج تغارين عليه هذا شي

وانج تشكين فيه هذا شي ثاني

الغيره انا اشوفها طبيعيه بس لا توصل للشك

حطي نفسج مكانه تخيلي زوجج يشك بأخلاقياتج ومايثق فيج شنو راح يكون موقفج

اذا قالج ان انتي تخونيني مع واحد ؟؟

هذا اللي قاعده تسوينه بزوجج

افصلي بين الغيره والشك

 

[LOLETA]

ميخالف حبيبتي

كلنا الحريم عندنا عيوب في الي منها تصرف وايد

والي تتحكم والي ماتعرف تتصرف .....


بس حاولي انج تتحكمين اكثر بنفسج

ولاتخلين احد يتدخل بينج وبين زوجج
صدقيني اصعب مشكلة بين زوجين تنحل بكلمة وحدة

وادعي واحتسبي الاجر عند الله

نصيحتي لج
داعيتلج بالخير

 

[al-musk]

اول شي غيري خطج عشان اذا ردت دقت عليج خرابة البيوت تقدرين تعرفين انها وحده قريبة منج انتي مو من زوجج وساعتها بتعرفين منو يبي مصلحتج ومنو يبي يضرج ..وحطي فبالج شي واحد ان سعادتج وراحه بالج اهم من اي رجال بالدنيا ومدامه مو مقصر معاج عليج بالظاهر بس ولاتدورين على خفايا الأمور ,, ومو كل سالفه تنطين قتقولينها له ولاتسالينه عن شغله ولا الي حواليه ودايم تصدقي بنية تفريج الامور عليج وان ربي يشافيج من هالأبتلاء وراح تلقين نتيجه باذن الله

والله يوفقج وتذكري ان سعادتج وحياتج بيدج انتي فلاتهدمين بيتج

 

[اذوب بكلامه]

عليك بالدعاء حبيبتي الله يوفقكم

 

[كويتية نايس]

الله يوفقكم ويسخره لج