شلون اتخلص من حب شباب؟

[p!nkgirl]

بنات ساعدوني ابي شي حق حب الشباب
بلييز

 

[مندوبة ام بندر]

احلى واروع الكريمات الي تخلي بشرتج روعه عند ام بندر

 

[^^ROSE^^]

حبيبتي لو تروحين اي دكتور جلديه بيعطيج نفس العلاج
صج انه يقشر الويه بس ينفع حيل للاثار والحبوب

تشترين من الصيدليه ريتن اي + الدكوين
تحطين من كل واحد شويه وتستخدمينهم مع بعض يعني 2 فوق بعض بنفس الوقت
يوميا بالليل والصبح تغسلين وتحطين حمايه تكون قويه ويصير تاخذين من الصيدليه كريم حساسيه عشان يمنع التهيج

شوفي حب الشباب طبيعي يستمر جم سنه هو له فتره يطلع فيها لين يروح
فلا تحسبين ان في شي سحر بيعالجهم وخلاص ماراح يردون

هالخلطه تقدرين تستخدمينها مثلا شهر ونص وتوقفين تريحين بشرتج من التقشر
وترجعين تستخدمينها

انا عن نفسي وقت ماكانت تطلعلي هالحبوب استخدم منتجات نيتروجينا السنفره والماسك والغسول والتونك
كانوا يسنعون بشرتي حيل

فانتي اختاري اللي يناسبج

و على فكره
عصير التوت و عصير الرمان يصفون الجسم من داخل و يمنعون زياده الحبوب
يعني كل يوم شربي 3 قلاصات عصير نوعي رمان و توت
اشتري من الجمعيه المراعي ولا نادك ولا سيزر اي نوع يعجبج وشربيه يوميا
مع شرب الماي طبعا 8 اكواب يوميا
بتشوفين بشرتج اصفى بوايد

 

[^^ROSE^^]

توني دشيت موضوع وحدة تكلمت بالتفصيل عن ريتن اي و الدكوين
للامانه ما مدحت الدكوين بس ردودها ممتازة وان شاء الله تفيدج

http://www.q8yat.net/showthread.php?t=590905

 

[the wide eyes]

حبيبتي بنصحج و انتي كيفج ,,,,,على فكره تراني خبره مع حب الشباب :eh_s(15):
من12 سنه الى 18سنه طاقين صحبه كل هالسنين :friends:
ما ينفعج لاخلطات و لا دويات غير الحبوب مافي روحي عند دكتور جلديه احسن لج من الخلطات و اضمن و على فكره لا تاخذين دواء سواء حبوب او دهان من نصيحة اي وحده لان بشرتج غير و بشرتهم غير واسئلي امجرب اخذي بنصيحه الدكتوره و بس :bye22:
ادري لجيتج بس لان مابي البنات يعطونج دهانات و تزيد الطين بله لاني حاسه فيج :sfg:

 

[أم حمد =)]

اول شي جم عمرج؟ اذا مو اكثر من 19 نصيحه نطري ولا تستخدمين شي بس اعتني بنظافه ويهج ..

انا بشرتي كان فيها حبوب واثار .. والحبوب علطول تطلعلي يعني اخلص من ثلاث اربع يطلعولي غيرهم .. وجربت واايد اشياء بعدين استوعبت ان غلط استخدم اشياء تفتح البشره واصلا فيها حبوب .. ليما رحت دكتور وعطاني حبوب مضاد .. والحمدلله افتكيت من الحبوب وعلى راحتي استخدم كريمات تفتيح ..
انا نصيحتي لا تعتمدين على كريمات حب الشباب لان مامنها فايده يبيلج شي يدخل الجسم ..

عالعموم حبوب المضاد اسمها موجوده بمسميات مختلفه بس كلهم واحد انا استخدم vibramycin وسعرها 4 وشي وتنباع بصيدليات بوصفه ..

 

[رِيفيآإْن]

نصيحه لوجه الله ..

اذا الحبوب كثيره بجسمك ومو بس بوجهك؟ روحي لدكتور جلديه شاطر وخليه يكتب لك حبوب الروكوتان وامشي ع التعليمات زين وسوي تحاليل قبلها قسم بالله ماتندمين ماعد تشوفين الحبوب عمرك كله بس بشرط تمشين صح ع الجرعات والتعليمات

موفقه حبوبه

 

[BRoNZ GiRL]

رد : رد: شلون اتخلص من حب شباب؟



انا استخدم كريمات clearasil بصراحه بأقل من شهرين الحبوب اختفو
اهم يطلعون لي من كثر ما اكل كاكاو بس خففت وقمت احطهم قامو يختفون بس يمكن بشرتج تختلف فروحي عن دكتوره جلديه واهي بتقولج على الاحسن
بس للامانه بنت خالي راحت وعطتها فوق الـ 5 كريمات ويمكن يلا بعد 5 مادري 6 اشهر بدو يختفون
بس لمصلحتج

 

[زهر الرمان]

صيدلية بوتس عندهم منتجات الجاي الاخضر
اخذي الغسول اللي لونة اخضر غامج يكون فوك وهم عندهم مرطب وعندهم كريم اتحطينة على الحبة
وااايد حلو هالمنتج وهم لازم اتعدلين اكلج اتقللين الدهون ومنتجات الالبان وشوفي التغير اشلون بيصير ببشرتج

 

[بدويـــة مودرن]

قللي من الككآو اذا تآكلين

وعليج بصابونه المره من الحوآج تصفي الوجه وتوخر الحبوب عن تجرررررررررربه

 

[سبيعيه قمر]

رد : شلون اتخلص من حب شباب؟

حبيبتي شوفي اتبعي نظام معين للعنايه ببشرتج وانشالله اكيد بتشوفين نتيجه الصبح اغسلي وجهج بصابونة acneaid وهالصابونه طبيه مخصصه لحب الشباب تطلع كل الحبوب اللي تحت الجلد راح تلاحظين ان نسبتها بتزيد لاتخافين لانها تطلع كل الدهون فظيعه

وفترة العصر اذا قاعده اخلطي مره مطحونه مع هرده وخليها على وجهج مثل الماسك لين تنشف وبعدها غسلي وجهج بماي بفتره قصيره بتشوفين البياض والنظاره

وقبل النوم حطي كريم دفرين كريم طبي روعه ومقشر يقشر عالخفيف يعني نتيجته عالمدي البعيد تظهر معاج وكل ماكان نيجتة المنتج بطيئه عالمدى البعيد كل ماكان افضل واروع ولما تقعدين الصبح غسلي وجهج وحطي حمايه ضروري الحمايه عشان المقشر اواذا حابه تستبدلين الدفرين حطي رتن a على مكان الحبه فقط مو كل الوجه او كريم تريبو سبوت انا استخدمه حلو بس انا استخدمت التريبوسبوت من دون وصفه للامانه سمعت عنه واستخدمته حلو بس لاتنسين الحمايه الصبح ضروري

اما بخصوص الالدوكين نصيحه ابتعدي عنه يسبب والعياذ بالله والله يكافينا شره سرطان بالجلد وممنوع من بريطانيا على فكره انا مدري شلون الدكاتره يوصفونه وابتعدي عن اي شي مكتوبه عنه مبيض موزين نصيحة استشاري

وبعد مايبدي يخف الحب ابدي استعملي كريمات كولاجين للنظاره بالليل واستمري عالى هالوضع 3 شهور ولاتنسيني من دعائج

واتمنى اكون فدتج ​

 

[انصاريه قمره]

رد: رد : شلون اتخلص من حب شباب؟

عن تجربه حب الشباب ذبحني قبل بس الحين رااح بس تطلعلي بين فتره وفتره حبه حبتين حيلج بمنقووع ماي الورد والمره عجيييييييييييييييييب للبشره ينشف الحبوب ويخفي الاثار وسودو كريم قبل لا تنامين وحاولي توخرين عن كريم الاساس وهالسوالف وقت العلاج انا ما احط الا بالمناسبااات غيره بس كحل وماسكرااا وعدسات

 

[p!nkgirl]

رد : شلون اتخلص من حب شباب؟

مشكورين بنات آآآآآب

 

[بوغاتي88]

شوفي بيبي اول شي سوي تحاليل وفحص شامل جايز تكون الحبوب من دهون المعدة / ثانيا سوي كل شهر تنظيف بشرة عند دكتور متخصص او عيادة زينة مو بالصالون شغل اخواره اوكي ثالثا والاهم اشتري منتج اسمه تي تري وايد زين يصفي وينعش بس يستخدم على بشرة نظيفة جدا جدا وبالنهاية عليج بإستخدام الكريمات المرطبة والحماية واستخدام الثلج وماي الورد واي استفسار انا حاضرة ونسيت عندج حبوب روكاتين ينشف الدهون بالمعدة بس له مضار وعلى حسب الدكتور اذا يصرف لج هالحبوب والا لأ :68_asmilies-com:

 

[dla3_princess]

اب

اب

 

[ميمـــي]

اب لعيونج

 

[نــوره]

صراحه انا انوع باللي استخدمه مرااات اغسل وجهي بصابونة البابايا ورووووعه هالصابونه وقبل لا انام احط اولاي بالتوت
وفيه غسول نفس الاسكينول ماخذته من بوتس رهييييييييب بـ 6 وشوي وعندج نيتروجينا لحب الشباب
انتي اتبعي نظاام معين واحرصي ع تنظيف بشرتج يوميا ولا تنسين كريمات الحمايه قبل لا تطلعين

أو

روحي لطبيب جلديه

 

[MaZyOoOoNa]

احسن شي دكتور الجلديه

 

[p!nkgirl]

رد : شلون اتخلص من حب شباب؟

اااااااب

 

[[[ عيون جابر ]]]

انا ذاك اليوم طلعت لي جم حبه تضايقت وقمت شريت نيتروجينا الغسول العصار تقريبا في ظرف 4ايام الحبوب اختفت بس بشرتي تقشرت كلها يومين ووقف التقشير وردت حلوه وصافيه
وخشيته كل ما طلعت لي حبوب استعمله
بس مو على طول الاستعمال لأ بس لما ويهج يتقشر وقفي استعمال