شلون أنزل الصوره اللي بالايفون حق جهاز اللابتوب

[ماما فله]

شلونكم بنات
ماني عارفه شلون انزل الصوره اللي بايفوني على اللابتوب
شنو لازم اسوي؟؟؟
:bbbiu:

علموني بليييز

 

[Om eLkakawiya]

حبوبه انا اول ما اوصل ايفوني ع اللاب يفتح لي مربع مكتوب فيه استيراد الصور وهذا من البرنامج اللي عندي باللاب اسمه
Windows Live Photo Gallery

وااايد فادني واذا كنت منزله كل الصور يقولي اذا ابي بس انزل الصور اليديده ولا كلهم ..

المهم هالبرنامج من زمان عندي من اول ما شريت اللاب وما اعرف وايد حق برامج الكمبيوتر

المهم عسوله

وصلي الايفون باللاب و بعدين روحي ابدا ودشي على كمبيوتر بعدين تلقين صورة ايفون ويمه اسم الايفون اللي انتي حاطته وطقي عليه وراح تطلعلج كل الصور واخذي اللي تبين
واذا ما طلع شيلي الوصله وردي ركبيها لما يستوعب اللاب ههههه.. انا كله اسوي جذي :/

وسلامتج

 

[aṕriliå]

نفس طريقة Om eLkakawiya

واذا فتحت الصور اسحبها للمكان اللي ابي احفظهم فيه

 

[ارتباك العاشقين]

لا انا غير
انتي لازم يكون عندج برنامج iTunes على لابج
لان هذا البرنامج تقدرين تنزيلين صور ايفونج علا الاب وتقدرين تحطين للايفون صور من لابج
حتى الاغاني والفيديو
اذا كان عندج على الاب هذا البرنامج
وصلي الايفون بالاب
وبعدين راح يطلع لج نفس صندوق يطلع في import imag
اذا ضغطتي عليها يحمل على الاب كل الصور
وسلامتس

 

[ماما فله]

مشكوريييين بنات واااااااااايد
الله يعطيكم ألف عافيه يارب

 

[احب المدرسة]

انتي اول ماتوصلين الأيفون بالاب

راح يفتحلج مربع ابيض على الطرف
حطي استيراد الصور

___
او ان تروحين حق my computer وبعدين تروحين حق ملف التلفون وتدخلين في الملفات لين تطلعلج ملف الصور

تحددين الصور الي تبينهم وتطقين copy وبعدين تروحين الملف الي انتي تبين تحطين فيه الصور وتطقين paste

اتمنى اني اكون فدتج

 

[Om_Ksha]

ماستوعبت بعد شوي بقرا عدل

 

[الـــنـــادره]

ترا أنا اعاني نفس مشكلتج وما لقيت لها حل صراااااحه
ابي توضيح أكثر من البنات