شلون أقنع أبوي يشتريلي فون !

[AmOOl El. 3oba]

سمعي حبيبتي و سوي الي اقولج انا عمري 14 و اصلا ليمن اقول حق احد ان راح يكون عندي فون اقولولي شقد حلمك صعب لان انا امي مشدده علي و الكل كان مصدق ان ماراح ايكون عندي تلفون و شوفي الحين عندي بلاك بيري و ايدد واحد والحمدالله اذا تبين تلفون عطي ابوج الثقه خليه يثق فيج و قوليله يبا انا بنت و التلفون ضروري يعني لاسمح الله طالعه شلون ادق شلون اكلمكم التلفون مهم و اذا انت تقول وراه مشاكل معناته انت مافيك ثقه فيني يبا انا بنت متربيه عدل و ابي التلفون عشان اتواصل مع رفيجاتي و اهلي و شوفي يمكن يرضا

 

[زوجة عزيز]

ابوج مارفض الا انه عارف ان التلفون ماوراه الا المشاكل وانتي اصغيره خايف عليج معاه حق باجر لي كبرتي بتعرفين ليش اهو رفض شغلي نفسج بشي ثاني

 

[گـحِـلْ |~]

كلنا اخذا الفونات بعد ماتخرجنا


صراحه اللي يعطي بنته فون قبل التخرج ماعنده سالفه

شكثر اشوف عندي بالبي بي بنات صغار يحطون صورهم حيل متساهلين بهالشغله والدليل ان عقولهم ما نضجت
وهم الجهال

لاتضايقين نفسج

 

[(*ام عهــــد *)]

صح كلامه

 

[انونا]

على راسي باباتج

المشكله مو فيه ترا فيج حبيبتي لازم يكون عندج قناعه
علشان تقدرين تواجهين الحياة
يعني مثلا اذا ما كل رفيجاتج قالوا نكلم شباب وعندنا حبايب بتحسين بنقص لا حبيبتي ديري بالج ترا هذا الطريج اوله فون وفاضيه
باباتج يثق فيج مو ما يثق لكن ما يبي يحط الغاز يم النار ويقول ليش ولعت ويقول اذا الباب ايك منه ريح سكه واستريح نطري تكبرين وايصيرج عندج فون لان فعلا راح تحتاجينه وقته والي يقولج شي قوليلهم الحمدالله ان ابوي يحبني وخايف علي ولو مو خوفه جان عطاني وما درا عني واذا قالولج ما يثق قوليله بالعكس يثق فيني لو ما يثق جان حتن المدرسه ما اطبها وما يفكر يسفرنا ردي عليهم بردود قويه تخليهم يسكتون وينقهرون

 

[جذابه بنت ذيابه]

حبوبه مو لازم فون لا كبرتي بتملين من الفون لاحقه عليه و على غثاه هههههه



و اشتري كاميرا و ايباد و كان الله غفور رحيم

 

[((البرنسيسا))]

عادي حبيبتي ابوج خايف عليج وانتي بعدج صغيرة والزمن هذا يخرع

فهو خايف عليج مو سالفة الثقة لان الي بعمرج تنجر بسهولة للمغرايات الزمن

عن نفسي ماصار عندي فون الا بعمر 20 وكان نوكيا بوليت هههههه

بعدين كسرت خاطر باباتي مع اني ماعترضت ولا تكلمت ويابلي تلفون هدية

والحين بعيد ميلادي فاجأني بأيفون ^^

اخذي الامور بساطة مثلي وربج بيفرج عنج لكن ان عاندتي وكبرتي راسج

ماراح تاخذين شي

 

[LiL LiLeY]

خلاص حبيبتي قال لا سمعي كلامه

انا خواتي بعمرج و ما عندهم فون ليش ؟ ابوي ما يرضى

اخذيلج ايبود تاج الحين و قعدي صوري على راحتج و بعد تواصلي ويا رفيجاتج فالبرامج الي فيه بس يشتغل على الوايفاي

 

[Dr.nono]

ههههههه؟ قنعووني انكم كلللكم شريتوا فون بعد ماتخرجتوا من الثانويه !!!!

موووو معقووله كلكم نفس الشي !!

خلاص عيل سمعي كلام ابوج ولا تعاندينه وتعصبين عليه خو خلاص اشتري لج ايباد او كاميرا نايكون او كانون

بس احسن اخذي نايكون لانها حق المحترفيييين فقط

 

[حلآ الدنيآ]

صح كلام ابوج
و لاحقه خيير

 

[CSS_]

عن نفسي

شريت فون وانا بتاسع

بس والله مامنه فايده الا بالثانويه او بعدها!!

طول هالمده كان حاله حال الطاوله ;p يعني جد شبتسوين فيه؟ انا ما استعمله الا اذا وانا طالعه والحين عشان الواتس بس!

واذا انتي بتشترينه عشان نظره رفيجاتج؟

فـ اسمحيلي الغلط فيج مو بأبوج.. لاتصيرين سطحيه ولاتهمج المناظر حبيبتي، ترضيين ابوج ولا ترضيين رفيجاتج اللي مارح ينفعونج بشي؟

انتي بهالعمر المفروض تنتبهين لدراستج وبس خليج من الفون وسوالف الرفيجات اللي مامنهاا فايده ..

وترى الحين مارح تحسين باللي ابوج قاعد يسويه

بس لما تكبرين .. بتقولين ياازيين ماقلت يايبه ;p ..

 

[Ǥoldɛn ʝɛωɛL]

صح كلام ابوج

شوفيني انا 17 وما عندي فون طبعا مو رفض بالعكس
انا ما احبه صج شبستفيد ؟ انا احب الالكترونيات ما احب الفون
يمكن لاني مو من نوع اللي يتكلم وايد بالفون احب تكون مواجهه


وانا طبعا قصبن علي اخذ فون بالجامعه لازم ! لي احتجت شي ولا خلصت من محاظراتي
ولا انا مااااحبه كلش ولما احد يدق على البيت قولو لهم نايمه @_@ ما ادري ليش ؟!
بس صج ترى بهالعمر ما تحتاجينه صدقيني عندج اجهزة ابل مثل الايباد و الايبود نفس الايفووون بالضبط
اللهم انج تتحجين ؟!